Azaya 47:6 - Ika

⁶ M te rị e busọn ndị nke m olulu; ya m nọ gi olulu hụ mẹrụdẹ ihiẹn m; e mẹ m wẹ ban ị ẹka, y'e mẹni ni wẹ omikẹn kaka — kẹ ndị ẹgẹdi rị imẹ wẹ k'i buye ibu nyịnnị.

Azaya 47:6 ပူးပေါင်းရင်းမြစ်များ

Samuẹlụ Nke Ẹbụọ 24:14

Defidi nọ sị Gadị, “Ezigbo nsọngbu kẹ m rị imẹ ẹ. Nị ẹnyi danban nwan ẹka Osolobuẹ, makẹni omikẹn ẹ e hikẹ ogbe; ka anịlẹ m danban ẹka ịhịan.”

Ihiẹn Mẹni Nke Ẹbụọ 10:11

Nẹdi m buye ụnụ okẹn ibu; m k'e buzidẹ ibu chen'ẹ. Nẹdi m gi mkpịnsịn mmaka sọn ụnụ; akpị kẹ mmẹ nwẹn k'e gi sọn ụnụ.’ ”

Ihiẹn Mẹni Nke Ẹbụọ 28:9

Kanị O nwọnghọ onyẹ-amụma Osolobuẹ rị imẹ Sameria ebẹhụ. Ẹfan a wụ Odẹdi; ọ nọ jẹnburu ndị-agha hụ kẹ wẹ kinla Sameria. Ọ sị wẹ, “Osolobuẹ hụn wụ Chuku ndị nẹdi ụnụ gi olulu ọ rị e buni ndị Juda we wẹ ye ụnụ mẹri. Kanị ụnụ e gigụọ olulu jọgbu enwẹn ẹ ẹnya Osolobuẹ gbu wẹ eje-ogbugbu.

Ihiẹn Mẹni Nke Ẹbụọ 36:17

Osolobuẹ nọ zihẹni wẹ Nebukadineza, eze ndị Kal'di, ndị alị Babilọnụ. Nebukadineza nọ gi ọpịa-agha gbu ikorọbịa wẹ imẹ Ụlọ-nsọ kẹti-kẹti. Ọ latọnị okorọbịa, ọ latọnị nwagbọọ; ọ latọnị okẹnnyẹ-ọba, ọ latọnị ẹgẹdi. Osolobuẹ buchanrịn wẹ ile che Nebukadineza ẹka.

Ihiẹn Mẹni Nke Ẹbụọ 36:20

Ọ nọ kpọnrin ndị ile họdụ imẹ Jerusalẹm, ndị hụn wanahịn ọpịa-agha, kpụn wẹ shi Babilọnụ, wẹ nọ femẹ ya lẹ ụmụ a d'e ru mgbe alị-eze Pẹshịa gi kịma.

Ẹzra 5:12

kanị, makẹni ndị nẹdi ẹnyi wẹ kanị kpasu Chuku elu-igwee iwe, ọ nọ we wẹ che ẹka Nebukadineza onyẹ Kal'di, eze Babilọnụ. Ọ nọ tikpọ ụlọ-nsọnị, kpụn ndị alịnị shi Babilọnụ.

Ẹbụ-ọma 69:26

makẹni wẹ rị e kpokpo ndị ị rị e ye afụnfụn; wẹ rị e gi ọnụ a kọchan ndị ị rụ ẹhụ!

Azaya 10:6

M zi ẹ d'e mẹshi alị rịlẹni e fe m ikẹn, m tumẹ ẹ d'e mẹ alị kpasu m iwe ihiẹn — ya d'a napụ wẹ ihiẹn wẹ, kwanarịn wẹ ya; zọgbu wẹ kẹ w'a zọgbu ẹjan rị ọkpụzọ.

Azaya 13:16

Wẹ k'a nọ idẹnya wẹ e gi ụmụ-ndu wẹ a fịan ọmụma, a fịangbu wẹ; wẹ k'e buru ihiẹn rịsọnmẹ iwe wẹ, kwọndọn inyẹnmẹ wẹ e mẹ mgba wẹ.”

Azaya 14:17

Onyẹ nwẹn mẹ ụwa gba okpokoro, tikpọsọnmẹ obodo ndị shịa ẹfọ rịn'a, jụ n'ọ hatukọ ndị ọ nwụn nị wẹ la?”

Azaya 14:6

hụn gi ọnụma dụtusọnmẹ ndị alị ichẹn-ichẹn, a dụsọnmẹ wẹ ịkpa, e gi olulu e bu alị ichẹn-ichẹn e che okpuru ẹ, a maye wẹ eje-ọmaye ghalẹni e bi.

Azaya 43:28

M jẹnkọ nwan d'a fa ndị okẹn ịhịan rị imẹ Ụlọ-nsọ ụnụ, m k'e gi Jekọpụ họnrin ihiẹn wẹ k'e tikpọ, ẹghẹẹ, e we m Izrẹlụ ye wẹ kpari.”

