Azaya 5:24 - Ika

²⁴ Ufiri ẹ, kẹ ọkụn dọn e ripụ irurue-ọkpọnkụn lẹzi kẹ ẹfịfịa-ọkpọnkụn rị ọkụn dọn a nyụnlụa, ẹrịra kẹ mkpọgụn wẹ k'a dọn rehi, ufere e bupụ obobo wẹ nọkẹ ntụn; makẹni a jụgụọ wẹ Iwu Osolobuẹ, Onyẹ ahụn kachanrịnnị, legberi oku Osolobuẹ Onyẹ-nsọ Izrẹlụ.

Azaya 5:24 ပူးပေါင်းရင်းမြစ်များ

Ndị-nze Nke Ẹbụọ 19:22

Onyẹ k'i rị a kpari, e kuja oku ẹ? Onyẹ k'i gandẹ ọgịngan hụ, e leshi elu e leshi alị? Onyẹ nsọ Izrẹlụ rọ!

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Jobu 18:16

Mkpọgụn a rị alị a kpọpụ nkụn, agalaba a rị elu e shinwụn.

Jobu 8:17

o gidẹ mkpọgụn a fịfịrị ikpọn ọmụma, e weridẹ ọnọdị ebe ọmụma rị.

Ẹbụ-ọma 50:17

Ịjụgbọ ụnụ e ze ụnụ ize; ụnụ hụ e nu oku m e ye azụụn.

Ọpụpụ 15:7

Okẹn ikpẹn i k'i gi mẹri ndị lụsọn i ọgụn. Ọnụma ị rị a dụn kẹ ọkụn k'i gi sọn wẹ, ọ nọ dụnpụ wẹ kẹ ẹfịfịa ọkpọ-nkụn.

Ọpụpụ 5:12

Ya kẹ ndị Izrẹlụ nọ wahunmẹmẹ alị Ijiptu d'e huerisọnmẹ ukun ọka-witi wẹ be isi tọ anị gi họnrin ẹfịfịa ọkpọ-nkụn.

Azaya 1:31

Ndị wụ dikẹn k'a rị kẹ ẹfịfịa-ọkpọnkụn, ihiẹn wẹ mẹ e họnrin ihiẹn wẹ gi mụye ẹ ọkụn; ọkụn k'a dụn wẹ ẹbụbụọ, onwọnni onyẹ k'e tinyụnn'a.

Azaya 1:4

Eje-alịnị! Ndịnị njọ jun ihun lẹ azụụn! Ụmụ hụn e mẹ eje-ihiẹn eje-ihiẹn; ụmụ rụnị! A gbakitọgụọ wẹ Osolobuẹ azụụn; a jụgụọ wẹ Onyẹ-nsọ Izrẹlụ, ya lẹ wẹ arịzị kaka!

Azaya 24:6

Ya kẹ abụmọnụ gi e ripụ elu-ụwa, ndị rịn'a k'e gi isi wẹ buru eje-ihiẹn wẹ mẹ. Ya haịn ọkụn gi dụnpụ ndị rị elu-ụwa, ndị họdụnị e hizini kaka.

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 30:12

Ya kẹ Onyẹ-nsọ Izrẹlụ gi nwan sị, “Ebe o mẹni ụnụ a jụgụọ ozini, tụkwasị mmẹgbu obi, gi ndufie dọn ẹnya,

Azaya 30:9

Makẹni, ndị nnupụ-isi kẹ ndịnị wụ — ụmụ hụn a tụ ntụ, ụmụ chọlẹni nị wẹ nụ ihiẹn Osolobuẹ rị a gwa wẹ.

Azaya 47:14

E Lee ẹ, wẹ nọ nwan kẹ irurue ọkpọ-nkụn; ọkụn k'a dụnpụ wẹ! Asakọdẹ wẹ ẹka zụọpụha enwẹn wẹ imẹ ọkụn. Ọnwan ẹlẹkwọ ikeke-ọkụn ịhịan gi a chụ oyi, ọnwan ẹlẹkwọ ọkụn w'a nyan.

