Azaya 48:20 - Ika

²⁰ Gha nị Babilọnụ pụ, gbapụnị nị ndị Babilọnụ gini ụnụ! Gi oro ịghọghọ hị ọnwan — ku ẹ nị ịhịan ile nụ; ku ẹ n'ọ ghagbarị ụwa ile; sị, ‘Osolobuẹ a gbapụhagụọ odibo ẹ wụ Jekọpụ!’

Azaya 48:20 ပူးပေါင်းရင်းမြစ်များ

Samuẹlụ Nke Ẹbụọ 7:23

Elee ndị nọ kẹ ndị nke ị wụ Izrẹlụ — alị ohu hụ ị hụn Chuku jẹn d'a gbapụha gi, wẹ họnrin ndị nke ẹ, gi ẹ nwọnrin ẹfan, rụnsọnmẹ okẹn ihiẹn a tụ ẹnya ghahanị ịchụpụsọnmẹ ndị alị ichẹn-ichẹn lẹ mmọn ndị wẹ rị e fe, buche ndị nke i hụn ị gha alị Ijiptu gbapụha?

Ẹzra 2:1

Ndịnị wụ ndị Ju, ndị Ẹgbẹrẹni, hụn lụanị imẹ ndị wẹ kpụnrụn, ndị ahụn eze Babilọnụ wụ Nebukadineza kpụnrụn shi Babilọnụ. Wẹ lụaha Jerusalẹm lẹ Juda; onyẹ-onyẹ lashi obodo ẹ.

Ẹbụ-ọma 126:1

Ogẹn Osolobuẹ gi mẹ n'ọ rịzị nị obodo Zayọnụ mma, ọ rị ẹnyi kẹ nrọ!

Azaya 12:1

O ru ogẹn ahụn, ị k'a sị: “Euu Osolobuẹ, m k'a ja ị mma! Ezioku, i te rị e buni m olulu, kanị olulu i a rọgụọ nwan; y'a rọkọgụọ m obi.

Azaya 12:4

O ru ogẹn ahụn, ụnụ k'a sị: “Kpanmịn nị Osolobuẹ, kpọku ni ẹfan a; mẹ ni alị ichẹn-ichẹn marịn ihiẹn o mẹ, ụnụ e ku kẹ ẹfan a nwọnhan ọghọ.

Azaya 24:14

E weshi wẹ nwan olu elu yimẹ oro ịghọghọ; ndị rị ẹbamịn ọdịdan-ẹnyanwụn hụ e yi nị Osolobuẹ e hikẹ ogbe.

Azaya 26:1

Ogẹn ahụn, wẹ k'a bụ ẹbụnị imẹ Juda: Ẹnyi e nwọnghọ obodo zeni; Chuku e gigụọ nzụọpụha mẹmẹ mgbọn ẹ lẹ ebe w'a gbaban rịn'a.

Azaya 42:10

Bụnị nị Osolobuẹ ẹbụ ọhụn, gi ni ẹbụ ja a mma ebe ile ụwa ru — kẹ ụnụ ile a gha ohimin kẹ ihiẹn ile rị imẹ ẹ, kẹ alị ndị teni rị mkpẹnrẹn ohimin lẹ ndị ile bi imẹ wẹ.

Azaya 43:1

Ka lee nwan ihiẹn Osolobuẹ ku — Osolobuẹ hụn ke ịyụ wụ Jekọpụ, Osolobuẹ hụn kpụ ịyụ wụ Izrẹlụ: “Atụlẹ egun, a gbarịgụọ m'ị; a kpọgụọ m'ị ẹfan, họrị ị; nke m kẹ ị wụ.

Azaya 44:22

E finchanpụgụọ m mmẹfie ụnụ ile rịkẹ igwere gitọnị, zapụ njọ ụnụ lekẹ igirigi ụtụntụn. Kinhẹn ni nwan d'e kunrun m, n'a gbarịgụọ m ụnụ.

Azaya 48:6

Y'a nụgụọ ihiẹn ndịnị; lekpọ wẹ nwan; y'e kukọ nị ezioku rọ? Gha kikẹnni jẹnmẹ, m k'a gwama ị nwan ihiẹn ọhụn, gwama ị ihiẹn zuerini hụn ị marịnlẹni.

Azaya 49:13

Euu igwere, yimẹ oro ịghọghọ! Elu-ụwa, ghọghọma nwan! Ugu, kwankpọma nị nwan ẹbụ! Makẹni Osolobuẹ rị a rọkọ ndị nke ẹ obi, omikẹn ndị nke ẹ wẹ rị e mẹshi ikẹn rị e mẹ ẹ.

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 51:14

Ọ họdụ ẹkẹrẹ nị ndị wẹ kwọndọn weri enwẹn wẹ — anwụntọkọ wẹ imẹ ngan, ihiẹn-oriri akọkọ wẹ.

Azaya 52:10

Osolobuẹ sikọ d'a ghọsị ẹka a rị nsọ idẹnya alị ndị ọzọ ile, elu-ụwa ile a hụn kẹ Chuku ẹnyi dọn a zụọpụha.

Azaya 52:11

Gha nị ebẹhụ pụ! Gha nị Babilọnụ pụ! Emẹtụkwọlẹ ni ihiẹn ọwụlẹ rụnị ẹka! Pụha nị ebẹhụ, dọnmẹ ni enwẹn ụnụ ụchan — ụnụ ndị e bu ihiẹn-nsọ Osolobuẹ.

