Azaya 5:10 - Ika

¹⁰ Anị vaịnị wẹ gi okẹn efin ọgụn rụn eyekarịkọ ụnụ galọnụ manya ohu; ẹkpa ọka iri ụnụ k'a kụn amịkarịkọnị ụnụ ẹkpa ohu.”

Azaya 5:10 ပူးပေါင်းရင်းမြစ်များ

Ọpụpụ 37:22

Mkpụkpụma ndị ahụn lẹ agala ndị hụ lẹ ogwe obu-ukpẹ hụ wụ ibe goru wẹ buchelẹni ihiẹn ọzọ, hụn wẹ tipịa.

Azaya 32:13

kwannị nị alị ile ndị nke m a rụn ugbo, makẹni o jẹnkọ d'e họnrin alị ọfịa buru, alị ogun-lẹ-ọkịnkan weri; kwannị nị ụlọ ile wẹ nọ e ri a ra lẹ obodoni wụ oriri lẹ ẹhụ-ọtụtụ.

Azaya 7:23

Ogẹn hụ, ogun-lẹ-ọkịnkan sụọ kẹ wẹ jẹnkọ d'a hụn ebe ile wẹ te nọ a hụn isi vaịnị nnụ-uku w'e re akpụrụ siliva nnụ-uku.

Jerimaya 48:33

Ịghọghọ lẹ anwịnrịn arịkọzị imẹ alị ugbo hụ wụ alị Mụabụ. Anịkọzị m wẹ hụn manya ebe wẹ nọ a pịnpụha manya; anụkọzị wẹ olu onyẹ rị a ghọghọ a zọ ogbe-vaịnị e wepụha manya; ọsụọn'a oro rị a rị, ọwụkọ oro ịghọghọ.

Juwẹlụ 1:17

Mkpụrụ wẹ kụn ugbo a kpọpụ nkụn, makẹni alị a kpọpụgụọ nkụn! Onwọnzini ihiẹn rị ọban, ebe w'e dọnmẹ ọka a lagụọ iwi makẹni ọka e mẹni.

Lẹvitikọsụ 26:26

Ogẹn m'e gi gbukin ụzọ ụnụ gha e nwọnhẹn ihiẹn-oriri, ikpoho iri sikọ d'e gi ite ohu sụọ shi ihiẹn-oriri ụnụ ile k'e ri. Wẹ k'a ghadẹ e keye ịhịan ya ẹkẹrẹ-ẹkẹrẹ; ụnụ k'e ri, ẹfọ ejunkọ ụnụ.

Lẹvitikọsụ 27:16

Omẹni ịhịan a nọ alị wụ ukun ẹ weri kwanị Osolobuẹ, ihiẹn-ugbo ya lẹ ya han kẹ w'e gi ye ọnụ a: ọka-bali k'e jun mkpu kọstadị uku mmisẹn kwasị ọgụnnaị k'a wụ akpụrụ egho siliva iri kwasị ọgụnnaị.

Hagaị 1:6

Ụnụ ahụnnị nị ụnụ kụngụ ọda, ẹkẹrẹ sụọ kẹ ụnụ a hụn a ghọrị; ụnụ hụ e ri, kanị ụnụ arị a hụn hụn e jun ụnụ ẹfọ; ụnụ hụ a ra, kanị ụnụ arị a hụn hụn e jun ụnụ ẹfọ; ụnụ hụ e yi ẹkwa, kanị ụnụ arị a hụn hụn e zu ụnụ a chụ oyi; ụnụ hụ a kpa egho a kpaye ẹkpa e hini.

Hagaị 2:16

nanị kẹ ọnọdị ụnụ rị? Ẹlẹ onyẹ bịa ikpọn ọka o betọ hụn te k'e ye ẹ ẹkpa ọgụn, o ye ẹ ẹkpa iri sụọ? Ẹlẹ ịhịan gha a tụ ẹnya nị vaịnị a k'a gba galọnụ manya iri kwasị ọgụnnaị, ọ gba galọnụ ọgụn sụọ?

Ditrọnọmi 28:38

Ị k'a kụnye mkpụrụ bu ọda ugbo, kanị ẹkẹrẹ k'ị k'a hụn ghọrị, makẹni igurube k'e ripụ a.

Ditrọnọmi 28:39

Ị k'a kụn alị vaịnị, rụn a, kanị y'a rakọ manya a, y'e rikọ ogbe ẹ, makẹni ọwụwụ k'e wiwipụ vaịnị ndị hụ.