Azaya 48:1 - Ika

¹ Ebọn Jekọpụ, gọn ni ntịn, ụnụ ndị w'a kpọ Izrẹlụ, ụnụ ndị ẹbozo Juda; ụnụ ndị e kun ẹfan Osolobuẹ, a kpọku Chuku Izrẹlụ — kanị ụnụ ara gi ezioku lẹ ezi-omumẹ mẹ ẹ;

Azaya 48:1 ပူးပေါင်းရင်းမြစ်များ

Jẹnẹsisi 32:28

Ọ nọ sị a, “Ẹfan ị ẹlẹzi Jekọpụ, kanị Izrẹlụ — makẹni y'e sọngụọ Osolobuẹ lẹ ịhịan zụọ, ọ ghan'ị.”

Jẹnẹsisi 35:10

sị a, “Ẹfan ị wụ Jekọpụ, kanị, akpọkọzị wẹ i Jekọpụ; Izrẹlụ kẹ wẹ k'a kpọma ị.” Ya Chuku nọ gụn a Izrẹlụ.

Ndị-nze Nke Ẹbụọ 17:34

Kẹ w'e mẹ alị wẹ ghasọnmẹ wẹhẹ wẹ kẹ wẹ mẹkọ d'e ru tannị. W'a ra fe Osolobuẹ mọbụ sọn uhi lẹ ọdịnalị lẹ iwu ndị hụ Osolobuẹ ye ụmụ Jekọpụ, onyẹ hụn ọ gụn Izrẹlụ, lẹ ihiẹn ndị ọ sị ụmụ Jekọpụ e mẹ.

Ndị-nze Nke Ẹbụọ 5:20

Gẹhazi hụn wụ odibo Ẹlaịsha onyẹ amụma nọ sị enwẹn ẹ, “Ledẹ-o! Di-nwọnni m e mẹkẹzini Naamanị onyẹ Aramnị ẹfọma ebe ọ nọlẹni weri ihiẹn o buhẹ. Ma Osolobuẹ, m k'a chụburu ẹ d'a narịn a ihiẹn.”

Ẹbụ-ọma 63:11

Kanị eze k'e gi ihiẹn Chuku mẹ ghọghọ; ndị ile gi ẹfan Osolobuẹ dọn ẹnya k'a dụ ẹka obi, ọnụ ile a tụ ntụ e kpuru.

Ẹbụ-ọma 66:3

Sị nị Chuku, “Y'a rụnka ọrụn a tụ egun! Makẹni ikẹn i e hikẹ ogbe ya haịn ndị-iṅẹnrẹn i gi a man'ị piripiri.

Ẹbụ-ọma 68:26

Ja nị Chuku mma imẹ ozuzu ndị nke ẹ, Osolobuẹ hụn e ye Izrẹlụ ndụn!

Ẹbụ-ọma 68:27

Lee ebọn Bẹnjamini hụn rị wẹ ibe alị kẹ wẹ bu ụzọ; ndị-isi ebọn Juda, ebọn rị a kịnị, rị wẹ azụụn, o ru igunrun ndị-isi ebọn Zẹbulọnụ; ndị-isi ebọn Naf'tali e sọn wẹ.

Ọpụpụ 23:13

“Dọnrinkwọ nị ẹnya e mẹ ihiẹn ile m sị ụnụ e mẹ. Akpọkwọlẹ ni ẹfan mmọn-lẹ-iyi ọwụlẹ; anịkwọlẹ ni ẹfan wẹ ghadẹ ụnụ ọnụ pụha.

Itẹn 5:16

N'ị nị isi-mirin i hutọsọnmẹ ọgbara-ogbe ile? N'ị nị mirin iyi i hutọ ebe ịhịan ile nọ e zu?

Azaya 26:13

Euu Osolobuẹ wụ Chuku ẹnyi, ndị ọzọ a kịzịghọ ẹnyi, kanị ẹfan ịyụ sụọ kẹ ẹnyi e ye ọghọ.

Azaya 44:5

Ogẹn hụ, onyẹ ohu k'a sị, ‘M wụ nke Osolobuẹ’, onyẹ ọzọ a kpọ enwẹn ẹ ‘Jekọpụ’; onyẹ ọzọ k'e de ‘Nke Osolobuẹ’ ye enwẹn ẹ ẹka, zama Izrẹlụ.”

