Azaya 5:13 - Ika

¹³ Ufiri ẹ, wẹ k'a kpụn ndị nke m shi alị ọzọ makẹni ndị nke m enwọn nghọta; ẹgụn-ọnụ k'e gbu ndị-isi wẹ, ẹgụn-mirin e gbu ndị-mmaka.

Azaya 5:13 ပူးပေါင်းရင်းမြစ်များ

Ndị-nze Nke Ẹbụọ 17:6

Hụn mẹ ẹ ahụa itenẹi Hoshia kịma, eze Asiria nọ saẹka mẹri Sameria, ọ ban a ẹka; ọ nọ kpụnrụn ndị Izrẹlụ Ẹbamịn ugu shi Asiria. Ọ nọ mẹ wẹ birisọnmẹ imẹ Hala lẹ Gozanị rị ẹhụ Iyi Habọ lẹzi obodo ndị ọzọ rị alị ndị Mẹdịa.

Itẹn 10:21

Oku-ọnụ ndị ezi-omumẹ e ye ndị bu ọda ihiẹn-oriri, kanị ndị nzuzu a nwụnhụndẹ makẹni uche arịa.

Azaya 1:3

Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Azaya 1:7

Alị ụnụ a gbagụọ okpokoro; a dụngụọ wẹ obodo ụnụ rị ichẹn-ichẹn ọkụn; abịamabịa hụ e wiwi ugbo ụnụ idẹnya ụnụ, e mẹ wẹ a la iwi rịkẹ ebe itumunyẹ nọ weri ọkịkị.

Azaya 23:9

Osolobuẹ nwọn ikẹn ile rotọn'a ihiẹnni, kẹni o welụa ọghọ ile ịhịan gi e bọnmẹ alị, budanzịkwọ ndị ile w'a nụ ẹfan wẹ elu ụwa.

Azaya 27:11

Osisi ndị ahụn kpọpụ nkụn, kpagiri, ikpoho e gi wẹ fiye ọkụn. Makẹni ndịnị enwọn nghọta — ya haịn Onyẹ keni wẹ gilẹni e mẹni wẹ omikẹn, Onyẹ keni wẹ ara mẹni wẹ ọhụnma.

Azaya 3:1

Lee n'ẹ nwan! Di-nwọnni-ẹnyi, hụn wụ Osolobuẹ ihiẹn ile rị okpuru ẹ, e d'a napụ obodo Jerusalẹm lẹ alị Juda ile ihiẹn ile wẹ gi e dọn ẹnya: kẹ ihiẹn-oriri kẹ mirin,

Azaya 3:3

kẹ ndị ọkị-agha kẹ ndị nwọn ọkwa, kẹ ndị wẹ gi oku wẹ e dọn kẹ ndị marịn ọrụn kẹ ndị ile ma gwọ ọgụn.

Azaya 44:19

Onwọnni onyẹ e rokpọn'a; onwọnni onyẹ nwọn amamihiẹn mọbụ nghọta hụn o gi sị enwẹn ẹ, “Ịya kẹ m nọ warị nkụn, gi shi ihiẹn-oriri, gizikwọ a hụnma anụ, ri. Nanị m'a dọnzị nwan gi hụn họdụnị mẹmẹ mmọn, mẹmẹ ihiẹn rụnị, femẹ ẹ? Nị m'a kpọnị nwan ogwe-nkụn isi-alị?”

Azaya 49:21

Ogẹn ahụn, ị k'a sị enwẹn i, ‘Onyẹ mụnị m ụmụ ndịnị wẹ?! Wẹ te gbunarịn ụmụ m ile, m nọ gbarị ẹka; wẹ te kpụnshi m alị ọzọ, jụ m. Onyẹ zụn nwan ndịnị wẹ? Mmẹ sụọ te họdụ. Elebe kẹ ndịnị wẹ gha nwan bịa?’ ”

Azaya 65:13

Di-nwọnni-ẹnyi wụ Osolobuẹ sị nwan, “Lee n'ẹ, idibo m k'e rijun ẹfọ, kanị ụnụ k'a nọ ẹgụn! Lee n'ẹ, idibo m k'a rajun ẹfọ, kanị ẹkpịrị k'a kpọ ụnụ nkụn! Lee n'ẹ, idibo m k'a ghọghọ, kanị ifẹnrẹn k'e mẹgbu ụnụ!

Jerimaya 14:18

M shi ugbo, a hụnsọnmẹ m ozun ndị wẹ gi ọpịa-agha gbu! M banye imẹ obodo, a hụn m ndị ẹgụn rị e gbu, kẹ ndị-amụma kẹ ndị nchụn-ẹjan hụ a ghahunmẹ alịnị ile bụ amarịn wẹ ihiẹn.”

Jerimaya 14:3

Ndị-isi hụ e zi idibo wẹ d'a chọ mirin; wẹ hụ e jẹn ọmị ile d'a chọ mirin, kanị arị wẹ a hụn mirin. Wẹ hụ e bulụa okpokoro ẹgbo-mirin, amarịnzị wẹ hụn w'e mẹ, e gi wẹ ẹka kpumẹ ihun yeni ifẹnrẹn.

Jerimaya 8:7

Nnụnụ wụ stọkụ a marịnghọ ogẹn wẹ gi e buli ahụa-ahụa; ayoro lẹ nnụnụ ndị ọzọ e jẹn mbịan a marịnghọ ogẹn wẹ gi e jẹn. Kanị ndị nke m amarịn Iwu mmẹ wụ Osolobuẹ.

Ẹkwan 4:9

Ndị wẹ gi ọpịa-agha gbu kazịdẹ nwan mma karị ndị ẹgụn rị e gbu — ndị rị a nwụnhụn makẹ ụnwụn.

Izikẹlụ 7:12

“Ogẹn e rugụọ; ụhụọhịn ahụn a bịagụọ! Hụn e ṅọnni ya aghọghọlẹ; hụn e reni ya akwanlẹ, makẹni olulu Osolobuẹ k'e kunrun ịhịan ile.

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Emọsụ 8:13

O ru ogẹn ahụn, ịgbagba magbu enwẹn wẹ mma lẹ ikorọbịa sikọ d'a sọhị yeni ẹgụn-mirin;

Luku 19:44

Wẹ jẹnkọ d'e tikpọ ị ru alị, yụ lẹ ndị rị imẹ i: onwọnni ogbe ọmụma ohu wẹ gi tụn ị hụn wẹ jẹnkọ d'a latọ elu ibe ẹ, makẹni y'a marịnnị ogẹn Osolobuẹ gi bịa d'e mẹni i ọhụnma.”

Ndị Rom 1:28

Makẹni ekwerini wẹ mẹ nọkẹ sị a marịnghọ wẹ Osolobuẹ, Osolobuẹ nọ la wẹ tọnị uche wẹ ahụn la iwi kẹni wẹ mẹsọnmẹ ihiẹn furulẹni,

Pita Nke Ẹbụọ 3:5

A kpachanpụgụọ wẹ ẹnya zọ nị oku-ọnụ Osolobuẹ k'o gi ke igwere hụ rị mbụ-mbụ; nị oku-ọnụ k'o gizi gha mirin mẹmẹ akpakalị, gha imẹ mirin wepụha a;