Azaya 47:8 - Ika

⁸ Gọn nwan ntịn, yụ wụ Babilọnụ, okpoho hụn e mẹsọnmẹ ihiẹn o gi a la ẹnya, ị hụ a danchanpụ makẹni ẹhụ fu i, a sị enwẹn i, ‘Mmẹ rọ, onyẹ ọzọ arịa. Di anwụnnahịnkọ m, ụmụ anwụnhịnkọ m.’

Azaya 47:8 ပူးပေါင်းရင်းမြစ်များ

Azaya 14:14

M k'a ghafedẹ orukpu-igwere; m k'a nọ kẹ Onyẹ Ahụn Kachanrịnnị.”

Azaya 32:11

Ikpoho ndịnị enwẹn wẹ jun ẹfọ, tụkwọ nị egun! Sọngbumẹkwọ nị enwẹn ụnụ, ụmụ nwọnlẹni ihiẹn e sọngbuni wẹ; yipụkwọ nị ẹwuru rị mma lẹ ihiẹn-mma ụnụ, ụnụ e jeri hụn wẹ gi a kwan ẹkwan, kwanma, makẹni okẹn nsọngbu rị!

Azaya 32:9

Ikpoho enwẹn wẹ jun ẹfọ, lihi ni, gọn m ntịn; nụkwọ nị ihiẹn m rị e ku, ụmụ nwọnlẹni ihiẹn e sọngbuni wẹ:

Azaya 45:18

Makẹni ọnwan kẹ Osolobuẹ ku — Osolobuẹ, onyẹ hụn ke igwere; ịya wụ Chuku hụn ke ụwa, mẹmẹ ẹ k'ọ rị. Ịya ke ẹ, ẹlẹ kẹni ọ gba okpokoro, kanị o ke ẹ nị wẹ bi imẹ ẹ. Ọ sị, “Mmẹ wụ Osolobuẹ, ọzọ arịa.

Azaya 45:5

Mmẹ sụọ wụ Osolobuẹ — Osolobuẹ ọzọ arịa. Chuku ọzọ arịa wezụka mmẹ. M k'e ye i ikẹn — ọsụọn'a nị y'a marịn m —

Azaya 45:6

kẹni ụwa ile marịn m, kẹ ndị rị ẹbamịn ọwụwa-ẹnyanwụn kẹ ndị rị ọdịdan-ẹnyanwụn; a marịn wẹ nị onyẹ ọzọ arịa wezụka m. Mmẹ sụọ wụ Osolobuẹ, ọzọ arịa.

Azaya 47:10

Y'e gigụọ eje-omumẹ i dọn ẹnya, a sị enwẹn i, ‘Onwọnni onyẹ a hụnnị m.’ Uche lẹ amamihiẹn i nwọn e dufiegụọ ị — ebe i nọ sị enwẹn i, ‘Mmẹ rọ, onyẹ ọzọ arịa.’

Jerimaya 49:31

Osolobuẹ sị a, “D'a lụsọn nị alị hụ agha; alị hụ ẹhụ fu nwọnlẹni nsọngbu, enwọn wẹ mgbọn; w'a ra kpọkin ọnụ-mgbọn; uwẹ sụọ bi.

Jerimaya 50:11

“Makẹni, elu hụ a sụọ ụnụ ụsụọ, ụnụ hụ a ghọghọ ụnụ hụn rị a kwanarịn ndị nke m ihiẹn wẹ. Makẹni ụnụ hụ a tụhunmẹ kẹ nwa-efin rị a zọkpọ ọka, e yi oro a zụnhunmẹ kẹ okẹn-ẹshin ndị kin akwanran.

Jerimaya 51:53

Ọsụọn'a nị Babilọnụ shi imẹ igwere, mẹdẹ ebẹhụ zegbu enwẹn ọ rị jẹncheni elu, m k'e zihẹn'ẹ ndị k'e tikpọn'a. Mmẹ wụ Osolobuẹ ku ẹ.

Izikẹlụ 16:49

“ ‘Lee njọ nwẹnẹ i okpoho wụ Sodọm mẹ: Ya lẹ mmụ a ikpoho a pache apache, e rikarị enwẹn wẹ, e bi kẹ sị nsọngbu arịa — kanị eyenini wẹ ndị igbẹnnyẹ lẹ ndị elu rị a fụ ẹka.

Izikẹlụ 28:2

“Nwa-ịhịan, gwa onyẹ rị a kị Taya, sị a: Lee ihiẹn Osolobuẹ Nwọn Ikẹn Ile ku: Makẹni ị rị a pache, a sị, ‘Mmọn kẹ m wụ; m rị ukpo mmọn etintin ohimin ebeni a kị,’ bụ ịhịan k'ị wụ, y'ẹlẹ mmọn, ọsụọn'a n'ị rị a sị enwẹn i n'ị wụ mmọn.

Izikẹlụ 30:9

“O ru ụhụọhịn ahụn, ndị m k'e zi k'e gi ụgbọ-mirin jẹn d'a gwa ndị alị Ẹtiopịa ya, egun a tụgbu wẹ ebahụn ẹhụ fu wẹ; o k'a fụgbu wẹ ụhụọhịn hụ eje-ihiẹn k'e kunrun Ijiptu, makẹni o k'e mẹrịrị.

