Azaya 50:2 - Ika

² Kẹ m bịa, kị haịn o gilẹni nwọn onyẹ rịn'a? Kẹ m kpọ oku, kị haịn o gilẹni nwọn onyẹ zanị? Ẹka m e mẹkẹ nkpụrụ nị asa m ẹka zụọpụha ụnụ ra enwọn m ndụn m'e gi zụọpụha ụnụ? Bụ ọjụgbọ mmaka kẹ m gi e mẹ ohimin a tahị, e mẹ iyi ichẹn-ichẹn e họnrin alị ọkpọ-nkụn azụn rị imẹ wẹ a nwụnhụn, shinkpo, makẹni mirin arịa; ẹgụn-mirin e gbu wẹ!

Azaya 50:2 ပူးပေါင်းရင်းမြစ်များ

Jẹnẹsisi 18:14

O nwọn ihiẹn karị Osolobuẹ ẹka omumẹ? O ru ogẹn ahụn m ku, m k'e kinhẹn, mgbeni akan-ile, Sẹra k'a mụ okẹnnyẹ.”

Ihiẹn Mẹni Nke Ẹbụọ 32:15

Anịlẹ ni nwan Hezikaya dufie ụnụ ẹnịna. Egikwọlẹ ni oku ẹ dọn, makẹni onwọnni mmọn alị mọbụ alị-eze ọwụlẹ satu ẹka gbapụha ndị nke ẹ ẹka m mọbụ ẹka ndị nẹdi m, ọ rị wụzị mmọn ụnụ.”

Ẹbụ-ọma 106:9

ọ jụgbọ Ohimin Ufie, ọ tahị; o we wẹ fetu akpakalị Ohimin ahụn nọkẹ sị alị-ọkpọnkụn rị imẹ atụ rọ.

Ẹbụ-ọma 107:33

O mẹ iyi a tahịchanrịn e họnrin atụ, e gi isi-mirin e họnrin alị-ọkpọnkụn;

Ọpụpụ 14:21

Mozizi nọ nwan tịnpụ ẹka zinmẹ Ohimin ahụn, Osolobuẹ nọ gi okẹn ufere hụn gha ibe ọwụwa ẹnyanwụn bịa nu mirin Ohimin hụ shi azụụnnị lẹ azụụnnị; ufere ahụn nọ kpọ uhinhin ahụn ile, nu mirin hụ shi azụụnnị-lẹ-azụụnnị, akpakalị nọ pụha.

Ọpụpụ 14:29

Kanị ndị Izrẹlụ nọ gha akpakalị ahụn pụhanị fetu ohimin ahụn, mirin e turu wẹ ẹka-nni lẹ ẹka-ekpẹn nọkẹ ẹhụ-ụlọ.

Ọpụpụ 7:18

Azụn rị imẹ ẹ k'a nwụn, mirin ẹ e shinmẹ; ndị Ijiptu asakọ ẹka ra a.” ’ ”

Ọpụpụ 7:21

Azụn rị Naịlị nọ nwụnhụn, mirin iyi ahụn nọ shinmẹ, o shinkpo nke wụ nị ọ nịnị ndị Ijiptu ra; ẹdeke e jun ụzọ ile imẹ alị Ijiptu.

Itẹn 1:24

Kanị, makẹni ụnụ azanị kẹ m kpọ oku, makẹni onwọnni onyẹ gọn ntịn kẹ m tịnpụ ẹka ẹbụọ nị m nabanhan ụnụ,

Azaya 11:15

Osolobuẹ k'e mẹ Ohimin Ufie hụn rị ẹhụ Ijiptu kọrọhị; o k'e fezikwọ ẹka a, fe ufere rị a nụ ọkụn ye elu Iyi Yufretisi, kebe ẹ ụzọ ẹsa hụn w'e gi gidẹ akpụkụ mmaka fetu ẹ.

Azaya 19:5

Iyi Naịlị k'a tahị, akpak'alị iyi Naịlị jẹnkọ d'a kọrọhị.

Azaya 23:11

Osolobuẹ e bugụọ ẹka zinmẹ ohimin, e mẹhunmẹ alị-eze ndị rịn'a. Ọ sịgụọ wẹ mẹ Finishịa ihiẹn, wẹ tikpọpụ ebe ile rịn'a wẹ gisọnmẹ e dọn ẹnya.

Azaya 36:20

Imẹ mmọn ndịnị ile, elee hụn sa ẹka zụọpụha alị a ẹka m. Nanị kẹ Osolobuẹ ụnụ e dọn nwan s'ẹka zụọpụha Jerusalẹm ẹka m?”

Azaya 41:28

E lee m ẹnya, onwọnni mmọn rịnị — onwọnni hụn ọwụlẹ k'a s'ẹka dụn ọdụn, onwọnni hụn k'a s'ẹka za m ajụjụ.

Azaya 42:15

M k'e bu ugu lẹ òke la iwi, mẹ ihiẹn ile rị e sue elu wẹ shinwụnchanrịn; m k'e mẹ iyi tahị, akpakalị a pụhasọnmẹ ẹ, mẹ ọgọdọ-mirin tahị.

