Azaya 48:17 - Ika

¹⁷ Lee ihiẹn Osolobuẹ ku — ihiẹn Onyẹ-mgbapụha ị, Onyẹ-nsọ Izrẹlụ, ku: ‘Mmẹ wụ Osolobuẹ, Chuku ụnụ, hụn a kuzi ụnụ kẹ n'ọ rịnị ụnụ mma; hụn a ghọsị ụnụ ụzọ ụnụ k'a gha.

Azaya 48:17 ပူးပေါင်းရင်းမြစ်များ

Jẹnẹsisi 24:48

Ebahụn kẹ m nọ gbu osekpu, kpanmịn Osolobuẹ, ja Osolobuẹ Chuku Ebraham nna m mma, hụn o gi ghọsị m ụzọ, duhẹ m nke nwẹnẹ nna m d'a lụhanị nwa nna m nwa-nwẹnẹ nna m.

Ndị-nze Nke Ibuzọ 8:36

dodo, nọ elu-igwee nụ, y'a gbagharị idibo i njọ, ndị nke i wụ Izrẹlụ, y'a kuzi wẹ ezigbo ụzọ hụ furuni wẹ k'a gha, y'e zi mirin zueye alịnị i ye ndị nke i weri.

Jobu 36:22

“Chuku e hikẹ ogbe. Ele onyẹ-nkuzi rịkẹ ịya?

Ẹbụ-ọma 25:12

Onyẹ wụ nwan onyẹ ahụn a tụ egun Osolobuẹ? Osolobuẹ k'e zin ẹ k'o dọn gha ụzọ ọ họtọn'a.

Ẹbụ-ọma 32:8

M k'a kuzi i, e zin m'i ụzọ ị k'a gha, m k'a gha a dụn ị ọdụn, e leban obibi i ẹnya.

Ẹbụ-ọma 71:17

Chuku, ị hụ a kuzi m gha ẹhụ nwa-ndu m lala; m hụkwọ e ku oku ọrụn atụmẹnya ị.

Ẹbụ-ọma 73:24

a gwa m uche i, e gi ẹ e du m, omẹgụ, i k'e wẹhẹ m ebe ọghọ ị rị.

Azaya 2:3

Alị bu ọda jẹnkọ d'a rị a sị, “Bịa nị, nị ẹnyi shi ni Ugu Osolobuẹ, nị ẹnyi jẹn ni Ụlọ-nsọ Chuku Jekọpụ. O k'a kuzi ẹnyi ụzọ a, nị ẹnyi hụn ụzọ e sọn ụzọ a.” Iwu Osolobuẹ k'a gha Zayọnụ a pụha; oku Osolobuẹ k'a gha Jerusalẹm a pụha.

Azaya 28:9

E sị wẹ, “Onyẹ k'ọ rịdẹ nwan a chọ n'ọ kuzi? Onyẹ k'ọ rị a kọwanị ozi ọ rị e zi? Ụmụ-ẹka wẹ hadẹ ẹran tannị ra ụmụ-ndu wẹ napụhụ ẹran nke ọhụn?!

Azaya 30:20

Ẹghẹẹ, ọsụọn'a nị Di-nwọnni-ẹnyi te ye ụnụ ụya ri kẹ ihiẹn-oriri, ye ụnụ nsọngbu ra kẹ mirin, o zuemẹkọzị nwan enwẹn ẹ — ndị-nkuzi ụnụ ezuerikọzị, ụnụ jẹnkọ d'e gi ẹnya hụn wẹ.

Azaya 30:21

Nke wụnị, ọ sụọn'a nị ụnụ kụye ẹka-nni mọbụ ẹka-ekpẹn, ụnụ k'a nụ olu rị ụnụ ibe azụụn, a sị, “Ọnwan wụ ụzọ, ghashi n'ẹ!”

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 43:14

Lee ihiẹn Osolobuẹ ku — Osolobuẹ Onyẹ-mgbapụha ụnụ, Onyẹ-nsọ Izrẹlụ: “M k'e gi ufiri ụnụ zi ndị-agha jẹn Babilọnụ, mẹ ndị Babilọnụ gi ụgbọ-mirin ndị ahụn wẹ gi a nyan isi gbapụ.

Azaya 43:16

Lee ihiẹn Osolobuẹ ku — Osolobuẹ hụn be ụzọ ye imẹ ohimin, hụn be ụzọ ye imẹ okẹn-mirin ahụn;

Azaya 45:11

Lee ihiẹn Osolobuẹ ku, Osolobuẹ, Onyẹ-nsọ Izrẹlụ lẹ onyẹ hụn ken'ẹ, ọ sị: ‘N'i gidẹ nwan oku ihiẹn lalanị jụma m njụ banyeni ụmụ m, ra n'ị gwamadẹ m ihiẹn m k'e gi ihiẹn m ke mẹ?

