Azaya 5:15 - Ika

¹⁵ Wẹ k'e welụachanrịn ịhịan alị, budanchanrịn ịhịan ile, kwa ndị nhọnrọn nku.

Azaya 5:15 ပူးပေါင်းရင်းမြစ်များ

Samuẹlụ Nke Ẹbụọ 22:28

Y'a zụọpụha ndị e wetu enwẹn wẹ alị, kanị ị rị e ke ndị mpache nke, n'ị hụn ụzọ wetu wẹ alị.

Ẹbụ-ọma 131:1

Euu Osolobuẹ, arị m a pache; m'a ra bọnmẹ. M'a ra bu enwẹn m che ihiẹn kanị m mọbụ ihiẹn m marịnlẹni ẹnya wẹ.

Ẹbụ-ọma 62:9

Ịhịan mmaka wụhụ ube uzun ohu, kẹ onyẹ-uku kẹ onyẹ-nta; wẹ ile wụhụ ufori. Ị magbamadẹ wẹ ile, anyịnhannị wẹ kẹ ufere!

Ọpụpụ 9:17

Echẹn kẹ ị rịkwọ e mẹni ndị nke m bugan-bugan, jụ nị y'a hatukọ wẹ nị wẹ la.

Itẹn 30:13

O nwọnghọ ndị a pachesọnmẹni, e legberi ndị ọzọ.

Azaya 10:12

Kanị Osolobuẹ sị, “M mẹgụ nwan Ugu-Zayọnụ lẹ Jerusalẹm ihiẹn m k'e mẹ wẹ, mmẹ wụ Osolobuẹ k'e ye eze Asiria afụnfụn mpache hụ rị imẹ ẹ lẹ nhọnrọn hụ ọ rị a họnrọn.

Azaya 10:33

Lee ẹ, Onyẹ-nwọnni-ẹnyi, Osolobuẹ ihiẹn ile rị okpuru ẹ, k'e gi okẹn ikẹn kwapụ ndị ile wụ okẹn agalaba; o k'e gbutu ndị wụ okẹn-osisi, o wetu ndị wụ osisi-ka-osisi alị.

Azaya 13:11

Osolobuẹ sị, “M k'e ye ụwa afụnfụn eje-ihiẹn o mẹ, ye ndị eje-omumẹ afụnfụn njọ wẹ. M k'a napụ ndị rị e mẹkarị enwẹn wẹ nhọnrọn wẹ, e welụa m ndị ẹfọ-njọ rị e mẹkarị enwẹn wẹ alị.

Azaya 2:11

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn.

Azaya 2:12

Osolobuẹ ihiẹn ile rị okpuru ẹ a kayegụọ ụhụọhịn, ụhụọhịn o k'e gi mẹshi ndị mpache ile lẹ ndị ile kpọ enwẹn wẹ ihiẹn ikẹn, ndị ile e bọnmẹni; wẹ jẹnkọ d'e budan wẹ;

Azaya 2:17

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn,

Azaya 2:9

ọghọ ịhịan ile hụ e gi ẹ a lachanrịn, e budanchanrịn wẹ ịhịan ile. Osolobuẹ, agbagharịlẹ wẹ!

Azaya 37:23

Onyẹ k'i kpari hụnnị ile, e kuja oku ẹ? Onyẹ k'ị gan hụnnị ile? Onyẹ k'ị rị e bọnmẹni? Onyẹ-nsọ Izrẹlụ rọ!

Azaya 37:29

Makẹ olulu hụ ị rị e buni m lẹ ihiẹn ile i gi e kukarị enwẹn i, hụn ru m ntịn, m jẹnkọ d'e kọn ukpo m ye i imi, a kwa m'ị ngan ọnụ, e mẹ m'i gha ụzọ ị gha bịa kin azụụn.

Jerimaya 5:9

Osolobuẹ sị, Kị k'e mẹ m eyelẹ wẹ afụnfụn a? Kị k'e mẹ m emẹgwarịlẹ alị nọ ẹnịna?

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Zẹfanaya 3:11

O ru ogẹn hụ e wepụ m'ị ifẹnrẹn ihun, Jerusalẹm — ifẹnrẹn ihiẹn ile ụnụ gi nupụnị m isi. Makẹni, m k'e wepụ ndị mpache lẹ ndị e mẹkarị enwẹn wẹ, ụnụ emẹkarịkọzị enwẹn ụnụ elu Ugu nsọ m.

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”