Azaya 43:16

Lee ihiẹn Osolobuẹ ku — Osolobuẹ hụn be ụzọ ye imẹ ohimin, hụn be ụzọ ye imẹ okẹn-mirin ahụn;

Azaya 44:27

Mmẹ sị ohimin, ‘Tahị; m k'e mẹ mirin i tahị.’

Azaya 51:10

Ẹlẹ ịyụ mẹ ohimin hụ tahị — mirin ahụn migbu enwẹn ẹ? Ẹlẹ ịyụ bedẹ ụzọ ye okẹn-ohimin hụ kẹni ndị ị gbapụha fetu?

Azaya 54:6

Osolobuẹ k'a kpọkinhẹn i lekẹ nwunyẹ wẹ jụ obi rị a gbawa, nwunyẹ wẹ lụ nke ọhụn hụn wẹ jụ. Ya kẹ Chuku i ku.

Azaya 59:1

Lee ẹ, ẹlẹ ni ẹka Osolobuẹ e mẹkẹ mkpụrụ haịn o gilẹni a zụọpụha ụnụ mọbụ nị ntịn e kinkẹ ẹ haịn o gilẹni a nụ ekpere ụnụ.

Azaya 59:16

Ọ hụn a nị onwọnni onyẹ rịn'a, ọ tụ a ẹnya ọda-ọda nị onwọnni onyẹ e buche ọnụ nị wẹ dọnzi ihiẹn. Ya kẹ ọ nọ gi ẹka a wẹhẹ nzụọpụha. Ezi-omumẹ ẹ ye ẹ ndụn o gi mẹ ẹ.

Azaya 63:13

Onyẹ hụn we wẹ ghafe mirin ahụn mini?” Wẹ gha kẹ ẹshin ghakọ ebe fọnni ogẹn hụ — akpọgburuni wẹ;

Azaya 64:6

Ẹnyi ile nọ nwan kẹ onyẹ rụnị, ezi-omumẹ ile ẹnyi rị e mẹ nọhụ kẹ nkanka ẹkwa wẹ gi sọ ezi; ẹnyi ile hụ e shinwụn nọkẹ ẹhụhụọ; njọ ẹnyi e buhuhu ẹnyi kẹ ufere.

Azaya 65:12

Okeri m k'e ye ụnụ wụnị wẹ k'e gi ọpịa gbu ụnụ, ụnụ ile k'e welụa isi, a mabepụ wẹ ụnụ olu — makẹni kẹ m kpọ ụnụ, ụnụ azanị; a gwa m ụnụ oku, ụnụ egini dọn. Ụnụ nọ mẹ ihiẹn rịlẹni mma ẹnya m, ụnụ a hanrịn ihiẹn ghalẹni a sụọ m.”

Azaya 66:4

Mmẹ nwẹn sikọ d'e mẹshi wẹ ikẹn; m k'e mẹ ihiẹn w'a tụ egun ẹ kunrun wẹ. Makẹni, kẹ m kpọ oku, onwọnni onyẹ zanị; kẹ m ku oku, onwọnni onyẹ gi ẹ dọn. Ihiẹn rịlẹni mma ẹnya m kẹ wẹ e mẹ, ihiẹn e ze m ize kẹ wẹ a họrịsọnmẹ.

Jerimaya 14:9

K'ị rị nwan e mẹni kẹ onyẹ ihiẹn kunrun idẹnmuzi, kẹ odogun-agha nwọnlẹni ihiẹn ọ saẹka e mẹ? Bụ ị hụ imẹ igunrun ẹnyi, Osolobuẹ — ẹfan ị kẹ ẹnyi a za; dodo, alakwọlẹ ẹnyi tọ.

Jerimaya 35:14

Jonadabụ nwa Rekabụ sị ebọn ẹ aralẹ manya, wẹ nọ gi ihiẹn hụ ọ gwa wẹ dọn: d'e rukwọ nwan tannị w'a ra ra manya, makẹni wẹ rị e mẹ ihiẹn nẹdi wẹ kanị sị wẹ mẹ. Kanị, mmẹ nwẹn wụ Osolobuẹ hụ nwan a gwa ụnụ oku ọgụgwa-ọgụgwa, ụnụ arị e gi oku m e dọn.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 5:1

Osolobuẹ sị, “Ghasọnmẹ ọgbara-ogbe ile rị imẹ Jerusalẹm; lehunmẹdẹlẹ ẹnya, n'ị hụn; jẹn ẹbụ ile d'e lelehunmẹ; omẹni y'a hụn akpụ onyẹ ohu hụn gi ezioku e mẹ ihiẹn ẹ, e kwọnkẹnmẹ ezioku: e gi m ufiri ẹ gbagharị obodoni.

Jerimaya 7:13

Kẹ ụnụ rị e mẹ ihiẹn ndịnị, m hụ a gwa ụnụ ọgụgwa-ọgụgwa, kanị ụnụ egini dọn; a kpọ m ụnụ, ụnụ azanị. Ya kẹ Osolobuẹ ku.

