Azaya 49:7 - Ika

⁷ Lee ihiẹn Osolobuẹ ku, Osolobuẹ, Onyẹ-mgbapụha lẹ Onyẹ-nsọ Izrẹlụ: ọ rị a gwa onyẹ hụn alịnị ile legberi, jụ, onyẹ hụn wụ igbọn ndị-nze: ọ sị, “Ndị-nze k'a hụn ị, lihin'i ọtọ; ndị-ọkịkị k'a hụn ị, kụn'ị isi alị, makẹni Osolobuẹ hụn furu wẹ gi e dọn ẹnya k'e mẹ ẹ, Onyẹ-nsọ Izrẹlụ hụn họrịn'ị k'e mẹ ẹ.”

Azaya 49:7 ပူးပေါင်းရင်းမြစ်များ

Jẹnẹsisi 27:29

Ndị alị ichẹn-ichẹn wẹ wụrụ idibo i, alị ichẹn-ichẹn wẹ kụn'ị isi alị; umunẹ i wẹ rị okpuru i — ẹghẹẹ, ụmụ ile nnẹ i mụ wẹ kụn'ị isi alị. Ọbụbụ-ọnụ ya rịnị onyẹ ọwụlẹ hụn k'a bụ ị ọnụ; ngọzi ya rịnị onyẹ ọwụlẹ hụn k'a gọzin'i.”

Ẹbụ-ọma 47:9

Ndị ọkịkị alị ichẹn-ichẹn e zugbama: wẹ wụ nke Chuku Ebraham, makẹni akpaịn ile rị elu ụwa wụ nke Chuku. Chuku e hikẹ ogbe!!

Ẹbụ-ọma 68:31

Alị Ijiptu k'e zi ndị ụkọ wẹhẹni i igwee-bronzu nwẹnẹ goru; alị Ẹtiopịa k'a hụhụ wẹhẹzikwọ oyiye wẹ d'a gbaye Chuku.

Ẹbụ-ọma 69:19

Y'a marịnghọ kẹ wẹ dọn rị a kpari m, e gbe ifẹnrẹn e ye m ihun, a mụ m ẹmụ; y'a marịnzịghọ ndị-iṅẹnrẹn m ile.

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 19:21

Ẹrịra kẹ Osolobuẹ k'a dọn mẹ ndị Ijiptu marịn a ọhụnma; ogẹn ahụn ndị Ijiptu k'e kweri nị ịya wụ Osolobuẹ nke-esi. Wẹ k'e gi ẹjan ichẹn-ichẹn lẹ oyiye ọka fe ẹ; wẹ k'a gha e kwe Osolobuẹ nkwa, e mẹzu wẹ.

Azaya 19:23

O ru ogẹn hụ, Ụzọ shịanị k'a rị gha Ijiptu d'e ru Asiria: ndị Asiria k'a rị e jẹn Ijiptu, ndị Ijiptu hụ e jẹn Asiria. Ndị Ijiptu lẹ ndị Asiria k'e fegbama ofufe.

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 48:17

Lee ihiẹn Osolobuẹ ku — ihiẹn Onyẹ-mgbapụha ị, Onyẹ-nsọ Izrẹlụ, ku: ‘Mmẹ wụ Osolobuẹ, Chuku ụnụ, hụn a kuzi ụnụ kẹ n'ọ rịnị ụnụ mma; hụn a ghọsị ụnụ ụzọ ụnụ k'a gha.

Azaya 48:7

Wẹ wụchanrịn ihiẹn ọhụn, arị w'a mbụ-mbụ: y'a nụtuni ukwere wẹ wezụka tannị. Ya wụ nwan nị y'a sakọ ẹka sị, “Ẹghẹẹ, a marịngụọlẹ m wẹ.”

Azaya 49:1

Gọn ni m ntịn, alị ndị teni rị ohimin; nụ nị ihiẹnni, alị ile teni: M rị imẹ ẹfọ kẹ Osolobuẹ kpọ m; m rị ẹfọ nnẹ m k'ọ kpọma ẹfan m.

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Azaya 49:26

M k'e mẹ ndị rị e mẹjan'ị ri uru ẹhụ wẹ lẹ enwẹn wẹ; wẹ k'a ra ẹdeke enwẹn wẹ, ọ tụ wẹ kẹ manya. Ogẹn ahụn, ịhịan ile rị ụwa k'a marịn nị mmẹ hụn wụ Osolobuẹ wụ Onyẹ-nzụọpụha ị, Onyẹ-mgbapụha ị, Dikẹn ebọn Jekọpụ.”

Azaya 50:6

E budẹ m ụgba-azụụn zinmẹni wẹ ebe wẹ rị a fịan m ihiẹn, la nti tọnị ndị rị e huepụ m ẹtu; egini m ifẹnrẹn zueri makẹ ẹmụ wẹ rị a mụ m lẹ ẹsọn wẹ rị a jụkpu m.

Azaya 52:15

ẹrịra kẹ ọghọ a k'a tụzị alị ichẹn-ichẹn ẹnya — ndị-nze k'a nụdẹ oku ẹ kpumẹ ọnụ. Makẹni, wẹ k'e gi ẹnya wẹ hụn ihiẹn wẹ gwatulẹni wẹ oku ẹ; wẹ k'a ghọta ihiẹn wẹ nụtulẹni ukwere ẹ.

