Azaya 50:11 - Ika

¹¹ Kanị, ụnụ ile hụn a mụyeni enwẹn ụnụ ọkụn, a mụyeni enwẹn ụnụ ukpẹ-ọwa, gi ni nwan ọkụn ndị ahụn ụnụ mụye ghama, ya lẹ ukpẹ-ọwa ndị hụ ụnụ mụye. Kanị, ihiẹn ụnụ jẹnkọ d'e nwọnhẹn ẹka m wụ ọnwan: ọnụ jẹnkọ d'e dinẹtọ imẹ eje-afụnfụn.

Azaya 50:11 ပူးပေါင်းရင်းမြစ်များ

Ndị Rom 10:3

makẹni aghọtanị wẹ ihiẹn wụ ezi-omumẹ ẹnya Osolobuẹ, ebe wẹ rị a chọ nị wẹ nwọnrin ezi-omumẹ nke wẹ, ekwerini wẹ bu enwẹn wẹ che ezi-omumẹ Osolobuẹ.

Jọnụ 8:24

Ya haịn m gi gwa ụnụ nị ụnụ sikọ d'a nwụntọ imẹ njọ ụnụ. Ụnụ jẹnkọ d'a nwụntọ imẹ njọ ụnụ mmanị ụnụ kweri nị m wụ Onyẹ M Wụ.”

Jona 2:8

Ndị hụn e fe mmọn nwọnlẹni isi a latọgụọ ihiẹn yụ lẹ wẹ kwerigbama.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Jọnụ 9:39

Jesu nọ sị, “M bịa ụwanị d'a han eṅẹn, kẹni ndị ẹnya-ishi leghama ụzọ, ndị e legha ụzọ a wụrụ ẹnya-ishi.”

Izikẹlụ 20:39

“Ụnụ ndị Izrẹlụ, Osolobuẹ Nwọn Ihiẹn Ile sị: Jẹnmẹkwọ nị d'e femẹ mmọn ụnụ — onyẹ lẹ mmọn a, onyẹ lẹ mmọn a! Kanị, omẹgụ, ụnụ k'e gọnrịrị m ntịn, ụnụ egikọzị mmọn ụnụ ndị hụ lẹ oyiye ụnụ e ye wẹ budan ẹfan m rị nsọ.

Azaya 8:22

Wẹ lee ẹnya alị, a hụn wẹ nsọngbu lẹ ishi lẹ eje-ụya sụọ — a tụ wẹ wẹ ye imẹ ụya hụ.

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Jemisi 3:6

Ire wụ ọkụn nke-esi. Ọ nọhụ kẹ ebe wẹ nọ bu njọ han kẹ ụwa ile che ẹnyi ẹhụ! O ruchanrịn ẹhụ ile unyin! Ọ dụnkwama ndụn ịhịan ọkụn. Ọkụn ire gi a dụn a gha ọkụn-mmọn a bịa.

Matiu 22:13

Eze nọ sị idibo ẹ, ‘Kẹnmẹ n'ẹ ụkụ lẹ ẹka, tụ a ye ishi ahụn rị ezi, ebe ịhịan jẹnkọ d'a nọ a kwan ẹkwan, a ta nkwẹnrẹn-eze.’

Matiu 8:12

kanị ụmụ Alị-eze hụn nkẹ a banyen'ẹ k'a rị ẹkpa ishi rị ezi ebe wẹ k'a chụshi wẹ, ebe ịkwan-ẹkwan lẹ ịta nkwẹnrẹn-eze jẹnkọ d'a rị.”

Azaya 55:2

Kị ụnụ rị e tuhuni egho e ṅọn ihiẹn wụlẹni ihiẹn-oriri, a rụngbu enwẹn ụnụ yeni ihiẹn ghalẹni e jun ẹfọ? Gọn m ntịn ọhụnma-ọhụnma, n'ị hụn ụzọ ri ihiẹn rị mma, ezigbo ihiẹn-oriri hụn jẹnkọ d'a rịchanrịn ị mma.

Itẹn 26:18

Onyẹ-ẹra hụn rị a gba ụta lẹ ọkụn mpụ

Ẹbụ-ọma 32:10

Nsọngbu bu ọda a bịanị ndị-njọ, kanị, ihiẹn-ọsụsụọ Osolobuẹ e fihunmẹ ndị gi Osolobuẹ dọn ẹnya.

Ẹbụ-ọma 16:4

Ndị rị e fe ihiẹn ọzọ gi ẹ hụ e seri nsọngbu bu ọda! Ehuyekọ m ẹdeke hụ wẹ e huyeni mmọn ndị ahụn, akpọkọdẹ m ẹfan mmọn ndị ahụn.

Azaya 9:18

Eziẹ, eje-obibi rị a dụn kẹ ọkụn; ọ dụnpụ ogun-lẹ-ọkịnkan; ọ mụdẹ ọkụn e ye ẹgboko kin ẹnya, hụn ẹnwụnrụn a gidẹ a lọshi elu.

Emọsụ 4:9

“E zi okẹn anwụn lẹ ndundu gi wẹ wiwipụ ugbo-nta lẹ alị vaịnị ụnụ bu ọda; e zi m igurube d'e ripụ osisi figi lẹ osisi olivu ụnụ; kanị, ụnụ egikwọn'a rogharị d'e kunrun m.” Ya kẹ Osolobuẹ ku.

Emọsụ 4:10

“E mẹ m ụnụ ihiẹn kẹ m dọn mẹ ndị Ijiptu; e gi m agha lẹ ọpịa-agha gbu ikorọbịa ụnụ; a napụ m ụnụ ẹshin ndị ahụn m napụ ụnụ; e mẹ m ishin ozun jun ebe ụnụ bi. Kanị, ụnụ egikwọn'a rogharị d'e kunrun m; Ya kẹ Osolobuẹ ku.

Habakọkụ 2:13

Osolobuẹ ihiẹn ile rị okpuru ẹ ekugụọn'a, nị alị lụgbugụ enwẹn wẹ, ihiẹn wẹ rụn a la ọkụn? O kugụọn'a nị wẹ rụngbugụ enwẹn wẹ, ihiẹn wẹ rụn sikọ d'a la iwi?

Jerimaya 17:4

Ufiri ihiẹn ụnụ mẹ, ihiẹn m ye ụnụ jẹnkọ d'a nahịn ụnụ; m jẹnkọ d'e mẹ ụnụ wụrụ igbọn ndị iṅẹnrẹn ụnụ, makẹni ụnụ a kpasugụọ m iwe, gi ẹ fụnwun okẹn ọkụn jẹnkọ d'a dụnsọnmẹni.”