Azaya 50:6 - Ika

⁶ E budẹ m ụgba-azụụn zinmẹni wẹ ebe wẹ rị a fịan m ihiẹn, la nti tọnị ndị rị e huepụ m ẹtu; egini m ifẹnrẹn zueri makẹ ẹmụ wẹ rị a mụ m lẹ ẹsọn wẹ rị a jụkpu m.

Azaya 50:6 ပူးပေါင်းရင်းမြစ်များ

Nehemiah 13:25

M nọ sọn ikẹnnyẹ ndị hụ kpemẹ, bụ wẹ ọnụ; m nọ gbu ụfọdụ imẹ wẹ ili, huepụ ntutu wẹ. M nọ mẹ wẹ kun Ẹfan Osolobuẹ, sị wẹ, “Ụnụ ewekọ ụmụ ụnụ ye ụmụ wẹ lụrụ; ụnụ alụkọ ụmụ wẹ ye ụmụ ụnụ mọbụ lụrụ ụmụ wẹ.

Jobu 16:10

Wẹ hụ e wo m; a ma m ọra mkpari, e zuni m umẹ.

Jobu 30:10

M wụ nwan ihiẹn ize ebe wẹ rị, wẹ hụ a gbanị m ẹhụ-ẹhụ; w'a ra ledẹ ẹnya azụụn wẹ gha a jụ m ẹsọn ihun.

Ẹbụ-ọma 129:3

A dụkpọgụọ wẹ m azụụn kẹ w'a dụkpọ alị-ugbo, gu ahịrị sueni yesọnmẹ ẹ.

Ẹbụ-ọma 69:7

Makẹni, oku i haịn wẹ gi a kpari m, ịya haịn m gi nwan rị imẹ okẹn ifẹnrẹn.

Ẹbụ-ọma 69:8

M nọ nwan kẹ abịamabịa ẹnya ndị nke m; umunẹ m rị nwan e mẹ m kẹ onyẹ ọzọ.

Azaya 53:5

Mba. Isi ẹnyi nupụ haịn wẹ gi dụn ẹ ihiẹn, njọ ẹnyi haịn wẹ gi mẹshi ẹ ikẹn; afụnfụn hụn ọ ta kẹ ihiẹn gi rịnị ẹnyi mma; ẹhụ wẹ rụsọnmẹ ẹ kẹ wẹ gi zụọ ẹnyi.

Azaya 53:7

E mẹshi w'ẹ ikẹn, mẹ ẹ ta afụnfụn, kanị ọ gba nkịtịn; e duru w'ẹ nọkẹ nwa-atụnrụn wẹ wekọ d'e gbu, kẹ onyẹnyẹ-atụnrụn wẹ rị a kọrị ẹṅẹnrẹn dọn a gba nkịtịn — ẹrịra k'ọ gba nkịtịn.

Ẹkwan 3:30

Ya bu nti zinmẹ onyẹ hụn k'a ma a ọra, ya narịnchanrịn mkpari rịn'a.

Maịka 5:1

Kịpụhagụ nwan ndị-agha ị, nị ndị-iṅẹnrẹn e kehunmẹgụọ ẹnyi: a fịan wẹ onyẹ-ọkịkị Izrẹlụ ẹgbe nti.

Ọgụngụn 12:14

Osolobuẹ nọ sị Mozizi, “Omẹni nẹdi ẹ te jụ a hụ ẹsọn ihun, o bukọ ihiẹn-ifẹnrẹn hụ akp'ọhịn ẹsa? Gha nị ebe ịhịan ile bi wepụ a ọrọgbọ akp'ọhịn ẹsa; ọ gharịgụ, ụnụ e webanhan a.”

Matiu 26:67

Wẹ nọ jụ a ẹsọn ihun, fịan a ihiẹn, ndị hụ imẹ wẹ a ma a ọra,

Matiu 27:26

Ya ọ nọ hapụnị wẹ Barabasị; ọ fịangụ Jizọsị mkpịnsịn, ọ nọ w'ẹ ye wẹ kpọgbu.

Matiu 27:30

Wẹ nọ jụ a ẹsọn, napụ a ọkpọ hụ wẹ te buche ẹ ẹka, fịanma a ya isi.

Matiu 5:39

Kanị, mmẹ nwẹn sị ị, ịhịan bịangbu i, esọnlẹ ẹ dọ. Kama, onyẹ ma ị ọra nti ẹka-nni, y'e bu nti hụn-ẹbọ zimẹn'ẹ.

Makị 14:65

Ụfọdụ nọ jụma Jesu ẹsọn, kpumẹ ẹ ẹnya, fịan a ihiẹn, sị a, “Bu amụma!” Ndị-nche nọzị weri ẹ, gbu ẹ ili.

Makị 15:19

A fịan w'a mkpịnsịn isi, jụ a ẹsọn; e gbuni w'ẹ osekpu, e liyen'ẹ ẹka.

Jọnụ 18:22

Ogẹn Jesu gi ku ihiẹnni, onyẹ-nche ohu turu ẹhụ ebahụn nọ ma Jesu ọra, sị, “Ẹrịra kẹ ya a gwa onyẹ-isi nchụn-ẹjan oku!”

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.