Azaya 5:11 - Ika

¹¹ Nsọngbu rị e che ndị hụn a zọpụ ụz'ọtụntụn d'a ra manya ahụn w'a ra, a ra manya d'e ru imẹ abalị, d'e ru n'ọ tụma wẹ.

Azaya 5:11 ပူးပေါင်းရင်းမြစ်များ

Samuẹlụ Nke Ẹbụọ 19:35

Nwa ahụa ọgụn ẹnọ kẹ m wụ nwan! Nị m sazị nwan ẹka marịn ihiẹn rị mma lẹ hụn rịlẹni mma? Nị odibo i sazị nwan ẹka marịn ụsụọ ihiẹn o ri lẹ hụn ọ ra? Nị m sazị nwan ẹka nụ olu ndị ọkụ-ẹbụ ikẹnnyẹ lẹ ikpoho? Kị odibo i k'a wụrụn'ị ibu, eze nwọnni m, cheni hụn i bu?

Itẹn 20:1

Manya e dọnmẹ ịhịan ẹwobi, manya zeni e mẹ ịhịan a lụ ọgụn; onyẹ manya dufie enwọn uche.

Itẹn 23:32

Makẹni, o mẹgụ, ọ ta ịhịan kẹ agwọ, ẹdide ẹ e shi kẹ nke eje-agwọ.

Azaya 22:13

Kanị, ịghọghọ lẹ okẹn mmẹmmẹ kẹ w'a hụn, igburi efin lẹ igburi atụnrụn, iri-anụ lẹ ịra-manya! A sị, “Nị ẹnyi ri, ra — makẹni ekile kẹ ẹnyi jẹnkọ d'a nwụn!”

Azaya 24:9

Arịzị wẹ a bụ ẹbụ a ra manya; manya e nwunye ẹnya rị nwan e lu ndị a ran'a ilu ọnụ.

Azaya 28:1

Nsọngbu rị e che obodo hụ wụ Sameria, ihiẹn-mma ahụn ndị manya rị a kị Ifrem gi a họnrọn — obobo hụ fapụkọnị, hụn wụ okẹn-mma alị Ifrem — isi-alị a ahụn rị isi ọdanmgbugbu hụn alị a rịgbu enwẹn ẹ mma; nsọngbu rị e che obodo ahụn — hụn wụ ọghọ ndịnị manya budangụ.

Azaya 28:3

Wẹ k'a zọkpụkpọ obodo ahụn, ihiẹn-mma ahụn ndị-manya rị a kị Ifrem gi a họnrọn;

Azaya 5:22

Nsọngbu rị e che ndị wụ dikẹn manya lẹ ndị ma hugbama manya e nwunye ẹnya a ra;

Azaya 56:12

Onyẹ-onyẹ hụ a sị, “Bịa nị, nị ẹnyi ra manya! Nị ẹnyi gi manya e nwunye ẹnya rajungụdẹ ẹfọ! N'o nwọnni ihiẹn k'e mẹni — ekile k'a nọzị kẹ tannị, mọbụ kadẹ tannị mma!”

Habakọkụ 2:15

O k'a jọ ị njọ, ịyụ hụn e ye ibe i ụya a ra kẹ manya, onyẹ hụn e gichanrịn ọnụma e sọn ibe ẹ d'e ru n'a dangbumẹ wẹ kẹ ndị manya, y'a hụn ọtọ wẹ ahụn ị chọkọ.

Habakọkụ 2:5

Manya rị e duhuhu wẹ, ndị mpache ghalẹni a nọdị ụzọ ohu; wẹ wụ ndị okẹn ẹkpịrị nọkẹ alị-mmọn, nọkẹ ọnwụn ẹfọ ghalẹni e jun, e kpọnrin alị ndị-ọzọ okpọnrin-okpọnrin.

Luku 21:34

“Kpachanpụ nị nwan ẹnya, amamgbe iri-ụwa lẹ ịra-manya lẹ oku-elu e mẹ ụhụọhịn hụ kunrun ụnụ idẹnmizi nọkẹ ọnyan.

Ndị Rom 13:13

Nị ẹnyi e bi ni ọhụnma kẹ w'e bi ebe eki rị elu. Ẹlẹzi ijẹn eje-mmẹmmẹ lẹ ịra-manya a tụ; ẹlẹzi ughẹrẹ lẹ eje-obibi; ẹlẹzi ikpe lẹ ẹnya-ụfụ.

Ndị Kọrẹntị Ibuzọ 6:10

ndị ohin lẹ ndị ẹnya-uku lẹ ndị manya lẹ ndị a kpọ iyi lẹ ndị a tụnarịn ịhịan ihiẹn ẹ abanyekọ Alị-eze Osolobuẹ.

Ndị Galeshịa 5:21

iwe-ẹnya, igbu-ọchụn, ịra-manya tụ, eje-mmẹmmẹ lẹ ihiẹn ndị ọzọ nọ ẹrịra. M rị nwan a gba ụnụ mkpịnsịn-ẹka ẹnya kẹ m dọn gba ụnụ ya mbụ, nị ndị hụn e mẹ ihiẹn nọ ẹrịra abankọ Alị-eze Osolobuẹ.

Samuẹlụ Nke Ibuzọ 25:36

Ogẹn Abigẹlụ gi lụaha, jẹn d'e kunrun Nabalụ, Nabalụ rị ụlọ; ọ kpọgụọ oriri kẹ eze; ẹhụ hụ a tụ a, ọ ragbugụọ enwẹn ẹ manya ọda-ọda. Ya Abigẹlụ nọlẹni gwa a ihiẹn ọwụlẹ eki e we fọn.