Daniẹlụ 11:36

“Eze alị rị ẹbamịn-ugu k'e mẹ k'ọ sụọn'a. O k'a sị ya ka mmọn ile lẹ ihiẹn ile w'e fe, kujama oku Chuku hụn ka mmọn ile. Ihiẹn k'a rị a ghan'a d'e ru mgbe Osolobuẹ e gi ghọsịgụ ọnụma a hụn ọ rị e gi ẹ a ghọsị, makẹni ihiẹn Osolobuẹ kutọgụ sikọ d'e mẹrịrị.

Daniẹlụ 4:22

Eze-Agụ, ịyụ wụ osisi hụ! Y'e họnringụọ okẹn-ịhịan zeni — y'e mẹkẹnmẹkẹ okẹn-ịhịan nọkẹ kẹ okẹn osisi hụ dọn sụntụ igwere; ọkịkị ị a ghagbarịgụọ ụwa ile.

Daniẹlụ 4:27

Eze-Agụ, dodo weri nwan ọdụn m k'a dụn ị: mẹbehi njọ, mẹmẹ ezi-omumẹ; la ẹfọ-njọ tọ n'i mẹmẹni ndị rị e ri ụya ẹfọma. Ikẹnkwọ y'a ghasọnmẹ ihun.”

Daniẹlụ 4:30

ọ nọ sị, “E lee okẹn Babilọnụ m gi ikẹn m hi ogbe tụn wụ ọnwan?! Mmẹ tụn a n'ọ wụrụ isi-obodo eze lẹni m gi ẹ nwọn ọghọ eze!”

Daniẹlụ 4:4

Mmẹ wụ Nebukadineza rị obi-eze m e bi, ẹhụ hụ e fu m, m hụ a gha ihun.

Daniẹlụ 5:23

Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.

Daniẹlụ 5:30

Uhinhin ahụn daị kẹ wẹ gbu Bẹlụshaza eze ndị Babilọnụ.

Nahum 1:10

Ndị iṅẹnrẹn ẹ k'a nọ kẹ ogun kụtọnị, a danhunmẹ kẹ ndị manya rị a tụ; ọkụn sikọ d'e rẹnpụ wẹ nọkẹ ẹfịfịa ọkpọ-nkụn.

Nahum 3:4

Makẹni ịgbaraja wụ Ninivẹ mẹ eje-ihiẹn ọda-ọda ebe ọ rị a gba ịgbaraja, obodo magbu enwẹn ẹ mma, a la ẹnya, nnẹ ịgbaraja ile, hụn gwọnahịn wẹ ile ọgụn; obodo hụn gi ịgbaraja a e re alị ndị ọzọ, e gi ọgụn a e re ebọn ndị ọzọ.

Habakọkụ 1:7

Okẹn ihiẹn-egun kẹ wẹ wụ! Ihiẹn rị wẹ mma ẹnya kẹ w'e mẹ; onyẹ sụọnị wẹ kẹ w'a gbaye!

Zẹfanaya 2:15

Ọnwan wụ obodo Ninivẹ nwẹn te rị a ṅannị, hụn nwọnlẹni ihiẹn ọ tụ egun ẹ! Ninivẹ hụn e te sị enwẹn ẹ, “Mmẹ rọ! Onwọnni onyẹ han kẹ mmẹ!” Lee k'o gba nwan okpokoro! O họnringụọ nwan ebe anụ ọfịa e bi! Onyẹ pụha ebe Ninivẹ te rị, ọ ma ọsụọ, o be ọrịọ.

Ndị Tẹsalonika Nke Ẹbụọ 2:4

O k'e bunụmanị mmọn lẹ iyi ọwụlẹ lẹ ihiẹn ile w'e fe; o sikọ d'e weri enwẹn ẹ nị ịya ka wẹ ile; o sikọ d'e weridẹ ocho imẹ Ụlọ-nsọ Osolobuẹ kpọma enwẹn ẹ Osolobuẹ.

Ndị Han Eṅẹn 18:27

Ya wẹ nọ weri mmọn Maịka mẹmẹ lẹ ohẹn ẹ shi Laishi; wẹ nọ maye ndị Laishi, ndị ẹhụ fu rịlẹni a tụ ẹnya nsọngbu; e gi wẹ ọpịa-agha gbu wẹ, dụnpụ obodo wẹ ọkụn.

Ndị Han Eṅẹn 18:7

Ikẹnnyẹ isẹn ahụn nọ jẹnmẹ. A pụha wẹ alị Laishi, wẹ nọ hụn nị ẹhụ fu ndị rị ebẹhụ, wẹ bihụ kẹ ndị Sidọnụ: enwọn wẹ nsọngbu, onwọnni ihiẹn wẹ rị e ro. Onwọnni alị rị e ye wẹ mmakp'ẹhụ, ndị Sidọnụ ka wẹ nsue a rị rị ebe teni; onwọnzikwọnị alị wẹ lẹ wẹ rị e mẹgbama.