Azaya 50:1 - Ika

¹ Osolobuẹ sị ndị Izrẹlụ, “Elee ẹkụkwọ-mkpechan kẹ m ye nnẹ ụnụ wụ alị Izrẹlụ, omẹni mkpechan kẹ m kpechan a? Onyẹ kẹ m re ụnụ ye gi kụ ụgwọ — omẹni orire kẹ m re ụnụ? Njọ ụnụ haịn wẹ gi re ụnụ; eje-obibi ụnụ haịn wẹ gi chụpụ nnẹ ụnụ.

Azaya 50:1 ပူးပေါင်းရင်းမြစ်များ

Ndị-nze Nke Ibuzọ 21:25

(Onwọntuni onyẹ wechanrịn enwẹn ẹ kwanị eje-ihiẹn jọgbu enwẹn ẹ ẹnya Osolobuẹ kẹ Ehabụ dọn mẹ makẹni nwunyẹ ẹ wụ Jezibẹlụ rị e nu ẹ.

Ndị-nze Nke Ẹbụọ 17:17

E gidẹ wẹ ụmụ wẹ ikẹnnyẹ lẹ ikpoho chụnnị mmọn ẹjan w'a dụn ọkụn. A gba wẹ ẹfa, a gwọ wẹ ọgụn — re enwẹn wẹ ye eje-ihiẹn, kpasu Osolobuẹ iwe.

Ndị-nze Nke Ẹbụọ 4:1

Nwunyẹ onyẹ ohu rị itu ndị-amụma kwanburuhẹ Ẹlaịsha, sị a, “Odibo i wụ di m a nwụnhụngụọ. Y'a marịnghọ n'ọ gbaye Osolobuẹ ọda-ọda. Kanị, onyẹ o gi ụgwọ lala nwan d'e weri ụmụ m ikẹnnyẹ ẹbụọ n'o gi wẹ họnrin igbọn ẹ.”

Nehemiah 5:5

Umunẹ ẹnyi etuni nị ẹnyi lẹ wẹ wụ ẹhụ ohu lẹ ẹdeke ohu, nị ụmụ wẹ akanị ụmụ ẹnyi mma, w'e d'e mẹ ẹnyi re ụmụ ẹnyi ikẹnnyẹ lẹ ikpoho yeni oku egho; e gigụọdẹ wẹ ụfọdụ ụmụ ẹnyi ikpoho họnrin igbọn! Kanị onwọnni nwan ihiẹn ẹnyi k'a saẹka mẹ makẹni ugbo ẹnyi lẹ alị vaịnị ẹnyi a bangụọ ndị ọzọ ẹka.”

Ẹsta 7:4

Makẹni, e regụọlẹ wẹ mmẹ lẹ ndị nke m kẹni wẹ tikpọ ẹnyi, gbu ẹnyi, kẹni ẹnyi gụchanrịn. Omẹni orire mmaka kẹ wẹ te re ẹnyi nị ẹnyi wụrụ igbọn, m kẹ m'a gba nkịtịn, makẹni ọhụn ẹlẹ hụn nkẹ m'e gi yemẹ eze nsọngbu.”

Ẹbụ-ọma 44:12

Y'e repụgụọ ndị nke i nru-ọnụ lekẹ ihiẹn afịa jụ.

Ọpụpụ 21:7

“Omẹni ịhịan re nwa a okpoho ye ọnọdị igbọn, o werikọ enwẹn ẹ kẹ igbọn-ikẹnnyẹ dọn e weri enwẹn wẹ.

Azaya 1:28

Kanị ntikpọ kẹ wẹ k'e tikpọ ndị nnupụ-isi lẹ ndị-njọ, ndị hụn gbakitọ Osolobuẹ azụụn k'a la iwi.

Azaya 27:8

Y'e gigụọ agha lẹ ọchụpụ ị chụpụ a ye ẹ afụnfụn; y'a fụgụọ wẹ okẹn ufere i fụpụ wẹ, kẹ ufere ẹbamịn ọwụwa-ẹnyanwụn e mẹ.

Azaya 43:27

Nẹdi ibuzọ ụnụ e mẹghọ njọ; ndị e kuni ụnụ a paghọ oku m.

