Azaya 49:4 - Ika

⁴ Kanị, mmẹ nwẹn hụ a sị, “A rụngụọ m ọrụn ọlaliwi; a rụngbugụọ m enwẹn m mmaka. Kanị, a marịnghọ m nị Osolobuẹ k'e ye m ihiẹn runi m, nị Chuku m k'a kụ m ụgwọ-ọrụn.”

Azaya 49:4 ပူးပေါင်းရင်းမြစ်များ

Ndị-nze Nke Ibuzọ 19:10

Ẹlaịja nọ sị, “M hụ a lụ ọnwụn makẹ Osolobuẹ wụ Chuku hụn nwọn ikẹn ile, makẹni ndị Izrẹlụ a latọgụọ Iwu i ye wẹ; e tikpọgụọ wẹ ukpo nchụn-ẹjan ị ile, gi ọpịa-agha gbu ndị-amụma ị. Mmẹ sụọ họdụ; wẹ rị nwan a chọ nị wẹ gbu mmẹ nwẹn!”

Itẹn 29:26

Ndị bu ọda a channị onyẹ rị a kịnị ẹnya, kanị ẹka Osolobuẹ kẹ ịhịan nọ e nwọnhẹn ihiẹn run'ẹ.

Azaya 25:1

Euu Osolobuẹ, ịyụ wụ Chuku m; m k'e ye i ọghọ, ja ẹfan ị mma, makẹni y'e mẹgụọ kẹ onyẹ wẹ gi e dọn ẹnya, mẹ okẹn-ihiẹn ichẹn-ichẹn a tụ ẹnya, ihiẹn ndị hụn ị rotọ mbụ-mbụ.

Azaya 35:4

Sị nị ndị obi wẹ zelẹni, “Kwọnkẹnmẹ ni enwẹn ụnụ, atụlẹ ni egun, Chuku ụnụ lala — ọ lala d'e mẹgwarịnị ụnụ, ọ lala d'e mẹgwarị wẹ kẹ Chuku; ọ lala d'a zụọpụha ụnụ.”

Azaya 40:10

Lee n'ẹ, Di-nwọnni-ẹnyi wụ Osolobuẹ gi ikẹn ẹ lala, ọ kpala ikẹn. Lee n'ẹ, o gi ihiẹn ọ rụnpụha lala, ihiẹn ọ rụn sọnla a.

Azaya 40:27

Kị haịn i gi e ku ẹnịna, ebọn Jekọpụ, kị haịn i gi e dẹnnwịnwịn, Izrẹlụ, a sị, “Osolobuẹ amarịn k'ọ rị m; Chuku m a lagụọ oku m tọ”?

Azaya 57:21

Ọ rịkọnị onyẹ-njọ mma.” Ya kẹ Chuku m ku.

Azaya 59:18

Ihiẹn onyẹ-onyẹ mẹ k'o k'e gi sọn ẹ: o k'e ye ndị iṅẹnrẹn ẹ afụnfụn, mẹshi ndị rị a lụsọn ẹ ọgụn ikẹn — o k'e yedẹ alị ndị rị mkpẹnrẹn ohimin teni afụnfụn ihiẹn wẹ mẹ.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 62:11

Osolobuẹ a hịgụọ a ghagbama ụwa ile, sị, “Sị nị obodo Zayọnụ, ‘Lẹhụ Onyẹ-nzụọpụha ị k'ọ lala! Lee ụmụ ị ọ kịla n'o gi hụhụ ị; ya lẹ ihiẹn ọ rụnpụha wị lala.’ ”

Azaya 65:2

A shịapụgụọ m ẹka m ẹbụbụọ kẹ ụhụọhịn han, e che ndị isi-ikẹn, hụn a ghasọnmẹ eje-ụzọ — e mẹ ihiẹn sụọnị wẹ,

Azaya 65:23

Arụnkọ wẹ ọrụn ọlaliwi; amụkọ wẹ ụmụ k'a hụn uke. Makẹni wẹ k'a wụ ndị Osolobuẹ gọzi agọzi kẹ wẹ kẹ ụmụ wẹ.

Izikẹlụ 3:19

Kanị, o mẹni y'a gbagụọ eje-ịhịan mkpịnsịn-ẹka ẹnya, bụ ọ latọnị eje-ihiẹn ọ rị e mẹ mọbụ eje-obibi ẹ, o k'a nwụn makẹ njọ a; kanị yụ nwẹn a zụọrịgụọ isi i.

Lẹvitikọsụ 26:20

Ụnụ k'a rụngbu enwẹn ọnụ mmaka makẹni alị ụnụ emẹkọ ihiẹn ọwụlẹ, osisi ụnụ amịkọ mkpụrụ.

Matiu 17:17

Jesu nọ sị, “Heuu, agbọ nwọnlẹni okukwe! Agbọ zinlẹni! Nanị mmẹ lẹ ụnụ k'a nọhan? Nanị m'e dihannị ụnụ?! Wẹhẹ ni ni m'ẹ.”

Matiu 23:37

“Euu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpumẹ ụmụ ị kẹ nneku-ọhụhụ dọn e gi nku e kpumẹ ụmụ a, bụ y'a nịnị m!

Luku 24:26

Ẹkụkwọ-nsọ ekugụọn'a nị Onyẹ-nzụọpụha Ahụn Osolobuẹ Tumẹ wụ Kraịstị jẹnkọ d'a tagụ afụnfụn ndịnị o kebe nwọnrin ọghọ a?”

Jọnụ 1:11

Ọ bịa d'e kunrun ndị nke ẹ, kanị ndị nke ẹ anabanhann'a.

Ndị Rom 10:21

Nke ndị Izrẹlụ, ọ sị, “M shịapụ ẹka ụhụọhịn ile, e che ndị isi-ikẹnni rị e nupụ isi.”

Ndị Kọrẹntị Nke Ẹbụọ 12:15

Ni m gichanrịnghọ ihiẹn m ile lẹ ndụn m yeni ụnụ ẹka. O mẹ nwan nị mmẹ nwẹn rị e nwọnwaye ihiẹn-ọsụsụọ ụnụ, nị ihiẹn m sụọbehi ụnụ nwẹn k'ọ sụọ ụnụ mbụ?

Ndị Kọrẹntị Nke Ẹbụọ 2:15

Makẹni, ebe Osolobuẹ rị, ishin Kraịstị kẹ ẹnyi wụ ebe ndị rị e nwọn nzụọpụha rị lẹ ebe ndị lakọ iwi rị.

Ndị Galeshịa 4:11

Egun ụnụ rị a tụ m, nị ikẹnkwọ ọrụn ile m rụn ebe ụnụ rị a lagụọ iwi!

Ndị Filipi 2:16

E kwọnkẹnmẹ ni oku hụn e ye ndụn, kẹni m hụn ihiẹn m'e gi nyan isi Ụhụọhịn Kraịstị k'a bịa, nị ọsọ m gba lẹ ọrụn m rụn alanị iwi.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.