Azaya 48:13 - Ika

¹³ Ẹka m gbe iyetọ ụwa, ẹka-nni m shịshịapụ igwere; m kpọ wẹ, a pụha wẹ.

Azaya 48:13 ပူးပေါင်းရင်းမြစ်များ

Jobu 37:18

n'ị sa nwan ẹka mẹmẹ orukpu hụn o mẹmẹ, mẹ ẹ ze kẹ ughegbe igwe-bronzu?

Ẹbụ-ọma 102:25

ịyụ ke ụwa kete-kete; igwere wụzịkwọ ọrụn-ẹka ị.

Ẹbụ-ọma 147:4

Ịya marịn kokisẹ ole rịnị, marịndẹ ẹfan wẹ ile.

Ọpụpụ 20:11

Makẹni akpọhịn isin kẹ Osolobuẹ gi ke elu-igwere lẹ ụwa lẹ ohimin lẹ ihiẹn ile rị imẹ wẹ, kanị nke akpọhịn ẹsa rịn'a, ọ nọ zu ikẹn. Ya kẹ Osolobuẹ nọ gọzi Ụhụọhịn Ezumikẹn, dọn ẹ nsọ.

Azaya 40:12

Onyẹ a sa ẹka e gi ọb'ẹka ohu e kwọndọnchanrịn mirin ile rị ohimin mọbụ a shịapụ ọb'ẹka gi ẹ makwama igwere? Onyẹ gitu ụkpalị kwọndọn ẹjan ile rị ụwa mọbụ gi skelu ma ugu ile lẹ òke ile?

Azaya 40:21

Ụnụ amarịn? Ụnụ e ke nụ? Agwanị wẹ ụnụ ya isi mbidọn? Ụnụ aghọtan'a kete w'e kelẹ ụwa?

Azaya 40:22

Osolobuẹ nọdị alị ebe mẹ ohi-ohi ghahunmẹ ụwa, ndị ile bi elu ụwa rị kẹ kpamkpam ẹnya a. Ọ shịapụ igwere kẹ ịhara, ọ shịapụ a kẹ okpukpu ụlọ w'e bi.

Azaya 40:26

Weshidẹ ni ẹnya elu lee igwere: Onyẹ ke ihiẹn ndịnị ile? Onyẹ hụ hụn a kịpụha kokisẹ ile ohu-ohu, a kpọ wẹ ẹfan. Onwọnni akpụ-ohu e tuhuni, Makẹni ọ wụ dikẹn nwọn ikẹn ọda-ọda,

Azaya 42:5

Lee ihiẹn Chuku wụ Osolobuẹ ku — Chuku hụn ke igwere ile, gbama wẹ; hụn gbama elu-ụwa lẹ ihiẹn ile a gha imẹ ẹ a pụha, Chuku hụn e ye ndị rị elu-ụwa uzun, e ye ndị ile rịn'a ndụn:

Azaya 44:24

Lee ihiẹn Osolobuẹ ku — ihiẹn Onyẹ hụn gbapụhan'ị ku, Onyẹ hụn mẹmẹ i imẹ ẹfọ-nnẹ i: ọ sị: “Mmẹ wụ Osolobuẹ hụn ke ihiẹn ile; mmẹ sụọ setịnpụ igwere; gi ẹka m gbama ụwa kẹ ẹkwa.

Azaya 45:12

Mmẹ ke ụwa, mmẹ ke ịhịan butọ elu ẹ; mmẹ gi ẹka m shịshịapụ igwere, kịpụha ihiẹn ile rịn'a che ebe wẹ rịsọnmẹ nwan.

Azaya 45:18

Makẹni ọnwan kẹ Osolobuẹ ku — Osolobuẹ, onyẹ hụn ke igwere; ịya wụ Chuku hụn ke ụwa, mẹmẹ ẹ k'ọ rị. Ịya ke ẹ, ẹlẹ kẹni ọ gba okpokoro, kanị o ke ẹ nị wẹ bi imẹ ẹ. Ọ sị, “Mmẹ wụ Osolobuẹ, ọzọ arịa.

Azaya 51:13

Onyẹ k'ị wụ hụn i gi a zọ Osolobuẹ hụn ken'i, hụn shịshịapụ igwere, gbe iyetọ ụwa? Onyẹ k'ị wụdẹ nwan egun gi a tụ ị ụhụọkịn ile makẹ ọnụma onyẹ rị a bịangbuni, hụn rị a sị n'o k'e tikpọrịrị? Kịnị kẹ ọnụma onyẹ hụ rị a bịangbuni k'e mẹdẹ nwan?

Jerimaya 51:15

“Kanị, Chuku gi ikẹn ẹ ke ụwa; ịya gi akọ-lẹ-uche ẹ mẹmẹ ụwa, gi nghọta a shịshịapụ igwere.

Ndị Rom 4:17

Ẹrịra kẹ Ẹkụkwọ-nsọ dọn ku ẹ, sị, “E mẹgụọ m'ị wụrụ nẹdi alị bu ọda.” Ịya k'ọ wụ ebe Osolobuẹ rị — Osolobuẹ hụn o gi dọn ẹnya; Osolobuẹ hụn e mẹ onyẹ nwụnhụnnị a rịzị ndụn, hụn e gi oku-ọnụ a e mẹ ihiẹn rịtulẹni n'ọ rị.