Azaya 52:9

Mkpọkọ-ụlọ ile rị Jerusalẹm, bụye ni ẹbụ, makẹni Osolobuẹ a rọkọgụọ ndị nke ẹ obi; ọ gbapụhagụọ Jerusalẹm!

Azaya 62:11

Osolobuẹ a hịgụọ a ghagbama ụwa ile, sị, “Sị nị obodo Zayọnụ, ‘Lẹhụ Onyẹ-nzụọpụha ị k'ọ lala! Lee ụmụ ị ọ kịla n'o gi hụhụ ị; ya lẹ ihiẹn ọ rụnpụha wị lala.’ ”

Azaya 63:9

Ọ nị ihiẹn ile rị e mẹtụrụnị wẹ e mẹtụrụ ya nwẹn; ọ nọyeni wẹ nọkẹ mmọn-ozi, zụọpụha wẹ. Ọ nọ gi ihiẹn-ọsụsụọ lẹ omikẹn gbapụha wẹ; ọ bushi wẹ elu, parịdẹ wẹ aparị — hụn ahụn ile ogẹn mbụ ahụn.

Jerimaya 31:10

Ụnụ ndị alị ile, gọnkwọ nị ntịn ihiẹn Osolobuẹ rị e ku; gwasọnmẹ ni alị ndị rị ebe teni rịdẹ mkpẹnrẹn ohimin nị: “Onyẹ hụn feyịya ndị Izrẹlụ jẹnkọ d'e wegbama wẹ, lepụ wẹ ẹnya nọkẹ onyẹ e du atụnrụn.

Jerimaya 31:11

“Makẹni Osolobuẹ jẹnkọ d'a gbarị ebọn Jekọpụ, gbapụha a ẹka ndị ka a ikẹn.

Jerimaya 31:21

“Tumẹsọnmẹ ni ahịma wẹ gi a kọma ụzọ ẹnya; zuyesọnmẹ ni osisi wẹ gi a marịn ụzọ. Kọma nị ụwaya ẹnya — ụzọ hụn ụnụ gha pụ. Kinhẹn azụụn, nwagbọọ wụ Izrẹlụ; lụaha nị obodo ụnụ ndịnị.

Jerimaya 50:2

Osolobuẹ sị, “Gi ẹ yi oro; gwa wẹ ya imẹ alị ichẹn-ichẹn. Weshi ihiẹn-ahịma elu hị a! Ekuhọdụkwọlẹ! Sị wẹ, ‘Wẹ k'e mẹri Babilọnụ weri; ifẹnrẹn k'e mẹ mmọn wẹ wụ Bẹlụ! Wẹ jẹnkọ d'e tikpọchanrịn mmọn wẹ wụ Maduku; ifẹnrẹn k'e mẹ ihiẹn ndị ahụn wẹ kpụ wẹ e fe; wẹ k'e tikpọchanrịn ihiẹn ndị ahụn ile wẹ a rụa.’

Jerimaya 50:28

Gọn ni ntịn, ihiẹn ndị hụn isi gha Babilọnụ gbapụha rị e ku imẹ Zayọnụ: wẹ rị e ku kẹ Osolobuẹ wụ Chuku ẹnyi dọn mẹgwarị ndị Babilọnụ, mẹgwarị wẹ ihiẹn wẹ mẹ Ụlọ-NSỌ a.

Jerimaya 50:8

Gha nị Babilọnụ gbapụ! Gha nị alị Babilọnụ pụ. Budẹni ni ndị ọzọ ile ụzọ gbapụ — kẹ mkpịn dọn e bu ụzọ imẹ igunrun anụ.

Jerimaya 51:45

“Ndị nke m, gha nị imẹ ẹ pụha! Onyẹ ọwụlẹ zụọrịkwọ isi ẹ! Gbapụkwọ nị makẹ okẹn olulu Osolobuẹ,

Jerimaya 51:48

Elu-igwee lẹ ụwa lẹ ihiẹn ile rị imẹ wẹ k'e yi oro ịghọghọ nị Babilọnụ a dan, makẹni ndị gha alị rị ẹbamịn ugu lala sikọ d'e tikpọ a.” Mmẹ wụ Osolobuẹ ku ẹ.

Jerimaya 51:6

“Ghakwọ nị Babilọnụ gbapụha! Zụọrịkwọ nị isi ọnụ! Anịkwọlẹ ni njọ a na ụnụ isi! Ogẹn Osolobuẹ e gi mẹgwarị a e rugụọ, ogẹn o gi kụ a ụgwọ ihiẹn o mẹ.

Zẹkaraya 10:8

M k'e gi ọfịfị welụa wẹ, makẹni a gbarịgụọ m wẹ; wẹ k'e buzi ọda kẹ wẹ bu mbụ.

Zẹkaraya 2:10

Osolobuẹ sị, “Ndị Zayọnụ, bụma nị ẹbụ, ghọghọma nị, nị m lala d'e biri imẹ igunrun ụnụ. Ya kẹ Osolobuẹ ku.

Ditrọnọmi 30:4

Ọsụọkwọn'a nị alị kachanrịn e te elu-ụwa k'o te chụshi ụnụ, Osolobuẹ wụ Chuku ụnụ k'a gha ebahụn kokomẹ ụnụ wekinhẹn.

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”

Rẹvẹleshọnụ 18:4

Ya m nọ nụ kẹ olu ọzọ gha elu-igwee sị, “Ndị nke m, gha nị imẹ ẹ pụha, amamgbe ụnụ e bu ẹka che njọ a, amamgbe ihiẹn mẹn'ẹ e ru ụnụ ẹhụ;