Azaya 45:23

E kungụọ m enwẹn m, ku ihiẹn m ku; a shịapụgụọ m ọnụ ku ihiẹn wụchanrịn ezioku — oku hụn m jẹnkọlẹni d'a kagbu, nị, mkpụkụ ọwụlẹ jẹnkọ d'e gbuni m osekpu, ọnụ ile jẹnkọ d'e ku ẹ ni mmẹ wụ Osolobuẹ.’

Azaya 46:12

Gọn ni m ntịn, ụnụ ndị isi-ikẹn, hụn o mẹni ihiẹn hụ rị mma arị wẹ nsue:

Azaya 51:1

Osolobuẹ sị: Gọn ni m ntịn, ụnụ ile hụn a chọ nị ihiẹn rịzị k'o furu — ụnụ ndị rị a chọ nke Osolobuẹ: Bu ni nwan ẹnya ọmụma hụ wẹ gha bepụha ụnụ lẹ ebahụn wẹ nọ bepụha ụnụ.

Azaya 51:2

Leri ni nẹdi ụnụ wụ Ebraham lẹ Sẹra nnẹ mụnị ụnụ. Ogẹn m gi kpọ Ebraham, onyẹ ohu k'ọ wụ. Kanị, a gọzi m'ẹ, mẹ ẹ mụba.

Azaya 58:2

Makẹni, wẹ hụ e fe m ụhụọhịn-ụhụọhịn, e mẹ kẹ sị w'a chọka nị wẹ marịn m, nọkẹ sị wẹ wụ alị e mẹ ihiẹn rị mma, alị hụn latọlẹni ihiẹn Chuku ẹ sị a mẹ. Wẹ hụ a sị m gwa wẹ ihiẹn furu wẹ k'e mẹ, e mẹ nọkẹsị a chọka wẹ nị Chuku nọkunmẹ wẹ.

Azaya 62:8

Osolobuẹ e kunọlẹ ẹka-ihiẹn ẹ, ẹka a hụn a kpa ikẹn, sị, “Onwọnzini ogẹn m'e gi bu ihiẹn-ugbo ị rụn ye ndị iṅẹnrẹn i ri; onwọnzini mgbe ndị alị ọzọ e gi narịn ị manya-ọhụn ị ta afụnfụn a,

Azaya 64:6

Ẹnyi ile nọ nwan kẹ onyẹ rụnị, ezi-omumẹ ile ẹnyi rị e mẹ nọhụ kẹ nkanka ẹkwa wẹ gi sọ ezi; ẹnyi ile hụ e shinwụn nọkẹ ẹhụhụọ; njọ ẹnyi e buhuhu ẹnyi kẹ ufere.

Azaya 65:16

Ogẹn ahụn, onyẹ ọwụlẹ chọ nwan n'ọ gọzi ịhịan o gi ẹfan Chuku ezioku gọzi; onyẹ chọ n'o kun iyi, o kun ẹfan Chuku ezioku. Anyanhankọzị wẹ nsọngbu isi-ibuzọ, makẹni mmẹ nwẹn wụ Osolobuẹ arịzị a hụn wẹ.

Jerimaya 4:2

omẹni ụnụ hụ e gi ezioku lẹ ẹka rị mma lẹ ezi-omumẹ a sị, ‘Ma Osolobuẹ’ ụnụ gi e kun ẹfan m ogẹn ahụn alị ndị ọzọ e gi ẹfan Osolobuẹ gọzimẹ ibe wẹ, gi Osolobuẹ nyanma isi.”

Jerimaya 44:26

Ka gọnkwọ nị nwan ntịn, ndị Juda ile bi alị Ijiptu: Osolobuẹ sị, ‘Mmẹ wụ Osolobuẹ rị e kun Okẹn Ẹfan m, nị onwọnzini onyẹ Juda ọwụlẹ bi alị Ijiptu k'e kun ẹfan m — onwọnni onyẹ k'a sị, “Ma Osolobuẹ ihiẹn ile rị okpuru ẹ!”

Jerimaya 5:2

Ọsụọn'a wẹ kun ẹfan m, ntụ kẹ wẹ rịkwọ a tụ!”

Lẹvitikọsụ 19:12

“Ekunlẹni ẹfan m tụ ntụ, gi ẹ budan ẹfan mmẹ wụ Chuku ụnụ. Mmẹ wụ Osolobuẹ.