Azaya 53:3

Wẹ lelịa a elelịa, jụ a; nsọngbu-nsọngbu lẹ afụnfụn wẹ gi a gbanị ịhịan ọsọ k'ọ hụnsọnmẹ. Wẹ legberi ẹ elegberi; onwọndẹni ihiẹn ẹnyi kpọ a.

Azaya 60:10

Itumunyẹ k'a tụndọnzidẹ mgbọn ụnụ; ndị-nze wẹ k'a wụ ndị ọrụn ụnụ. E te giọlẹ m olulu mẹ ụnụ ihiẹn, kanị, m jẹnkọ nwan d'e lee ụnụ ẹnya rị mma, mẹ omikẹn ụnụ.

Azaya 60:16

Alị-eze ichẹn-ichẹn k'e mẹdẹ ụnụ kẹ ụmụ wẹ rị e ye ẹran; ndị-nze k'e mẹni ụnụ kẹ ụmụ rị a ra ẹran, ụnụ e gi ẹ marịn nị mmẹ, Osolobuẹ, wụ Onyẹ hụn a zụọpụhanị ụnụ, Onyẹ mgbapụha ụnụ, Dikẹn ebọn Jekọpụ.

Azaya 60:3

Ndị alị ichẹn-ichẹn k'a bịa d'e kunrun ụnụ yeni ukpẹ ụnụ; ndị-nze k'a bịa d'e kunrun ụnụ makẹni eki e fọnpụgụọnị ụnụ.

Azaya 66:23

Osolobuẹ sị, “Ịhịan ile rị elu-ụwa k'a rị a bịa d'e fe m gha ifọn d'e ru ifọn, gha Ụhụọhịn Ezumikẹn d'e ru Ụhụọhịn Ezumikẹn.

Zẹkaraya 11:8

Imẹ ifọn ohu, a zapụ m madụ ẹtọ hụn rị e duni wẹ, makẹni asazịnị m ẹka din wẹ lẹzi makẹni ihiẹn m asụọnị wẹ.

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Matiu 26:67

Wẹ nọ jụ a ẹsọn ihun, fịan a ihiẹn, ndị hụ imẹ wẹ a ma a ọra,

Luku 22:27

Onyẹ kadẹ ibe ẹ? Hụn rị e ri ihiẹn-oriri ra hụn rị e jẹn ozi rịn'a? Ẹlẹ hụn rị e rini? Kanị mmẹ nwẹn rị nwan e bi imẹ igunrun ụnụ nọkẹ onyẹ e jẹn ozi.

Luku 23:18

Kanị igunrun hụ ile nọ yimẹ, “Wepụ onyẹni elu-ụwa! Wepụhanị ẹnyi Barabasị!”

Luku 23:23

Kanị wẹ hụkwọ e yi, a sị a kpọgbu Jizọsị. Oro wẹ a karị ẹka, nke wẹ nọ bụn.

Luku 23:35

Igunrun ịhịan turu ebẹhụ, e lee ile; kanị, ndị-isi ndị Ju hụ a mụ a ẹmụ, a sị, “Ọ zụọgụọ ndị ọzọ, ya zụọ nwan enwẹn ẹ, omẹni ịya wụ Kraịstị Osolobuẹ, Onyẹ hụ Osolobuẹ họrị!”

Jọnụ 18:40

Ya wẹ nọ yizi, “Mba, ẹlẹ ọnwan! Barabasị kẹ ẹnyi chọ!!” (Barabasịnị rị ndị bunụmanị ndị Rom rị a kịnị.)

Jọnụ 19:15

Wẹ nọ yi, “Gbu ẹ! Gbu ẹ! Kpọgbu ẹ!” Paịleti nọ sị wẹ, “Ụnụ chọ nị m kpọgbu eze ụnụ?” Ndị-isi nchụn-ẹjan nọ sị a, “Siza, eze Rom, ịya sụọ wụ eze ẹnyi nwọn!”

Jọnụ 19:6

Ogẹn ndị-isi nchụn-ẹjan lẹ ndị-ọrụn Ụlọ-nsọ gi hụn a, wẹ nọ yi, “Kpọgbu ẹ! Kpọgbu ẹ!” Paịleti nọ sị wẹ, “Weri n'ẹ nwan d'e gi ẹka ụnụ kpọgbu ẹ; nị ahụnnị m eje-ihiẹn o mẹ.”

Ndị Kọrẹntị Ibuzọ 1:9

Osolobuẹ hụn kpọ ụnụ d'e sọn Nwa a wụ Jizọs Kraịstị Onyẹ-nwọnni-ẹnyi mẹkọ furu wẹ gi e dọn ẹnya.

Ditrọnọmi 7:9

Marịn nị nwan nị Osolobuẹ wụ Chuku ụnụ wụ Chuku nke-esi; Chuku wẹ gi e dọn ẹnya k'ọ wụ: o gisọnmẹ ihiẹn-ọsụsụọ o kwe nkwa a e sọn ụmụ ndị ihiẹn ẹ a sụọ, ndị e mẹ ihiẹn o ku, o gi ẹ e sọn wẹ agbọ nnụ ole-lẹ-ole.

Pita Ibuzọ 2:4

Ụnụ a bịagụọ nwan d'e kunrun ẹ: ọmụma ahụn rị ndụn, hụn ịhịan jụ; kanị ẹnya Osolobuẹ, ọmụma ọ họrị hụn rị okẹn mkpa k'ọ wụ.

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,