Azaya 7:9

Ikẹn ndị Ifrem wụhụ Sameria isi-alị wẹ, ikẹn Sameria nkẹ wụhụ nwa Rẹmalịa eze wẹ. Omẹni ụnụ egini okukwe turu, ụnụ asakọ ẹka turu.’ ”

Azaya 8:6

“Ebe omẹni ndịnị a jụgụọ m — mmẹ hụn wụ mirin Shilụa hụn e hu ẹkẹrẹ-ẹkẹrẹ, chanma nị Rẹzini ẹnya ya lẹ nwa Rẹmalịa,

Azaya 9:18

Eziẹ, eje-obibi rị a dụn kẹ ọkụn; ọ dụnpụ ogun-lẹ-ọkịnkan; ọ mụdẹ ọkụn e ye ẹgboko kin ẹnya, hụn ẹnwụnrụn a gidẹ a lọshi elu.

Azaya 9:19

Ọnụma Osolobuẹ ihiẹn ile rị okpuru ẹ e mẹgụọ alịnị kpọpụ nkụn, ndị alịnị e họnrin nkụn; onwọnni onyẹ e dọnmẹ ibe ẹ ndụn.

Jerimaya 6:19

Elu-ụwa ile, gọnkwọ ntịn: m welanị ndịnị ntikpọ — ịya wụ erere eje-ihiẹn wẹ mama, makẹni egini wẹ oku m dọn, makẹni edọnmẹni wẹ iwu m.

Jerimaya 8:9

Ndịnị ụnụ sị marịn ihiẹn jẹnkọ d'a fa! Ndụn k'a gụ wẹ; wẹ k'a danban ọnyan. Ebe o mẹni a jụgụọ wẹ oku Osolobuẹ, elee amamihiẹn kẹ wẹ nwọnzi?

Izikẹlụ 15:6

“Mmẹ, Osolobuẹ Nwọn Ihiẹn Ile, rị nwan a sị: Kẹ m dọn we osisi vaịnị imẹ osisi ndị ọzọ ile rị ọfịa ye nị ọkụn gi ẹ a ghọ, ẹrịra kẹ m dọn we ndị bi imẹ Jerusalẹm ye kẹni wẹ mẹ wẹ ihiẹn ọkụn e mẹ osisi vaịnị.

Hosia 11:9

Ẹlẹ m k'e mẹchanrịn kẹ olulu rị m obi han. Etikpọchanrịnkọ m Ifrem — makẹni, Osolobuẹ kẹ m wụ, ẹlẹ m ịhịan. Mmẹ wụ Onyẹ Ahụn Rị Nsọ hụn rị imẹ igunrun ụnụ — egichanrịnkọ m olulu rị m obi sọn ụnụ.

Hosia 5:12

M rị e mẹ Ifrem ihiẹn ẹkịka e mẹ osisi; m rị e mẹ ndị Juda ihiẹn ụtụ e mẹ osisi!

Hosia 9:16

Ndị Ifrem a laọlẹ! Mkpọgụn wẹ a kpọpụgụọ nkụn, amịkọ wẹ mkpụrụ. Wẹ mụdẹ ụmụ, e gbupụ m ụmụ hụn a sụọnị wẹ.”

Juwẹlụ 2:5

Wẹ zụnla kẹ ụgbọ-ẹshin agha, fetula ugu ndịnị; a han kpata-kpata kẹ ẹfịfịa-ọkpọnkụn ọkụn rị a dụn, wẹ nọ kẹ okẹn igunrun agha jẹnkọ d'a lụma agha.

Emọsụ 2:4

Osolobuẹ sị: “Makẹ njọ ẹtọ ndị Juda mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni a jụgụọ wẹ Iwu Osolobuẹ, e dọnmẹni wẹ ụmụ-iwu rịn'a; e giziọlẹ wẹ mmọn ndị ahụn wụlẹni Chuku dufie wẹ, mmọn ndị nẹdi wẹ kanị sọnkọ kpahu.

