Azaya 48:2 - Ika

² ụnụ ndị a kpọ enwẹn ụnụ ụmụ-di-alị Obodo nsọ wụ Jerusalẹm, a sị nị Chuku Izrẹlụ kẹ ụnụ gi dọn ẹnya — Onyẹ ẹfan a wụ Osolobuẹ ihiẹn ile rị okpuru ẹ!

Azaya 48:2 ပူးပေါင်းရင်းမြစ်များ

Nehemiah 11:1

Ogẹn hụ, ndị-isi nọ biri obodo Jerusalẹm; ndị ọzọ họdụnị nọ tụ mkpọ gi ẹ họrịsọnmẹ onyẹ ohu-ohu imẹ madụ iri ọwụlẹ nị wẹ biri imẹ obodo nsọ hụ wụ Jerusalẹm; ụzọ itenẹi họdụnị wụ ndị sikọ d'a nọdị obodo wẹ rị ichẹn-ichẹn.

Nehemiah 11:18

Ndị Livaị ile hụn rị imẹ Obodo nsọ hụ rị ẹnọ kwasị ọgụn mmẹnọ (284).

Ẹbụ-ọma 48:1

Osolobuẹ e hikẹ ogbe, o furu hụn w'a ja mma ọda-ọda imẹ obodo Chuku ẹnyi, elu Ugu ẹ rị nsọ wụ Zayọnụ.

Ẹbụ-ọma 87:3

Obodo Chuku, Chuku e kugụọ ihiẹn rịgbu enwẹn ẹ mma banyen'i! Sẹla

Azaya 10:20

O ru ogẹn ahụn, ndị Izrẹlụ k'a họdụnị — ndị ikpụnọ Jekọpụ hụn k'a hụn isi wanahịn — egikọzị onyẹ hụ e gbuni wẹ dọn ẹnya, Osolobuẹ hụn wụ Onyẹ-nsọ Izrẹlụ kẹ wẹ k'e gichanrịn dọn ẹnya.

Azaya 47:4

Onyẹ-mgbapụha ẹnyi hụn ẹfan a wụ Osolobuẹ ihiẹn ile rị okpuru ẹ, ịya wụ Onyẹ-nsọ Izrẹlụ.

Azaya 51:13

Onyẹ k'ị wụ hụn i gi a zọ Osolobuẹ hụn ken'i, hụn shịshịapụ igwere, gbe iyetọ ụwa? Onyẹ k'ị wụdẹ nwan egun gi a tụ ị ụhụọkịn ile makẹ ọnụma onyẹ rị a bịangbuni, hụn rị a sị n'o k'e tikpọrịrị? Kịnị kẹ ọnụma onyẹ hụ rị a bịangbuni k'e mẹdẹ nwan?

Azaya 51:15

Makẹni mmẹ wụ Osolobuẹ, Chuku ụnụ, hụn e mẹhunmẹ ohimin hụn mirin ẹ gi a tụhunmẹ; Osolobuẹ ihiẹn ile rị okpuru ẹ wụ ẹfan a.

Azaya 52:1

Tẹnhin! Tẹnhin! Zayọnụ, tẹnhin! Jeri ikẹn lekẹ ẹkwa. Obodo nsọ wụ Jerusalẹm, yiri ẹwuru ọma ị; ndị ahụn wẹ kwalẹni ugun, ndị ahụn rịlẹni ụchan, abanhankọzị imẹ i.

Jerimaya 10:16

Kanị Osolobuẹ, Onyẹ ahụn wụ nke Jekọpụ, anọnị kẹ uwẹ — makẹni ịya ke ihiẹn ile — Izrẹlụ wụ ebọn nke ẹ kẹti-kẹti; Ẹfan a wụ Onyẹ Ihiẹn Ile Rị Okpuru ẹ.

Jerimaya 21:2

“Dodo rịọnị ẹnyi Osolobuẹ n'o d'e yeni ẹnyi ẹka. Makẹni Nebukadreza wụ eze alị Babilọnụ rị nwan a lụsọn ẹnyi agha. Ikẹnkwọ nị Osolobuẹ rụnzịnị ẹnyi ọrụn atụmẹnya k'o dọn a rụn mbụ-mbụ, kẹni Nebukadineza yeni ẹnyi efe.”

Jerimaya 44:26

Ka gọnkwọ nị nwan ntịn, ndị Juda ile bi alị Ijiptu: Osolobuẹ sị, ‘Mmẹ wụ Osolobuẹ rị e kun Okẹn Ẹfan m, nị onwọnzini onyẹ Juda ọwụlẹ bi alị Ijiptu k'e kun ẹfan m — onwọnni onyẹ k'a sị, “Ma Osolobuẹ ihiẹn ile rị okpuru ẹ!”

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Matiu 27:53

Ogẹn Jizọsị gi ghagụ ọnwụn lihi, wẹ nọ pụhasọnmẹ, banye imẹ obodo nsọ hụ wụ Jerusalẹm; ndị bu ọda hụn wẹ ebẹhụ.

Matiu 4:5

Ya kẹ Ekwensụ nọ we ẹ shi imẹ obodo nsọ wụ Jerusalẹm, w'ẹ tumẹ mkpọnụnụ Ụlọ-nsọ,

Ndị Rom 2:17

Kanị, ị sị nị ị wụ onyẹ Ju? Ị hụ e gi Iwu Mozizi e dọn ẹnya, e gi Osolobuẹ a nyan isi;

Rẹvẹleshọnụ 11:2

Ka amalẹ ihun-ezi Ụlọ-NSỌ, hapụ ọhụn makẹni o bugụọ a che ẹka ndị alị ọzọ. Wẹ k'a zọ obodo nsọ hụ ụkụ ọrọgbọ ifọn ẹbụọ kwasị ọgụnnaị.

Rẹvẹleshọnụ 21:2

M nọ hụn obodo nsọ hụ, Jerusalẹm ọhụn, k'ọ gha ẹka Osolobuẹ imẹ elu-igwee hidanla. Ọ nọ kẹ nwagbọọ chọgụ mma agbamẹkụkwọ rị e che di ẹ.

Rẹvẹleshọnụ 22:19

onyẹ wepụ ihiẹn imẹ wẹ, Osolobuẹ e wepụ ihiẹn run'ẹ imẹ osisi hụ e ye ndụn hụn wẹ kusọnmẹ oku ẹ imẹ ẹkụkwọnị lẹ obodo nsọ ahụn wẹ kusọnmẹ oku ẹ imẹ ẹkụkwọnị.

Ndị Han Eṅẹn 17:13

Maịka nọ sị, “A marịngụọ m nị Osolobuẹ jẹnkọ nwan d'e mẹni m ọhụnma, hụnnị onyẹ Livaị onyẹ-ọrụn Osolobuẹni họnrin ohẹn m.”