Azaya 47:5 - Ika

⁵ “Nọdị alị gba nkịtịn, shi imẹ ishi d'a nọdị; obodoni hụn wụ nwagbọọ ndị Babilọnụ, akpọkọzị wẹ i ‘okpoho hụn wụ eze alị-eze ichẹn-ichẹn.’

Azaya 47:5 ပူးပေါင်းရင်းမြစ်များ

Ẹbụ-ọma 31:17

Osolobuẹ, dodo anịkwọlẹ ifẹnrẹn mẹ m — ni ịyụ kẹ m rị a kpọku; ifẹnrẹn ya mẹ ndị-njọ; wẹ shi alị-mmọn d'a gba nkịtịn.

Ẹbụ-ọma 46:10

Ọ sị, “Kụsị nị! Gi n'ẹ dọn nị mmẹ wụ Chuku! Alị ile sikọ d'a gbaye m; Elu-ụwa ile k'a gbaye m!”

Azaya 13:10

Kokisẹ rị igwere lẹ ọkụdụ wẹ etikọ; anwụn rị a wanị k'a gba ishi, ifọn etikọ.

Azaya 14:23

“M k'e gi ẹ họnrin ebe anụ ọfịa e bi lẹ alị ịkpọtọ la iwi: m k'e gi ẹzịza-ntikpọ zahu ẹ,” ya kẹ Osolobuẹ ihiẹn ile rị okpuru ẹ ku.

Azaya 14:4

ụnụ jẹnkọ d'a rị a mụ eze Babilọnụ ẹmụ, a sị: Onyẹ nwẹn a kịgbu ịhịan, nke ẹ a gụgụọ! Ẹka-ikẹn ẹ hụ ile e bigụọ!

Azaya 21:9

Lee ẹ, okẹnnyẹ ohu gi ụgbọ-ẹshin lala — lẹ ẹshin ndị wẹ kwọngbama ẹbụọ-ẹbụọ dọnkpụkọn'a. Ihiẹn ọ shịarị m wụ, ‘Babilọnụ a dangụọ! Mmọn ile wẹ kpụ e gungwọnpụgụọ tọ alị!’ ”

Azaya 23:2

Kpumẹ ni nwan ọnụ, ụnụ ile bi alị mkpẹnrẹn-ohimin hụ hụn wụ ndị ịdanfịn tannị makẹni ndị-afịa alị Sidọnụ e fetu ohimin.

Azaya 47:1

Osolobuẹ sị, “Hidan n'ị nọdị akpakalị, Nwagbọọ wụ obodo Babilọnụ; nọdị akpakalị nị ukpo-eze arịzịa, ịyụ, nwagbọọ ndị Babilọnụ. Akpọkọzị wẹ i onyẹ-alụlụa mọbụ onyẹ w'a pụpọma.

Azaya 47:7

I te sị enwẹn i, ‘M k'a kị jẹnrin ejẹn — eze-okpoho itẹbitẹ kẹ m wụ!’ Bụ y'e rokpọnị ihiẹn ndịnị mọbụ rodẹ ihiẹn o k'e buhẹ.

Jerimaya 25:10

M k'e wepụ ịghọghọ lẹ anwịnrịn imẹ alị ndịnị — hụn wụnị anụkọzị wẹ olu ikẹnnyẹ lẹ ikpoho rị a gba-ẹkụkwọ ẹfọ rị a sụọ ụsụọ, anụkọzị wẹ ukwere ọlọ lẹ odo; ahụnkọzị wẹ ukpẹ rị e nwun iwe ịhịan kaka.

Jerimaya 8:14

Ndị alịnị k'a sị, “Kị ẹnyi nọdịzịnị nwan ebeni? Kokomẹ ni nị ẹnyi gbashi obodo ẹnyi ndị ẹnyi tụnhunmẹ mgbọn omẹni ọnwụn rọ, ẹnyi a nọ ebẹhụ nwụn — ebe o mẹni Osolobuẹ wụ Chuku ẹnyi a magụọ ẹnyi ikpe-ọnwụn, o yegụọ ẹnyi afụnfụn ra lekẹ mirin wẹ buche nshi, makẹni ẹnyi e mẹgụọ a njọ.

Ẹkwan 1:1

Euu, obodo nwẹn a gba okpokoro! Obodo nwẹn ịhịan te jun! Ledẹ k'ọ nọ kẹ okpoho di nwụnnahịn — obodo hụn te wụ okẹn obodo imẹ alị ichẹn-ichẹn! Obodo hụn te wụ eze-okpoho imẹ ẹgbẹrẹ rị ichẹn-ichẹn, e họnnringụọ nwan igbọn!

Ẹkwan 2:10

Ndị-ichẹn rị imẹ Nwagbọọ wụ obodo Zayọnụ gwọrị nwan alị, gbachanrịn nkịtịn; a bụọgụọ wẹ uzunzun ye isi, yirisọnmẹ ẹkwa-achọ nke ndị ihiẹn mẹ. Ịgbagba Jerusalẹm rị nwan e bu ihun a kọma alị.

Habakọkụ 2:20

Kanị Osolobuẹ nkẹ rị Ụlọ-NSỌ a: ụwa ile wẹ gba nwan nkịtịn ihun ẹ!!”

Zẹkaraya 2:13

Ịhịan ile, gba nị nkịtịn ihun Osolobuẹ, makẹni ọ ghagụọ Ụlọ a rị nsọ lihi d'a ghọsị ẹka a.

Judu 1:13

Wẹ nọhụ kẹ mirin ohimin rị e mẹhunmẹni, ihiẹn ifẹnrẹn wẹ hụ a gbọshi elu kẹ ụfọfọ; wẹ wụ kokisẹ ụzọ ohu ghalẹni e ru, ndị Osolobuẹ kwademẹni ishi ka ishi a gba hụn k'a rị jẹnrin ejẹn!

Rẹvẹleshọnụ 17:18

“Okpoho hụ ị hụn wụ obodo uku hụ a kịchanrịn ndị-nze rị ụwa.”

Rẹvẹleshọnụ 18:7

Ye ẹ afụnfụn lẹ ẹkwan han kẹ ọghọ o ye enwẹn ẹ lẹ obibi mmẹ-nwọn-enwẹn-m o bi. “Ebe o mẹni ọ sị enwẹn ẹ, ‘Mmẹ wụ eze; di anwụnnahịnnị m; ihiẹn-ẹkwan emẹkọ m!’

Samuẹlụ Nke Ibuzọ 2:9

O k'e chemẹ ndị-nsọ a ebe-lẹ-ebe wẹ jẹnkọ, kanị ndị-njọ jẹnkọ d'a nwụntọ imẹ ishi, nwụnyụn ẹnya. Ẹlẹ akwanran kẹ ịhịan gi e mẹri;