Azaya 5:14 - Ika

¹⁴ Ili rị nwan e lue ẹkpịrị e che we ọda-ọda, ọ shịapụchanrịngụọ ọnụ; ndị-isi lẹ ndị-mmaka rịn'a sikọ d'a danye imẹ ẹ, wẹ lẹ ndị ọgụn-lẹ-mkpọtụ wẹ lẹ ndị oriri-lẹ-ọrịra wẹ.

Azaya 5:14 ပူးပေါင်းရင်းမြစ်များ

Ẹbụ-ọma 49:14

Wẹ k'a wụrụ atụnrụn lakọ mmọn; ọnwụn e duru wẹ kẹ onyẹ e du atụnrụn; ndị kụrụ ọtọ k'a kị wẹ eki fọn, ẹhụ wẹ e retọ imẹ ili ebẹhụ, ahụnkọzị wẹ okẹn ụlọ wẹ hụ biri.

Ẹbụ-ọma 55:15

Wẹ nwụnchu! Wẹ li wẹ ebe wẹ rị ndụn! Makẹni eje-ihiẹn rị ụlọ wẹ lẹ imẹ igunrun wẹ.

Itẹn 1:12

ẹnyi e luepụ wẹ lẹ ndụn kẹ ili dọn e luepụ ịhịan, lue wẹ, luechanrịn kẹ mgbugbu hụ dọn e luepụ ndị nwụnnị.

Itẹn 27:20

Ẹfọ ara jun Ọnwụn lẹ Ntikpọ; ẹfọ ara junzikwọ ẹnya.

Itẹn 30:16

ili lẹ ẹfọ agan, lẹ alị hụn ẹfọ mirin ghalẹni e jun lẹzi ọkụn hụn ghalẹni a sị, ‘O highọ!’

Azaya 14:11

E wetugụọ wẹ okẹn-ọghọ nwẹn ile i nwọn che imẹ ili, ịya lẹ egu ile i gi ụbọ ị a kpọ; Ọhọrị e jungụọ okpuru i nọkẹ bẹdi, ndidọn a fụkpumẹgụọ ị nọkẹ ẹkwa.

Azaya 14:9

Alị-mmọn rị okpuru hụ a tụshịa ẹhụ, e che i; ọ kpọtiẹngụọ ndị nwụnnị rịn'a d'e kele i — ndị ile te kị elu ụwanị; o mẹ ndị-nze ile hụn te kị alị ichẹn-ichẹn e lihi ebe wẹ dịnọ.

Azaya 21:4

Obi a nahịn m; ẹhụ a magbu m nni yeni egun; ẹnyasị nwẹn m chọkọ e họnringụọ m nwan ihiẹn egun.

Azaya 24:8

ịghọghọ ndị a kụ ẹgede-chakachaka a kụsị; ụzụn ndị ẹhụ rị a tụ e bi, ụbọ wẹ gi e nwọn anwịnrịn ahanzịnị.

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Izikẹlụ 7:12

“Ogẹn e rugụọ; ụhụọhịn ahụn a bịagụọ! Hụn e ṅọnni ya aghọghọlẹ; hụn e reni ya akwanlẹ, makẹni olulu Osolobuẹ k'e kunrun ịhịan ile.

Daniẹlụ 5:30

Uhinhin ahụn daị kẹ wẹ gbu Bẹlụshaza eze ndị Babilọnụ.

Nahum 1:10

Ndị iṅẹnrẹn ẹ k'a nọ kẹ ogun kụtọnị, a danhunmẹ kẹ ndị manya rị a tụ; ọkụn sikọ d'e rẹnpụ wẹ nọkẹ ẹfịfịa ọkpọ-nkụn.

Habakọkụ 2:5

Manya rị e duhuhu wẹ, ndị mpache ghalẹni a nọdị ụzọ ohu; wẹ wụ ndị okẹn ẹkpịrị nọkẹ alị-mmọn, nọkẹ ọnwụn ẹfọ ghalẹni e jun, e kpọnrin alị ndị-ọzọ okpọnrin-okpọnrin.

Matiu 7:13

“Ghashi ni ọnụ-mgbọn hụ mẹ warara. Makẹni, ọnụ-mgbọn wẹ gha a banye ntikpọ shịa ashịa, ụzọ a e ruchanrịn ịhịan a gha; ndị ghakọ ụzọ hụ bu ọda.

Luku 17:27

Ịhịan ile hụ e ri, a ra, a lụ di lẹ nwunyẹ d'e ru ụhụọhịn ahụn Nụa banye imẹ ụgbọ-mirin ahụn pụ-ichẹn, okẹn mirin hụ nọ bịa, gbupụchanrịn wẹ ile.

Luku 21:34

“Kpachanpụ nị nwan ẹnya, amamgbe iri-ụwa lẹ ịra-manya lẹ oku-elu e mẹ ụhụọhịn hụ kunrun ụnụ idẹnmizi nọkẹ ọnyan.