Emọsụ 2:9

Kanị, mmẹ gbupụnị wẹ ndị Amọ, hụn sue kẹ osisi sida, hụn ze kẹ osisi okuu; e gbuchanrịn m kẹ mkpụrụ osisi rị elu kẹ mkpọgụn a rị alị.

Nahum 1:10

Ndị iṅẹnrẹn ẹ k'a nọ kẹ ogun kụtọnị, a danhunmẹ kẹ ndị manya rị a tụ; ọkụn sikọ d'e rẹnpụ wẹ nọkẹ ẹfịfịa ọkpọ-nkụn.

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Matiu 3:12

Ihiẹn o gi a fụchan ọka rị a ẹka: o k'a fụchanchanrịn ọka ile rị ebe ọ nọ a kụkpọ ọka a, kpọnrin ọka a ile ye ebe o butọ ọka, kpọn ẹfịfịa ọka che imẹ ọkụn hụ ghalẹni e tinyụn.”

Luku 10:16

“Ọ nọ sị ndị nsọnmazụụn a, ‘Onyẹ gọn ụnụ ntịn, mmẹ k'ọ rị e gọn ntịn; onyẹ jụ ụnụ, mmẹ k'ọ jụ; onyẹ ọwụlẹ jụnị m rị a jụ onyẹ zihẹni m.’ ”

Luku 3:17

O gi ihiẹn o gi a fụchan ọka: o jẹnkọ d'a fụchanchanrịn ọka ile rị ebe ọ nọ a kụkpọ ọka, kpọn akpụrụ a ye ebe o kpọntọ ọka, kpọnkikomẹ ẹfịfịa kpọnye imẹ ọkụn ghalẹni a nị e tinyụn.”

Luku 7:30

Kanị, ndị Itu-Farisi lẹ ndị-nkuzi Iwu jụ ihiẹn Osolobuẹ kwademẹni wẹ — makẹni wẹ jụ nị Jọnụ emẹkọ wẹ mirin-Chuku.)

Jọnụ 12:48

Onyẹ hụn jụ mmẹ lẹ oku m nwọn onyẹ k'a ma a ikpe: ihiẹn m ku, ịya jẹnkọ d'a ma a ikpe Ụhụọhịn ikpanzụụn.

Ọrụn Ndị-ozi 13:41

‘Ndị-nlelịa, lee n'ẹ! Y'a tụ ụnụ ẹnya, gbu ụnụ la iwi — makẹni o nwọn ihiẹn m rị e mẹ ogẹn nke ụnụ, ihiẹn ụnụ jẹnkọlẹni d'e kweri, kẹ wẹ gwalẹ ụnụ ru.’ ”

Ditrọnọmi 28:24

Osolobuẹ k'e gi mirin nkẹ e zueni ụnụ họnrin uzunzun lẹ ntụn hụn k'a gha elu-igwere e hutu d'e runi ụnụ a lachanrịn iwi.

Ndị Tẹsalonika Ibuzọ 4:8

Onyẹ jụ nwan n'o gikọ iwu ndịnị bi, ẹlẹ ịhịan k'ọ rị e legberi kanị Osolobuẹ hụn ye ụnụ Mmọn-nsọ a.

Samuẹlụ Nke Ibuzọ 15:23

“Nnupụ-isi lẹ ịgba-ẹfa wụ ohu; imẹ-karị-enwẹn ịhịan lẹ ịrụa-mmọn wụ ohu. Ebe o mẹ ni ya jụgụọ oku Osolobuẹ, Osolobuẹ a jụgụọ ị nị y'e ẹlẹzi eze.”

Samuẹlụ Nke Ibuzọ 15:26

Kanị Samuẹlụ nọ sị a, “Esọnkinkọ m'ị, makẹni y'a jụgụọ oku Osolobuẹ, Osolobuẹ a jụ ị n'ị y'ẹ lẹzi eze Izrẹlụ!”