Maịka 2:7

Heuu, ikpụlọ Jekọpụ, ụnụ hụ e sị nị ndụn ndidin ara gụ Osolobuẹ, nị ẹlẹ Osolobuẹ ku ihiẹn ndịnị. Kanị, oku-ọnụ m hụ a rị ndị kụrụ ọtọ mma ẹhụ. Ẹlẹ ya?

Zẹfanaya 1:5

M k'e gbuchanrịn ndị ile a nọ elu ụlọ wẹ a rụa kokisẹ, ifọn lẹ ẹnyanwụn; ndị a kụnị Osolobuẹ isi alị e kun Osolobuẹ, e kunzikwọ mmọn wụ Molẹkị,

Zẹkaraya 5:3

Ya ọ nọ sị m, “Ọnwan wụ ọnụ-ẹsọn ichẹn-ichẹn hụn pụkọ d'e fegbarị alịnị: onyẹ zun ohin, ndị rị azụụn ohu a nọ isi ẹ bụn, gbupụ a; onyẹ kun ẹfan Osolobuẹ tụ ntụ ndị rị azụụn hụn-ẹbọ a nọ isi ẹ bụn, gbupụ a.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Ọgụngụn 24:7

“Mirin k'a gha ẹkpoko wẹ e hupụha, mirin akọkọ ụmụ wẹ. Eze wẹ k'a ka Agagị; alị-eze wẹ k'e nwọn ọghọ.

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Jọnụ 1:47

Ogẹn Jizọsị gi hụn Natanẹlụ k'ọ lala d'e kunrun ẹ, ọ nọ sị, “Ọnwan wụchanrịn onyẹ Izrẹlụ hụn nwọnlẹni ẹro!”

Jọnụ 4:24

Osolobuẹ wụ mmọn, ẹlẹ ịhịan; ndị k'e fen'ẹ k'e ferịrị a ofufe imẹ-mmọn lẹ nke ezioku.”

Ndị Rom 2:17

Kanị, ị sị nị ị wụ onyẹ Ju? Ị hụ e gi Iwu Mozizi e dọn ẹnya, e gi Osolobuẹ a nyan isi;

Ndị Rom 9:6

Ẹlẹni ihiẹn Osolobuẹ ku banyeni ndị Izrẹlụ aghazịnị. Mba. Makẹni, ẹlẹ ndị Izrẹlụ ile wụ ndị Izrẹlụ nke-esi.

Ndị Rom 9:8

Ọnwan ghọsị nị ẹlẹ ụmụ wẹ mụhụ ẹfọ wụ ụmụ Osolobuẹ, kanị, ụmụ gha nkwa Osolobuẹ kwe bịa, uwẹ kẹ wẹ a gụn nị wẹ wụ ụmụ nke-esi.

Ditrọnọmi 10:20

Tụ nị egun Osolobuẹ wụ Chuku ụnụ, e fe ẹ. Kwọnkẹnmẹn'ẹ, e kun ẹfan a sụọ.

Ditrọnọmi 33:28

Izrẹlụ e bi udọn lẹ ndọnkwa; Izrẹlụ, isi-mirin hụn Jekọpụ mụpụha, e bi alị ọka lẹ manya ọhụn jun, alị hụn igwere e ziẹnye igirigi.

Ditrọnọmi 5:28

Osolobuẹ a nụ kẹ ụnụ rị a gwa m'a, ọ nọ sị m, “A nụgụọ m ihiẹn ndịnị gwa ị. Ihiẹn ile wẹ ku hụghọ mma.

Ditrọnọmi 6:13

A tụ nị egun Osolobuẹ wụ Chuku ụnụ; e fe ni ịya sụọ; e kun ni ẹfan a sụọ.

Timoti Ibuzọ 4:2

ebe wẹ nọ e sọn nkuzi ndị-ntụ lẹ ndị ihunnaị obi ghalẹni e gbuzi mgbu makẹni a dagbugụọ w'a.

Rẹvẹleshọnụ 2:9

A marịngụọ m afụnfụn ụnụ rị a ta, marịnzịkwọ kẹ ụnụ mẹhan ogbẹnnyẹ (kanị m sị ụnụ nị ọdanfịn kẹ ụnụ wụ nke-esi). A marịnghọ m kẹ ndị ahụn kpọ enwẹn wẹ ndị Ju dọn rị e kuja oku ụnụ. Ẹlẹ ndị Ju kẹ wẹ wụ kanị ndị itu Ekwensụ!

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.