Azaya 46:8

Nyanhankwọ nị ihiẹnni; bun'ẹ che obi, e ron'ẹ, ụnụ ndị nnupụ-isi.

Azaya 52:3

Makẹni Osolobuẹ sị: “Ọfẹ kẹ m re i, ya wụ, egikọ m egho gbarị ị.”

Azaya 54:6

Osolobuẹ k'a kpọkinhẹn i lekẹ nwunyẹ wẹ jụ obi rị a gbawa, nwunyẹ wẹ lụ nke ọhụn hụn wẹ jụ. Ya kẹ Chuku i ku.

Azaya 54:7

M jụ ị hụ ẹkẹrẹ ogẹn, kanị m jẹnkọ d'e gi okẹn omikẹn wekinhẹn i.

Azaya 58:1

Gi ẹ yi oro! Agbakwọlẹ nkịtịn! Yi ẹ n'ọ han — nọkẹ opi! Gwapụ ndị nke m nnupụ-isi wẹ, gwapụ ikpụlọ Jekọpụ njọ wẹ!

Azaya 64:6

Ẹnyi ile nọ nwan kẹ onyẹ rụnị, ezi-omumẹ ile ẹnyi rị e mẹ nọhụ kẹ nkanka ẹkwa wẹ gi sọ ezi; ẹnyi ile hụ e shinwụn nọkẹ ẹhụhụọ; njọ ẹnyi e buhuhu ẹnyi kẹ ufere.

Jerimaya 3:1

“Okẹnnyẹ kpechan nwunyẹ ẹ, nị hụn okpoho a pụ, lụma okẹnnyẹ ọzọ, nị di ẹ mbụ lụmazị a? Alị a rụchanrịnkọ o mẹ ẹ? Kanị ị hụ e bi kẹ ịgbaraja ya lẹ ndị bu ọda rị a sụọ, nị ị buruhẹzi m nwan?” Ya kẹ Osolobuẹ ku.

Jerimaya 3:8

E yeghọ m Izrẹlụ Ẹbamịn-ugu danpụgụnị ẹkụkwọ-mpechan, chụpụ a — makẹ ughẹrẹ ẹ, ife mmọn ichẹn-ichẹn. M nọ hụn a nị egun atụnị Juda nwẹnẹ ẹ hụn ẹnya rịlẹni ụzọ ohu, ọ pụ ogbe d'a ghẹrẹmazị ughẹrẹ ife mmọn ichẹn-ichẹn.

Jerimaya 4:18

“Obibi i lẹ omumẹ i buhẹn'i ihiẹnni. Ọnwan wụ afụnfụn m ye i. Ọ hụ e lu i ilu; ọ fụrugụọ ị akpobi!”

Hosia 4:5

Ọhanfie ọhanfie kẹ ụnụ a hanfiesọnmẹ ụkụ kẹ efinaị kẹ uhinhin; ndị-amụma hụzị e sọn ụnụ a hanfie; m sikọ nwan d'e tikpọ nnẹ ụnụ wụ alị Izrẹlụ.

Lẹvitikọsụ 25:39

“Onyẹ alị ụnụ nwọn ikẹn dan ogbẹnnyẹ imẹ igunrun ụnụ, re enwẹn ẹ ye i; emẹlẹ ẹ kẹ igbọn.

Matiu 18:25

Kanị onyẹ hụ asanị ẹka kụ a. Di-nwọnn'ẹ nọ sị wẹ re ya lẹ nwunyẹ ẹ lẹ ụmụ a lẹ ihiẹn ile o nwọn, gi ẹ kụ a ụgwọ o gi ẹ.

Ditrọnọmi 32:30

Nanị kẹ onyẹ ohu dọn s'ẹka chụ ndị Izrẹlụ ọgụn-iri kwasị nnụnaị ọsọ, mmadụ ẹbụọ a han mmadụ nnụ-uku iri wẹ gbama ọsọ — mmanị Onyẹ wụ Ọmụma wẹ e regụọ wẹ, mmanị Osolobuẹ e wegụọ wẹ ye wẹ mẹri.