Azaya 50:4 - Ika

⁴ Di-nwọnni-ẹnyi wụ Osolobuẹ e yegụọ m ire onyẹ wẹ zụn hụn m gi a marịn oku m'e gi gba onyẹ ndụn gụ umẹ. Ụtụntụn ọwụlẹ k'o gi a kpọtiẹn m, a shịapụ ntịn m — kẹni m gọn ntịn kẹ onyẹ wẹ rị a kuzi ihiẹn.

Azaya 50:4 ပူးပေါင်းရင်းမြစ်များ

Jobu 4:4

Oku-ọnụ ị a ghọdọngụọ ndị te kpọgburuni; y'e mẹgụọ mkpụkụ ndị zelẹni kẹnrẹn.

Ẹbụ-ọma 119:147

M'a zọtẹnhin a kpọku i n'i yeni m ẹka; ihiẹn i ku kẹ m gi e dọn ẹnya.

Ẹbụ-ọma 143:8

Eki fọn ụtụntụn y'e mẹ m nụ ukwere ihiẹn-ọsụsụọ ị, makẹni ịyụ kẹ m gi dọn ẹnya. Ghọsị m ụzọ m k'a gha, makẹni e wegụọ m enwẹn m kwan'ị.

Ẹbụ-ọma 40:7

Ya m nọ sị, “Lee m ebeni, a bịagụọ m — kẹ wẹ dọn de ẹ banyeni m imẹ Ẹkụkwọ-nsọ.

Ẹbụ-ọma 45:2

Ịyụ kachanrịn ikẹnnyẹ ile okorọbịa e pu! Oku ọnụ ị a rịka mma — ya wụnị Chuku a gọzigụọ ị jẹnrin ejẹn!

Ẹbụ-ọma 5:3

Euu Osolobuẹ, y'a nụ olu m ụtụntụn; ụtụntụn, m'a gwaghọsị ị mkpa m, e cheri i.

Ẹbụ-ọma 88:13

Mmẹ nwẹn rị a kpọku i, Osolobuẹ, a kpọku i ụtụntụn ile.

Itẹn 12:25

Uhue a nyịntu ịhịan nọkẹ ibu, kanị oku rị mma a gba a umẹ.

Itẹn 15:23

Oku ịhịan shịarị danyechanrịn, o mẹ ẹ ghọghọ; oku wẹ ku ogẹn o furu a rịka mma.

Itẹn 25:11

Oku wẹ tụye ọhụnma nọ kẹ mkpụrụ-osisi a la ẹnya wẹ gi goru kpụ, dọnyesọnmẹ elu ihiẹn siliva.

Azaya 28:19

K'ọ bịahanlẹ k'o k'a gha e bupụ ụnụ — ụtụntụn lẹ efinaị lẹ uhinhin, ụhụọhịn ile.” Ozini k'e wẹhẹni ndị nke ụnụ okẹn egun, ogẹn w'e gi ghọta a.

Azaya 28:9

E sị wẹ, “Onyẹ k'ọ rịdẹ nwan a chọ n'ọ kuzi? Onyẹ k'ọ rị a kọwanị ozi ọ rị e zi? Ụmụ-ẹka wẹ hadẹ ẹran tannị ra ụmụ-ndu wẹ napụhụ ẹran nke ọhụn?!

Azaya 35:5

Ogẹn hụ ẹnya onyẹ-isi k'a shịapụ, ntịn-okin a nụma ihiẹn.

Azaya 40:29

O mẹ ndụn a ban ndị ndụn gụ, e yecheni ndị ndụn rịlẹni ikẹn.

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Azaya 54:13

Osolobuẹ kẹ ụmụ ị jẹnkọ d'a mụnarịn, ihiẹn jẹnkọ d'a rịnị mmụ ị mma ọda-ọda.

Azaya 8:16

Bu oku ndịnị k'a shịa ẹri dọnmẹ, we ihiẹn ndịnị m rị a kuzi ye ndị rị e sọnni m dọnmẹ.

Jerimaya 1:9

Ya kẹ Osolobuẹ nọ tịnpụ ẹka, mẹtụ m ọnụ, sị m, “Lee ẹ, e bugụọ m oku m che i ọnụ.

Jerimaya 31:25

M k'e mẹ ndụn banzị ndị ndụn gụ, mẹ obi ruchanrịn ndị rị a kwannị alị.”

Izikẹlụ 46:13

“ ‘Ụhụọhịn-ụhụọhịn, gi ni nwa-atụnrụn ahụa ohu ẹhụ a zu oke chụnyeni Osolobuẹ ẹjan w'a kpọ ọkụn. Ụtụntụn ọwụlẹ kẹ ụnụ e gi a chụn a.

Matiu 11:28

“Bịa nị d'e kunrun m, ụnụ ile ndụn gụ, bu ibu nyịnnị, m jẹnkọ d'e ye ụnụ ezumikẹn.

Matiu 13:54

shi obodo ọ nọ sue. Ọ nọ kuzimẹ wẹ imẹ ụlọ-ofufe wẹ, nke wụ nị nkuzi ẹ nọ tụ wẹ ẹnya, wẹ nọ sị, “Elebe kẹ onyẹni nọ nwọnhẹn amamihiẹnni lẹ ikẹn o gi a rụn ọrụn-atụmẹnya ndịnị?

Matiu 22:46

Onwọnni onyẹ saẹka za ihiẹn ọwụlẹ. Onwọnzini onyẹ egun nị jụzị a ụtaa gha ụhụọhịn hụ jẹnmẹ.

Luku 21:15

Makẹni m sikọ d'e ye ụnụ amamihiẹn lẹ oku-ọnụ hụn ndị ikpe ụnụ jẹnkọlẹni d'a saẹka shịarị mọbụ papụ.

Luku 4:22

Wẹ ile hụ e ku oku ẹ ọhụnma, oku-ọnụ a hụ a tụ wẹ ẹnya. Wẹ nọ sị, “Onyẹni ẹlẹ nwa Josẹfụ?”

Jọnụ 7:46

Ndị ụlakpa Ụlọ-nsọ hụ nọ sị, “Onwọnni onyẹ kutu oku kẹ okẹnnyẹ hụ!”

Ditrọnọmi 18:17

Osolobuẹ nọ sị m, “Ihiẹn wẹ ku hụghọ mma.

Ditrọnọmi 18:18

M k'a gha imẹ ndị nke wẹ wepụhanị wẹ onyẹ-amụma nọ kẹ ịyụ; m k'e bu oku m che ẹ ọnụ, ọ gwachanrịn wẹ ihiẹn ile m gwa a.