Azaya 48:12 - Ika

¹² Euu Jekọpụ, gọn m ntịn! Izrẹlụ hụn m kpọ: mmẹ wụ Chuku; mmẹ wụ Ibuzọ lẹ Ikpanzụụn.

Azaya 48:12 ပူးပေါင်းရင်းမြစ်များ

Itẹn 7:24

Gọn ni m nwan ntịn, ụmụ m; gi ni oku m rị a gwa ụnụ dọn.

Itẹn 8:32

Gọn ni m nwan ntịn, ụmụ m! Gọnni m ntịn; n'ọ bọnị ndị e sọnsọnmẹ ụzọ m ọda-ọda.

Azaya 34:1

Nọzụnhan nị d'e gọn ntịn, ụnụ ndị alị ichẹn-ichẹn; ndị alị ile, gọn ni ntịn! Ụwa lẹ ihiẹn ile jun imẹ ẹ ya nụ nwan, ụwa lẹ ihiẹn ile gha imẹ ẹ pụha ya nụ!

Azaya 40:26

Weshidẹ ni ẹnya elu lee igwere: Onyẹ ke ihiẹn ndịnị ile? Onyẹ hụ hụn a kịpụha kokisẹ ile ohu-ohu, a kpọ wẹ ẹfan. Onwọnni akpụ-ohu e tuhuni, Makẹni ọ wụ dikẹn nwọn ikẹn ọda-ọda,

Azaya 41:4

Onyẹ wụ onyẹ hụn mẹ ihiẹnni, mẹ ẹ ru alị? A gha isi mbidọn a kpọtọ agbọ ndị rị ihun? Mmẹ wụ Osolobuẹ rọ — mmẹ lẹ ndị ibuzọ rị, mmẹ lẹ ndị ikpanzụụn rịzịkwọ.”

Azaya 43:10

Osolobuẹ sị, “Ụnụ wụ ọshẹri m, odibo m hụn m họrị n'ọ marịn m, kweri oku m, ghọtazịkwọ nị mmẹ rọ. Onwọnni mmọn buni m ụzọ, onwọnzikwọnị hụn k'a nọkin ẹnya m.

Azaya 43:11

Mmẹ wụ Osolobuẹ, mmẹ lẹ enwẹn m, wezụka m, onyẹ-nzụọpụha ọzọ arịa.

Azaya 44:1

Ka gọn nwan ntịn, yụ wụ odibo m Jekọpụ, Izrẹlụ, hụn m họrị!

Azaya 44:6

Lee ihiẹn Osolobuẹ ku — Eze Izrẹlụ, Onyẹ-mgbapụha Izrẹlụ, Onyẹ ihiẹn ile rị okpuru ẹ, ọ sị: “Mmẹ wụ Ibuzọ, mmẹ wụ Ikpanzụụn. Chuku arịa — wezụka m.

Azaya 46:3

Gọn ni m ntịn-o, ebọn Jekọpụ — ụnụ ile ndị họdụ ezi-lẹ-ụlọ Izrẹlụ. Mmẹ bu ụnụ kete w'a tụlẹ imẹ ụnụ; mmẹ bu ụnụ kete ụnụ banlẹ imẹ ẹfọ.

Azaya 46:4

D'e rudẹ ni ụnụ a ka ẹgẹdi, pu ẹwọ, mmẹ rọzị, mmẹ k'e dọnmẹ ụnụ ndụn. Mmẹ ke ụnụ, m k'a pa ụnụ, m k'e dọnmẹ ụnụ ndụn, m k'a gbapụha ụnụ.

Azaya 49:1

Gọn ni m ntịn, alị ndị teni rị ohimin; nụ nị ihiẹnni, alị ile teni: M rị imẹ ẹfọ kẹ Osolobuẹ kpọ m; m rị ẹfọ nnẹ m k'ọ kpọma ẹfan m.

Azaya 51:1

Osolobuẹ sị: Gọn ni m ntịn, ụnụ ile hụn a chọ nị ihiẹn rịzị k'o furu — ụnụ ndị rị a chọ nke Osolobuẹ: Bu ni nwan ẹnya ọmụma hụ wẹ gha bepụha ụnụ lẹ ebahụn wẹ nọ bepụha ụnụ.

Azaya 51:4

Ndị nke m, gọn ni m ntịn; ndị alị m, gọn ni m ntịn. M k'e mẹ Iwu m ghagbarị, ezigbo-eṅẹn m jẹnkọ d'a wụrụnị alị ile ukpẹ.

Azaya 51:7

“Gọn ni m ntịn, ụnụ ndị marịn ihiẹn furuni, ụnụ ndị iwu m rị obi: Atụlẹ ni egun nkọrịanị ịhịan mọbụ mama piripiri ni wẹ rị a kpari ụnụ.

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Matiu 20:16

“Ẹrịra kẹ ndị kpan azụụn k'a dọn bu ụzọ, ndị bu ụzọ a kpanrịn azụụn.”

Ndị Rom 1:6

ụnụ lẹ enwẹn ụnụ rịzị ndị wẹ kpọ d'a wụrụ nke Jesu Kristi.

Ndị Rom 8:28

Ẹnyi a marịnghọ nị Osolobuẹ e gi ihiẹn ile a rụnpụhanị ndị ihiẹn ẹ a sụọ ihiẹn rị mma, ndị ọ kpọ makẹ ihiẹn ọ chọ n'o mẹ.

Ndị Kọrẹntị Ibuzọ 1:24

Kanị, nke ndị Osolobuẹ kpọ, kẹ ndị Ju kẹ ndị wụlẹni ndị Ju, Kraịstị wụ ikẹn Osolobuẹ lẹ amamihiẹn Osolobuẹ.

Ditrọnọmi 32:39

Lee n'ẹ nwan, nị mmẹ lẹ enwẹn m rọ! Wezụka m onwọnni Chuku rịnị. Mmẹ e gbu, mmẹ e ye ndụn; Mmẹ a rụ ịhịan ẹhụ, mmẹ a zụọ ịhịan; onwọnni onyẹ a s'ẹka a napụ m ihiẹn m kwọndọn.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Rẹvẹleshọnụ 1:11

Ọ sị, “Detu ihiẹn ị rị a hụn ye imẹ ẹkụkwọ, y'e zijẹnni ụka ẹsanị ya: ụka rị Ẹfẹsọsụ, ụka rị Sụmẹna, ụka rị Pẹgamọm, ụka rị Tịatira, ụka rị Sadisi, ụka rị Filadefịa lẹzi ụka rị Laodishia.”

Rẹvẹleshọnụ 1:8

“Mmẹ wụ Ibuzọ lẹ Ikpanzụụn!” Ya kẹ Di-nwọnni-ẹnyi wụ Osolobuẹ ku — onyẹ hụ hụn rị kikẹnni, hụn rị mbụ, hụn lalanị; Onyẹ hụn nwọn ikẹn ile.

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 2:8

“Dejẹnni onyẹ-isi ụka Sụmẹna, sị a: ‘Lee ihiẹn onyẹ hụ wụ Ibuzọ lẹ Ikpanzụụn ku, onyẹ ahụn nwụnhụnnị hụn rịzị nwan ndụn: ọ sị,

Rẹvẹleshọnụ 22:13

Mmẹ wụ Afa lẹ Omega, Ibuzọ lẹ Ikpanzụụn, Mbidọn lẹ Ọgụgụ.”