Jerimaya 50:42

Wẹ bu ụta lẹ obo; ẹfọ jọ wẹ, w'a ra mẹ omikẹn. Ụzụn wẹ nọ kẹ nke ohimin ẹbi rị a kpọ wẹ nyinlanị ẹshin wẹ; wẹ dọnye wẹ kẹ ndị shikọ ọgbọ-agha, wẹ lala d'a lụsọn yụ wụ Babilọnụ agha!

Ẹkwan 1:14

A kpagbamagụọ wẹ njọ m lẹ agbụn-ọrụn, yimẹ m'ẹ; ẹka Osolobuẹ kpagbama wẹ. Wẹ rị m nwan olu — Osolobuẹ a mịpụgụọ m umẹ. O bugụọ m che ẹka ndị ka m ẹka!

Ẹkwan 1:21

A nụgụọ wẹ udẹn m rị a sụn, kanị onwọnni onyẹ a hụhụnị m. Ndị-iṅẹnrẹn m ile a nụgụọ nsọngbu m rị imẹ ẹ; wẹ hụ e gi ihiẹn i mẹ m a ghọghọ. Mẹ ụhụọhịn ahụn i ku oku ẹ bịa kẹni wẹ nwẹn rị kẹ mmẹ.

Ẹkwan 2:2

Osolobuẹ emẹdẹni omikẹn, o tikpọchanrịn ebe ile ebọn Jekọpụ bi; o gigụọ ọnụma a tikpọchanrịn ebe ile w'a gbaban imẹ Nwagbọọ wụ Juda. O budangụọ alị-eze Juda lẹ ndị-isi rịn'a, bu wẹ che imẹ ifẹnrẹn.

Ẹkwan 4:16

Osolobuẹ e gigụọ ihiẹn-ẹka a chụyịya wẹ; ara lepụzị wẹ ẹnya. Ndị nchụn-ẹjan ara hụnzị onyẹ a gbayeni wẹ; onwọnzini onyẹ e lee ndị-ichẹn ẹnya ihun.

Ẹkwan 5:12

E kẹnmẹ wẹ ndị-isi ẹnyi ẹka gi ẹ kọnmẹ wẹ elu, gbe ifẹnrẹn ye ndị-ichẹn ihun.

Izikẹlụ 24:21

Sị ebọn Izrẹlụ, “Lee ihiẹn Osolobuẹ nwọn ihiẹn ile ku: M'e d'e mẹrụ Ụlọ-nsọ m — ikẹn ụnụ hụn ụnụ gi a nyan isi, hụn a sụọ ụnụ ụsụọ olegha, a sụọ ụnụ ụsụọ obi. Wẹ k'e gi ọpịa-agha gbupụ ụmụ ụnụ ikẹnnyẹ lẹ ikpoho họdụ imẹ Jerusalẹm.

Izikẹlụ 28:16

Afịa ị rị a zanị kẹ ẹka-ikẹn gi jun imẹ i, i nọ mẹ njọ. M nọ chụ ị ọchụchụ-ụya, chụpụ ị ugu Chuku. M nọ chụpụchanrịn ị, chẹrobu e che nche, chụpụ ị ebe ọmụma ndị ahụn rị e nwun ọkụn rị.

Obadaya 1:10

“Makẹ eje-ihiẹn ụnụ mẹ umunẹ ụnụ ndị Izrẹlụ, ebọn Jekọpụ, ụya k'e ri ụnụ ndị Ẹdọm; m k'e bepụ ụnụ, bepụchanrịn —

Obadaya 1:16

Kẹ ụnụ ndị alị m dọn ra afụnfụn kẹ manya elu Ugu-nsọ m, ẹrịra kẹ alị ndị ọzọ k'a dọnzi ra a, rasọnmẹ: wẹ k'a ra a, ọ tụgbu wẹ, nke wẹ a gụ — lekẹ sị arịtuni wẹ.

Zẹkaraya 1:12

“Ya mmọn ozi Osolobuẹ nọ sị, ‘Euu Osolobuẹ nwọn ikẹn ile, nanị y'e biehan d'e mẹ omikẹn Jerusalẹm lẹ obodo ndị ya lẹ wẹ rị imẹ Juda, ndịnị ị rị e buni olulu ọrọgbọ ahụa iri kwasị ọgụn-ẹtọnị?’

Zẹkaraya 1:15

kanị iwe alị ndị ọzọ ndịnị ẹhụ fu rị e we m, makẹni e gigụọ wẹ ẹkẹrẹ olulu m te rị e buni ndị nke m mẹ wẹ eje-ihiẹn.’

Matiu 7:2

K'i dọn han eṅẹn kẹ Osolobuẹ k'a dọn hann'ị. Ẹka i gi sọn ịhịan kẹ Osolobuẹ k'e gi sọn i.

Ditrọnọmi 28:50

alị nwọnlẹni ihiẹn wẹ e tu, ghalẹni a gbaye ẹgẹdi mọbụ e mẹ omikẹn nwata.

Jemisi 2:13

onyẹ ghalẹni e mẹ omikẹn, emẹkọnị w'a omikẹn wẹ gha e kin ẹ ikpe. Omikẹn e mẹri ikpe-ọmụma.