Azaya 49:8 - Ika

⁸ Lee ihiẹn Osolobuẹ ku, “Ogẹn m k'e gi mẹ ọhụnma, m k'a za ị oku; ụhụọhịn m'e gi zụọpụha ị, m k'e yeni i ẹka. M k'e dọnmẹ i, gi i mẹzu nkwa m kwe ndị alị, kẹni i dọnzi alị, keyesọnmẹzi wẹ alị wẹ hụn te gba okpokoro

Azaya 49:8 ပူးပေါင်းရင်းမြစ်များ

Samuẹlụ Nke Ẹbụọ 7:13

Ịya wụ onyẹ hụn k'a tụn Ụlọ-nsọ Ẹfan m jẹnkọ d'a rị; m k'e mẹ ukpo alị-eze ẹ tọ jẹnrin-ejẹn.

Ẹbụ-ọma 2:8

Rịọ m, m k'e mẹ alị ile wụrụ ukuu i; mẹ ebe ile ụwa ru wụrụ nke i.

Ẹbụ-ọma 69:13

Mmẹ nwẹn hụ a kpọku i, Osolobuẹ, e che ogẹn i. Chuku dodo, za m, makẹni i nwọn ihiẹn-ọsụsụọ m; dodo zụọpụha m makẹni y'e mẹ ihiẹn i ku.

Ẹbụ-ọma 75:3

Ụwa lẹ ndị ile bi imẹ ẹ mẹhunmẹmẹ, mmẹ e kwọndọnsọnmẹ ebe ile gin'ẹ.” Sẹla

Azaya 26:3

Udọn zu oke kẹ y'e ye onyẹ hụn kwọnkẹnmẹ okukwe, makẹni o gi i dọn ẹnya.

Azaya 27:3

Mmẹ wụ Osolobuẹ wụ onyẹ e lepụ a ẹnya; m'a gba a mirin ogẹn ile. M'e che ẹ nche uhinhin lẹ efinaị amamgbe w'e mẹ ẹ ihiẹn ọwụlẹ.

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 42:6

ọ sị, “Mmẹ wụ Osolobuẹ kpọ ị ọkpụkpọnị furuni; m k'e kwọndọn i ẹka. M k'e dọnmẹ i, gi i họnrin onyẹ hụn mmẹ lẹ ndịnị gha ẹka a e mẹgbama, mẹ i wụrụzịkwọ ukpẹ ndị alị ọzọ

Azaya 44:26

Mmẹ e mẹ oku idibo m a bụn, e mẹzu ihiẹn ndị odibo m ku. Mmẹ ku oku Jerusalẹm, sị, ‘Ịhịan k'e bizi imẹ ẹ;’ kuzi oku obodo rịsọnmẹ Juda, sị, ‘Wẹ k'a tụndọnzi wẹ;’ mmẹ ku oku mkpọkọ ụlọ ndịnị, sị, ‘Wẹ k'e welizi wẹ.’

Azaya 49:19

Ọsụọn'a nị wẹ te mẹ alị ị la iwi, mẹ ẹ gba okpokoro, tikpọ a la iwi, yụ wụ alị Izrẹlụ ezukọzị nwan ndị nke i bi, ndị te bu i ri arịkọzị ị nsue.

Azaya 51:16

E bugụọ m oku m che i ọnụ, gi ẹka m kpumẹ i. Mmẹ hụn dọnmẹ igwere ebe ọ rị, mmẹ hụn gbe iyetọ ụwa, mmẹ hụn rị a sị ndị Zayọnụ, ‘Ndị nke m kẹ ụnụ wụ.’ ”

Azaya 51:3

Osolobuẹ k'a rọkọrịrị Zayọnụ obi, mẹ omikẹn dọnzi ebe ile rịn'a wiwini. O k'e mẹ alị a te kpọgụ nkụn mẹmẹ ihiẹn ọhụnma nọkẹ Idẹni; o k'e mẹ alị a te wiwini n'ọ nọ kẹ ugbo-nta Osolobuẹ. Ịghọghọ lẹ obi-ụsụọ k'a rị alị a, Ịkpanmịn Osolobuẹ lẹ ịbụ-ẹbụ.

Azaya 54:3

makẹni, i jẹnkọ d'a bashi ẹka-nni, bashi ẹka-ekpẹn; ụmụ ị k'e mẹrisọnmẹ ndị alị ọzọ weri obodo ndị wẹ gbatọsọnmẹ biri.

