Azaya 51:1 - Ika

¹ Osolobuẹ sị: Gọn ni m ntịn, ụnụ ile hụn a chọ nị ihiẹn rịzị k'o furu — ụnụ ndị rị a chọ nke Osolobuẹ: Bu ni nwan ẹnya ọmụma hụ wẹ gha bepụha ụnụ lẹ ebahụn wẹ nọ bepụha ụnụ.

Azaya 51:1 ပူးပေါင်းရင်းမြစ်များ

Ihiẹn Mẹni Nke Ẹbụọ 15:2

Azaria nọ jẹn d'e kunrun Asa, sị a, “Asa lẹ ndị Juda lẹ ndị Bẹnjamini ile, gọn ni m ntịn. Osolobuẹ a nọyeghọnị ụnụ omẹni ụnụ a nọdịyen'ẹ. Ụnụ chọ a, ụnụ k'a hụn a, kanị ụnụ gbakitọ a azụụn, ọ gbakitọ ụnụ azụụn.

Ihiẹn Mẹni Nke Ẹbụọ 15:4

Kanị, ogẹn wẹ gi rị imẹ nsọngbu, wẹ nọ gbehutọ buru Osolobuẹ wụ Chuku Izrẹlụ, chọ a, ọ nọ nị wẹ hụn a.

Ẹbụ-ọma 24:6

Ẹrịra kẹ ndị e fe Osolobuẹ a rị, ndị hụn a chọ ihun i, Chuku Jekọpụ. Sẹla

Ẹbụ-ọma 94:15

Ya wụ, ezioku k'e rizi nwan eṅẹn, ndị ile obi wẹ kụrụ ọtọ e sọnmẹ ezioku.

Itẹn 15:9

Ụzọ ndị eje-omumẹ wụ arụ ẹnya Osolobuẹ, kanị ndị a chụsọn ezi-omumẹ a sụọ a ụsụọ.

Itẹn 21:21

Onyẹ hụn a chọ ezi-omumẹ lẹ ihiẹn-ọsụsụọ a hụn ndụn, aghamihun lẹ ọghọ.

Azaya 45:19

Ekuni m'ẹ nzuzue, anọnị m ebe tegbu enwẹn ẹ gba ishi ku ẹ — asịnị m ebọn Jekọpụ ‘femẹ m mmaka’, Ezioku k'e mmẹ wụ Osolobuẹ e ku; ntụ arị oku m.

Azaya 48:1

Ebọn Jekọpụ, gọn ni ntịn, ụnụ ndị w'a kpọ Izrẹlụ, ụnụ ndị ẹbozo Juda; ụnụ ndị e kun ẹfan Osolobuẹ, a kpọku Chuku Izrẹlụ — kanị ụnụ ara gi ezioku lẹ ezi-omumẹ mẹ ẹ;

Azaya 48:12

Euu Jekọpụ, gọn m ntịn! Izrẹlụ hụn m kpọ: mmẹ wụ Chuku; mmẹ wụ Ibuzọ lẹ Ikpanzụụn.

Azaya 51:4

Ndị nke m, gọn ni m ntịn; ndị alị m, gọn ni m ntịn. M k'e mẹ Iwu m ghagbarị, ezigbo-eṅẹn m jẹnkọ d'a wụrụnị alị ile ukpẹ.

Azaya 51:7

“Gọn ni m ntịn, ụnụ ndị marịn ihiẹn furuni, ụnụ ndị iwu m rị obi: Atụlẹ ni egun nkọrịanị ịhịan mọbụ mama piripiri ni wẹ rị a kpari ụnụ.

Azaya 55:6

Chọ Osolobuẹ ogẹn y'e gi hụn a; kpọku ẹ ogẹn o gi rị nsue.

Azaya 65:10

Alị Sharọnụ k'a wụzị ebe atụnrụn nọ a kpa nni, Ọdanmgbugbu-Nsọngbu a wụrụ ebe efin a nọ e zu ikẹn — m k'e mẹni ndị nke m hụn e feni m ya.

Emọsụ 5:6

Chọburukwọ nị Osolobuẹ kẹni ụnụ rị ndụn, amamgbe o nwunrun kẹ ọkụn imẹ ikpụlọ Josẹfụ — ọkụn hụn k'e bu obodo Bẹtẹlụ ri, onwọnni onyẹ sikọ d'a sa ẹka tinyụnn'a!

Zẹfanaya 2:3

Mẹsọnmẹ ni uche Osolobuẹ ụnụ ile hụn e welụa enwẹn wẹ alị, ụnụ ile hụn e mẹ ihiẹn Osolobuẹ ku; e mẹni uche ẹ, ewelụabehikwọlẹ ni enwẹn ụnụ alị; ikẹnkwọ Osolobuẹ a nị ụnụ wanahịn ogẹn hụ o k'a ghọsị iwe-lẹ-ọnụma a.

Matiu 5:6

Ngọzi wụ nke ndị ọ rị a gụn nị ihiẹn rị kẹ Osolobuẹ dọn chọ, a gụn wẹ kẹ ihiẹn-oriri lẹ ihiẹn-ọrịra; ẹfọ jẹnkọ d'e jun wẹ.

Matiu 6:33

ka chụmagụ nị Alị-eze Osolobuẹ lẹ ihiẹn Osolobuẹ chọ, o sikọ d'e yezi ụnụ ihiẹn ndịnị ile.

Ndị Rom 10:3

makẹni aghọtanị wẹ ihiẹn wụ ezi-omumẹ ẹnya Osolobuẹ, ebe wẹ rị a chọ nị wẹ nwọnrin ezi-omumẹ nke wẹ, ekwerini wẹ bu enwẹn wẹ che ezi-omumẹ Osolobuẹ.

Ndị Rom 14:19

Nị ẹnyi a chọ nị nwan ihiẹn ẹnyi lẹ ibe ẹnyi e gi bi udọn, e sue imẹ okukwe.

Ndị Filipi 3:13

Umunẹ, m'a ra weridẹ enwẹn m kẹ onyẹ nwọnhẹngụn'a. Mba! Kama, ihiẹn ohuni kẹ m'e mẹ: m'a zọ hụn m nwọnhẹngụ, a lịlịma nị m nwọnhẹn hụn rị ihun.

Timoti Ibuzọ 6:11

Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Timoti Nke Ẹbụọ 2:22

Jụchanrịn ihiẹn a la ikorọbịa lẹ ịgbagba ẹnya; chụma ezi-omumẹ, okukwe, ihiẹn-ọsụsụọ lẹ udọn, e sọn ndị gi obi rị ọchan a kpọku Di-nwọnni-ẹnyi.

Hibru 12:14

A lịlịma nị nị udọn a rị ẹgbata ụnụ lẹ ịhịan ile lẹ ni ụnụ a rịzị nsọ, makẹni onyẹ rịlẹni nsọ ahụnkọ Onyẹ-nwọnni-ẹnyi.