Azaya 48:20

Gha nị Babilọnụ pụ, gbapụnị nị ndị Babilọnụ gini ụnụ! Gi oro ịghọghọ hị ọnwan — ku ẹ nị ịhịan ile nụ; ku ẹ n'ọ ghagbarị ụwa ile; sị, ‘Osolobuẹ a gbapụhagụọ odibo ẹ wụ Jekọpụ!’

Azaya 49:26

M k'e mẹ ndị rị e mẹjan'ị ri uru ẹhụ wẹ lẹ enwẹn wẹ; wẹ k'a ra ẹdeke enwẹn wẹ, ọ tụ wẹ kẹ manya. Ogẹn ahụn, ịhịan ile rị ụwa k'a marịn nị mmẹ hụn wụ Osolobuẹ wụ Onyẹ-nzụọpụha ị, Onyẹ-mgbapụha ị, Dikẹn ebọn Jekọpụ.”

Azaya 49:7

Lee ihiẹn Osolobuẹ ku, Osolobuẹ, Onyẹ-mgbapụha lẹ Onyẹ-nsọ Izrẹlụ: ọ rị a gwa onyẹ hụn alịnị ile legberi, jụ, onyẹ hụn wụ igbọn ndị-nze: ọ sị, “Ndị-nze k'a hụn ị, lihin'i ọtọ; ndị-ọkịkị k'a hụn ị, kụn'ị isi alị, makẹni Osolobuẹ hụn furu wẹ gi e dọn ẹnya k'e mẹ ẹ, Onyẹ-nsọ Izrẹlụ hụn họrịn'ị k'e mẹ ẹ.”

Azaya 54:13

Osolobuẹ kẹ ụmụ ị jẹnkọ d'a mụnarịn, ihiẹn jẹnkọ d'a rịnị mmụ ị mma ọda-ọda.

Azaya 54:5

Makẹni Chuku hụn ken'i, ịya wụ di i — ẹfan a wụ Osolobuẹ ihiẹn ile rị okpuru ẹ; ẹghẹẹ, Onyẹ-nsọ alị Izrẹlụ wụ onyẹ a gbapụhan'ị; Chuku ụwa ile kẹ wẹ a kpọ a.

Azaya 54:8

Okẹn ọnụma hụn kpọ kẹ ẹbi kẹ m gi bupụ ị ihun ẹkẹrẹ, kanị okẹn ẹfọma hụn k'a rịsọnmẹni kẹ m k'e gi mẹn'i omikẹn. Ịya kẹ Osolobuẹ Onyẹ a gbapụhan'ị ku.

Jerimaya 6:16

Osolobuẹ sị, “Turu ni nwan ẹbụ-ẹnọ lehunmẹ ẹnya; jụ nị kẹ elee hụn wụ ụzọ ahụn rị ẹdẹi — jụ nị ukwere ụzọ hụ rị mma, ụnụ a gha a, kẹn'ọ rịnị ụnụ mma. Kanị ụnụ sị, ‘Ẹnyi aghakọ a.’

Maịka 4:2

Alị bu ọda k'a rị a sị ibe wẹ, “Bịa nị, nị ẹnyi jẹn Ugu Osolobuẹ; nị ẹnyi jẹn ni ụlọ Chuku Jekọpụ, n'ọ kuzi ẹnyi uche ẹ, nị ẹnyi hụn ụzọ bimẹ k'ọ chọ.” Ẹghẹẹ, makẹni nkuzi k'a gha Zayọnụ a pụha, oku Osolobuẹ k'a gha Jerusalẹm a pụha.

Jọnụ 6:45

Wẹ de ẹ imẹ Ẹkụkwọ ndị-amụma nị, ‘Osolobuẹ sikọ d'a kuzi wẹ ile.’ Onyẹ hụn e gọn Chuku-Nẹdi ntịn, a mụnarịn a, jẹnkọ d'a bịa d'e kunrun m.

Ndị Ẹfẹsọsụ 4:21

Ẹghẹẹ, ụnụ a nụgụọ oku Kraịstị, makẹni a kuzigụọ wẹ ụnụ ụzọ a, kuzi ụnụ ezioku k'ọ rị imẹ Jesu:

Joshụa 3:4

Wẹ k'a ghọsị ụnụ ụzọ, ebe omẹni ụnụ aghatuni ụzọnị mbụ. Ka anọkunmẹlẹ ni Ẹkpẹti-nkwerigbama: ẹgbata ụnụ lẹ ịya k'a rị ihiẹn nọ kẹ amụkụ iri kwasị ọgụn-mmẹtọ kwasị nnụ.”