Azaya 55:6

Chọ Osolobuẹ ogẹn y'e gi hụn a; kpọku ẹ ogẹn o gi rị nsue.

Azaya 57:13

Ogẹn ụnụ e gi kwanma, a chọ eyemẹka, mmọn lẹ iyi ndị hụ ụnụ kpọntọ wẹ bịakwọ d'a zụọ ụnụ! Ufere k'e bupụ wẹ, uzun mmaka kẹ wẹ e gi buhuhudẹ wẹ. Kanị, onyẹ hụn gbaburuni m k'e nwọnrin alịnị, nwọnrinzikwọ Ugu nsọ m.”

Azaya 58:12

Ndị nke i k'a rụndọnzi ihiẹn ndị wiwi ẹdẹi, tụnsọnmẹ ụlọ ye iyetọ mbụ-mbụ. Wẹ k'a gha a kpọ ị “Onyẹ e dọnzi mgbọn; onyẹ a tụnkinsọnmẹ ụlọ idumu.”

Azaya 58:5

Ọnwan wụ ụdị ọnụ m sị ụnụ e bu? Ụhụọhịn ịhịan gihụ e ye enwẹn ẹ afụnfụn sụọ rọ? Ụhụọhịn wẹ gihụ e bu ihun a kọma alị kẹ achara lẹ iyihụ ẹkwa-achọ lekẹ onyẹ ihiẹn mẹ, e dinẹ ikpọn ntụn? Ọhụn kẹ ụnụ a kpọ ibu-ọnụ — ụhụọhịn ibu-ọnụ hụn rị mma ẹnya Osolobuẹ?

Azaya 61:2

o zi m d'a hị nị ahụa Osolobuẹ e gi mẹni ndị nke ẹ ọhụnma e rugụọ, nị ụhụọhịn Chuku ẹnyi e gi mẹgwarị ndị kwọndọnni wẹ e rugụọ; o zi m d'a rọkọ ndị ile rị a kwannị obi,

Azaya 61:4

Wẹ k'e dọnzi mkpọkọ-ụlọ ẹdẹi, rụndọnzi ebe gba okpokoro kete-kete; wẹ k'a tụndọnzi obodo ichẹn-ichẹn ndị gba okpokoro kete agbọ ole-lẹ-ole.

Azaya 65:9

M k'a gha imẹ ebọn Jekọpụ wepụha ndị k'e bikin alị m; m k'a gha Juda wepụha ndị k'e weri ugu m ile. Ndị nke m k'e nwọnrin wẹ; idibo m k'e biri ebẹhụ.

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Ndị Kọrẹntị Nke Ẹbụọ 6:2

Makẹni Osolobuẹ sị, “K'o ru ogẹn furuni, e gọnghọ m ụnụ ntịn; k'o ru ụhụọhịn nzụọpụha, m yeni ụnụ ẹka.” Lee n'ẹ, kikẹnni wụ ogẹn hụ furuni! Lee n'ẹ, tannị wụ ụhụọhịn nzụọpụha!

Ndị Ẹfẹsọsụ 1:6

Osolobuẹ mẹ ẹ kẹni wẹ ja Osolobuẹ mma o gi mẹni ẹnyi okẹn ẹfọmanị ghahanị ezi Nwa a!

Hibru 12:24

Jizọsị kẹ ụnụ bịa d'e kunrun, onyẹ hụn e wegbama Osolobuẹ lẹ ịhịan imẹ nkwerigbama ọhụn, ya lẹ ẹdeke wẹ gi e fepụ njọ, hụn rị e ku ihiẹn ka mma karị ẹdeke Ebẹlụ sị wẹ mẹgwarị.

Hibru 5:7

Ogẹn Jizọsị gi rị elu ụwanị, o mẹ ekpere, a rịọ Osolobuẹ arịrịọ; e gi okẹn ẹkwan lẹ ẹnya-mirin a kpọku Osolobuẹ hụn k'a saẹka zụọpụha a imẹ ọnwụn, Osolobuẹ nọ nụ ekpere ẹ makẹni ọ lachanrịn enwẹn ẹ tọnị Osolobuẹ.

Hibru 8:6

Kanị nke Jesu ka nke wẹ mma, ebe o mẹ ni ya nwẹn rị a rụn ọrụn idọnzi ẹgbata imẹ nkwerigbama ka nke wẹ mma, nkwerigbama Osolobuẹ kwesọnmẹ nkwa ka mma tumẹ.