Azaya 5:18 - Ika

¹⁸ Nsọngbu rị e che ndị gi ntụ wẹ rị a tụ a dọkpụn njọ nọkẹ eriri, ndị dọkpụnkọ eje-omumẹ wẹ nọkẹ ibu wẹ gi eriri dọkpụnkọ,

Azaya 5:18 ပူးပေါင်းရင်းမြစ်များ

Ẹbụ-ọma 10:11

Eje-ịhịan a sị enwẹn ẹ, “Ẹnya Chuku arịd'a, o bupụgụọ ihun — ara hụndẹ ihiẹn m rị e mẹ!”

Ẹbụ-ọma 14:1

Ẹwobi sị enwẹn ẹ, “Chuku arị.” A rụgụọ wẹ; ihiẹn rụnị kẹ wẹ e mẹ. Onwọnni onyẹ e mẹ ihiẹn rị mma.

Ẹbụ-ọma 36:2

Makẹni ọ rịka mma ẹnya a, ara hụn njọ a hụn o gi ze ẹ ize.

Itẹn 4:17

Njọ kẹ wẹ gi a hụn e ri, ẹka-ikẹn kẹ wẹ gi a hụn a ra.

Azaya 28:15

Ụnụ hụn a nyan isi, a sị, “Ẹnyi lẹ ọnwụn e kwerigbamagụọ n'o gbukọ ẹnyi, ẹnyi lẹ alị-mmọn e kwerigbamagụọ n'o nwọnni ihiẹn o k'e mẹ ẹnyi. Ogẹn okẹn nsọngbu hụ k'e gi bịa, o rukọ ẹnyi ẹhụ, makẹni ẹnyi a gbaburugụọ ntụ, makẹni ẹnyi a warịgụọ imẹ ihiẹn wụlẹni ezigbo ẹ.”

Jerimaya 23:10

Alịnị ile e mẹ ndị ughẹrẹ ndị ughẹrẹ; abụmọnụ Osolobuẹ e mẹgụọ alị kpọpụ nkụn, ẹfịfịa rị ebe wẹ nọ a zụn anụ e shinwụn — makẹni wẹ rị e bi eje-obibi, e gi ikẹn wẹ e mẹ ihiẹn ile.

Jerimaya 23:14

A hụnzị m nwan ihiẹn a gba ẹnya-mirin ẹka ndị amụma Jerusalẹm: Wẹ rị a ghẹrẹ, e gi ntụ e bi. Wẹ hụ a kwadọn ndị eje-omumẹ, hụn o gi mẹni onwọnzini onyẹ a latọ eje-ihiẹn. Wẹ ile rị nwan kẹ alị Sodọm ẹnya m; ndị Jerusalẹm rị nwan kẹ alị Gomora ẹnya m.”

Jerimaya 23:24

Nị ịhịan saẹka warị ebe zuerini amamgbe m'a hụn a? Ụnụ amarịn nị m rị ebe ile rị elu-igwee lẹ ụwa?

Jerimaya 36:23

Jehudi gụnpụ nkegi ẹtọ mọbụ ẹnọ, eze e gi ẹbeke-nta ndị akanwe bepụ hụn ọ gụn, tụ a ye ọkụn hụ d'e ru n'ọ dụnchanrịn ẹkụkwọ hụ ile ọkụn.

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Izikẹlụ 13:22

“ ‘Ụnụ hụ e gi ntụ ụnụ e mẹ ndụn a gụ ndị ezi-omumẹ bụ ẹlẹ mmẹ ku ihiẹn ndị hụ ndụn gi a gụ wẹ, a gba ndị eje-omumẹ umẹ, e mẹ wẹ ahapụlẹ eje-obibi wẹ, hụn te furu w'a hapụ kẹni wẹ rị ndụn.

Zẹfanaya 1:12

O ru ogẹn hụ, m k'e gi ukpẹ gwalọ imẹ Jerusalẹm, m k'e ye ndị hụn nwọnzilẹni ihiẹn wẹ kpọ eje-ihiẹn afụnfụn, ndị hụn nọ nwan kẹ manya dọnni, hụn rị a sị enwẹn wẹ, ‘O nwọnni ihiẹn Osolobuẹ k'e mẹ kẹ mma kẹ njọ.’

Jọnụ 16:2

Wẹ jẹnkọ d'a chụpụ ụnụ imẹ ụlọ-ofufe. Ogẹn lala hụn w'e gi gbudẹ ụnụ e ro nị Osolobuẹ kẹ wẹ rị e mẹn'ẹ.

Ọrụn Ndị-ozi 26:9

“Ezioku-ezioku, mmẹ nwẹn e te roghọ n'o furu ni m mẹ ihiẹn ile m'e gi gbọndọn ẹfan Jizọsị onyẹ Nazarẹtị.

Ndị Han Eṅẹn 17:13

Maịka nọ sị, “A marịngụọ m nị Osolobuẹ jẹnkọ nwan d'e mẹni m ọhụnma, hụnnị onyẹ Livaị onyẹ-ọrụn Osolobuẹni họnrin ohẹn m.”

Ndị Han Eṅẹn 17:5

Maịka nwọn ụlọ wẹ nọ e fe Chuku; ọ kwa ẹwuru ẹfọdụ ndị nchụn-ẹjan Osolobuẹ; ọ pịnrịnzị mmọn ndị o pịnrịn; o we nwa a okẹnnyẹ ohu tumẹ ohẹn a.