Azaya 48:8 - Ika

⁸ Y'a nụtuni ihiẹn, y'a ghọtatuni ihiẹn; onwọntuni ogẹn ntịn ị gi rị oghe. Amarịnghọ m kẹ i mẹhan onyẹ ghẹrẹ-ghẹrẹ-ghẹrẹ; onyẹ nnupụ-isi kẹ wẹ a kpọ ị kete wẹ mụlẹ i.

Azaya 48:8 ပူးပေါင်းရင်းမြစ်များ

Ẹbụ-ọma 40:6

Kẹ ẹjan kẹ oyiye onwọnni hụn ị chọ, kama y'a shịapụgụọ m ntịn nị m ghọta; kẹ ẹjan w'a dụn ọkụn kẹ ẹjan-njọ onwọnni hụn ị chọ.

Ẹbụ-ọma 51:5

Onyẹ-njọ kẹ m wụ kete w'a mụlẹ m — kete nnẹ m a tụlẹ imẹ m!

Ẹbụ-ọma 58:3

Ndị-ejẹni gha ẹfọ nnẹ wẹ kpahumẹ; imẹ ẹfọ kẹ wẹ gha tụma ntụ.

Azaya 21:2

Ihiẹn ọ ghọsị m imẹ Ọhụn m hụn a jọka njọ: ẹro-ẹro lẹ ntikpọ-ntikpọ rịchanrịn a; Ndị Ẹlam, mayeni wẹ ọgụn! Ndị Mẹdịa, kehunmẹni wẹ! M jẹnkọ nwan d'a kụsị udẹn ile o mẹ ndị rị okpuru ẹ a sụn.

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 33:1

Nsọngbu rị e che i, yụ hụn e tikpọnị wẹ kelẹni tikpọ; ịyụ hụn e re ndị ọzọ bụ wẹ eke re i! I tikpọgụ, e tikpọ wẹ ịyụ nwẹn! I regụ ndị ọzọ, ndị ọzọ k'e rezikwọ ịyụ nwẹn.

Azaya 42:25

Ya ọ nọ gi eje-olulu ẹ sọn wẹ, gi agha lẹ ogbugbu lẹ ntikpọ rịn'a sọn wẹ; agha nọ kpumẹ wẹ lekẹ ọkụn rị e nwunni — aghọtakwọnị wẹ; agha e bu wẹ ri kẹ ọkụn, egizikwọnị w'a dọn.

Azaya 46:8

Nyanhankwọ nị ihiẹnni; bun'ẹ che obi, e ron'ẹ, ụnụ ndị nnupụ-isi.

Azaya 47:11

Eje-ihiẹn k'e kunrun i, y'a marịnkọ ọgụn y'e gi gwọpụ a; ọdakin k'e kunrun i, y'a sakọ ẹka gi ihiẹn ọwụlẹ gbarị isi i; okẹn eje-ihiẹn ị tụlẹni ẹnya a k'e kunrun i idẹnmizi.

Azaya 48:4

Makẹni a marịnghọ m kẹ ụnụ mẹhan ndị isi-ikẹn, nị olu ụnụ wụ igwe ghalẹni a nị e gbegi; nị ezimezi ihun ụnụ ze kẹ igwe-bronzu.

Azaya 48:7

Wẹ wụchanrịn ihiẹn ọhụn, arị w'a mbụ-mbụ: y'a nụtuni ukwere wẹ wezụka tannị. Ya wụ nwan nị y'a sakọ ẹka sị, “Ẹghẹẹ, a marịngụọlẹ m wẹ.”

Azaya 50:5

Onyẹ-nwọnni-ẹnyi wụ Osolobuẹ a shịapụgụọ m ntịn, efeni m isi, arụnị m isi ye imẹ.

Azaya 57:4

Onyẹ kẹ ụnụ rị a mụ ẹmụ? Onyẹ kẹ ụnụ rị e ru imi, a sị ‘ọṅọịn!’ Ẹlẹ ndị nnupụ-isi kẹ ụnụ wụ? Ẹlẹ mmụ ndị-ntụ kẹ ụnụ wụ?

Jerimaya 3:20

Kanị, ịyụ wụ ikpụnọ Izrẹlụ a lagụọ m tọ sọnmẹ ihiẹn ọzọ kẹ okpoho ẹnya rịlẹni ụzọ ohu e mẹ di ẹ.” Ya kẹ Osolobuẹ ku.

Jerimaya 5:11

Ikpụnọ Izrẹlụ lẹ ikpụnọ Juda e giọlẹ ẹkanaị sọn m.” Ya kẹ Osolobuẹ ku.

Jerimaya 5:21

Sị wẹ: Ndị nzuzu marịnlẹni ihiẹn, gọn nị ntịn, ndị nwọn ẹnya bụ w'a ra legha ụzọ, ndị nwọn ntịn bụ w'a ra nụ ihiẹn:

Jerimaya 6:10

M nọ sị, “Onyẹ kẹ m'a gwa oku, dọ ẹka-ntịn? Onyẹ jẹnkọ d'e gọn m ntịn? Ntịn wẹ kpọkin akpọkin; anụkọ wẹ. Oku Osolobuẹ e we wẹ iwe; ara sụọ wẹ kaka!”

Hosia 5:7

E gigụọ wẹ ẹkanaị sọn Osolobuẹ; a mụgụọ wẹ ụmụ ogbe! Ufiri ẹ, Mmẹmmẹ wẹ e mẹ Ifọn pụ sikọ nwan d'e bu wẹ lẹ ugbo wẹ ile ri.

Hosia 6:7

Kanị, e mẹgụọ wẹ kẹ Adam tikpọ nkwerigbama mmẹ lẹ wẹ, e gigụọ wẹ ghẹrẹ-ghẹrẹ-ghẹrẹ sọn m.

Hosia 7:9

Itumunyẹ hụ a narịn Ifrem ndụn, ọ marịn; Isi e pumẹgụọ a ẹwọ, ọ marịn!

Malakaị 2:11

Ndị Juda rị e gi ntụ e fe Osolobuẹ; ịhịan rị e mẹ arụ imẹ Izrẹlụ ile lẹ imẹ Jerusalẹm! Ndị alị Juda hụ e mẹrụ Ụlọ-nsọ Osolobuẹ hụn a sụọ Osolobuẹ ụsụọ, a lụ ikpoho alị ọzọ e fe mmọn wụlẹni Osolobuẹ!

Ndị Ẹfẹsọsụ 2:3

Eziẹ, ẹnyi ile e te bi k'ọ sụọ ẹnyi nọkẹ wẹ, e mẹ kẹ ẹhụ ẹnyi lẹ obi ẹnyi chọ. Iwe-lẹ-ọnụma Osolobuẹ te hụ e che ẹnyi nọkẹ ndị ọzọ ile.

Ditrọnọmi 31:16

Osolobuẹ nọ sị Mozizi, “Y'e d'a nwụnhụn laburu ndị nẹdi i wẹ. Ị pụgụ, o biekọ ndịnị e we enwẹn wẹ ye kẹ ịgbaraja, kwamanị mmọn-lẹ-iyi alị ahụn wẹ banyekọ. Wẹ jẹnkọ d'a la m tọ, tikpọ Iwu m hụn kwọngbama mmẹ lẹ wẹ.

Ditrọnọmi 31:18

Kanị o ru, efeyekọ m ẹnya yeni eje-ihiẹn ile wẹ mẹ ebe wẹ nọ sọnmẹ mmọn-lẹ-iyi.