Jerimaya 7:27

“I k'a gwachanrịn wẹ ihiẹnni, kanị ẹlẹ wẹ k'e gọnkwọ tan ntịn; ị hị wẹ, ẹlẹ wẹ k'a za.

Jerimaya 8:6

E gọngụọ m wẹ ntịn ọhụnma-ọhụnma, onwọnni ezioku rị wẹ ọnụ. Onwọnni onyẹ njọ a rị a fụ obi n'ọ sị enwẹn ẹ, “Kẹ m mẹdẹni nwan ihiẹnni?” Onyẹ-onyẹ hụ e mẹ nke ẹ ikẹn-ikẹn nọkẹ ẹshin-agha zụnbankọ ọgbọ-agha.

Daniẹlụ 3:15

Ụnụ nụ nwan ukwere ọdụ, ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, nị ụnụ e kweri dannị ihiẹn ahụn m kpụ alị, gbaye ẹ, nsọngbu arịkọ. Kanị, omẹni ụnụ agbayen'ẹ, wẹ k'a tụ ụnụ ye imẹ okẹn ọkụn rị e nwunni ozigbo. Nị m hụn mmọn hụ k'a sa nwan ẹka zụọpụha ụnụ ẹka m.”

Daniẹlụ 3:29

M rị nwan e ti iwu nị onyẹ alị ọwụlẹ mọbụ asụsụ ọwụlẹ hụn k'e kuja oku Chuku Shẹdrakị, Mishakị lẹ Abẹdnego wẹ sikọ d'a jakịka a, kụtuchanrịn ụlọ a, o họnrin mkpọkọ-ụlọ — makẹni onwọnni mmọn ọzọ k'a s'ẹka gbapụha ịhịan ẹnịna.”

Daniẹlụ 6:20

O ru ẹhụ olu hụ, ọ nọ gi uhue rị e huen'ẹ kpọcheni Daniẹlụ, sị, “Daniẹlụ-o, odibo Chuku ahụn rị ndụn, Chuku i, hụn y'e fe ogẹn ile a saghọ ẹka gbapụha ị ẹka ẹwọrọ?”

Daniẹlụ 6:27

Ọ gbapụha ịhịan, a zụọpụha; o mẹ ihiẹn a ghọsị ẹka a lẹ ihiẹn a tụ ẹnya imẹ elu-igwee lẹ enu-ụwa. Ọ gbapụhagụọ Daniẹlụ ọnụ ẹwọrọ.”

Hosia 11:2

Kẹ m dọn rị a kpọ wẹ, kẹ wẹ dọn rị a gbanị m ọsọ; a tọ wẹ a chụnyeni Baalụ ndị ahụn ẹjan, a mụnị mmọn ichẹn-ichẹn nsẹnsi.

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Nahum 1:4

Ọ bannị ohimin mban, ohimin a tahị; o mẹ iyi a tahị; ẹfịfịa jun Bashanị lẹ ugu Kamẹlụ e shinwụn, osisi jun alị Lẹbanọnụ a kpọpụ nkụn.

Habakọkụ 3:8

“Euu Osolobuẹ, iyi ndị hụ kẹ ị rị e buni olulu ogẹn hụ? Ra iyi k'i rị e weni iwe hụ? Ra ohimin k'ị rị a kpọnị ọnụma hụ? Uwẹ k'i nyinkọnị ẹshin-agha ị ọkụn-ọkụn, ra wẹ k'i nyinkọnị ụgbọ-ẹshin agha i gi a zụọpụha?!

Ọgụngụn 11:23

Osolobuẹ nọ sị Mozizi, “Ẹka Osolobuẹ e mẹkẹ mkpụrụ? Ị jẹnkọ nwan d'a hụn kẹ ihiẹn m ku sikọ d'e mẹ ra o mẹkọ.”

Makị 4:39

Jizọsị nọ tẹnhin, jụgbọ okẹn ufere hụ, sị ohimin hụ, “Kụsị! Mẹ jụụ!” Ufere a kụsị, ụzọ ile e mẹ rajụụ.

Jọnụ 1:11

Ọ bịa d'e kunrun ndị nke ẹ, kanị ndị nke ẹ anabanhann'a.

Jọnụ 3:19

Ọnwan kẹ wẹ gi hangbu wẹ eṅẹn: nị ukpẹ a bịagụọ imẹ ụwa, kalẹ ishi a ka ịhịan a sụọ karị ukpẹ, makẹni eje-ihiẹn kẹ w'e mẹ.

Joshụa 3:16

mirin hulanị nọ kụsị ebe te ọhụnma-ọhụnma, turu, e jẹn elu ebẹhụ ọ kụsị imẹ obodo Adam hụn nọkunmẹ Zarẹtanị; onwọnzini mirin rị e hushi Ohimin Araba, hụn wụ Ohimin-Nnu. Ya ndị Izrẹlụ nọ gha ebẹhụ bu ihun zinmẹ Jẹriko fetu.