Azaya 47:14 - Ika

¹⁴ E Lee ẹ, wẹ nọ nwan kẹ irurue ọkpọ-nkụn; ọkụn k'a dụnpụ wẹ! Asakọdẹ wẹ ẹka zụọpụha enwẹn wẹ imẹ ọkụn. Ọnwan ẹlẹkwọ ikeke-ọkụn ịhịan gi a chụ oyi, ọnwan ẹlẹkwọ ọkụn w'a nyan.

Azaya 47:14 ပူးပေါင်းရင်းမြစ်များ

Ọpụpụ 5:12

Ya kẹ ndị Izrẹlụ nọ wahunmẹmẹ alị Ijiptu d'e huerisọnmẹ ukun ọka-witi wẹ be isi tọ anị gi họnrin ẹfịfịa ọkpọ-nkụn.

Azaya 10:17

Ukpẹ Izrẹlụ hụn wụ Osolobuẹ k'a wụrụ ọkụn; Onyẹ-nsọ wẹ hụn wụ Osolobuẹ k'a wụrụ ọkụn rị e nwunni; o k'e gi akpọhịn ohu dụnpụchanrịn kẹ ogun ẹ kẹ ọkịnkan a.

Azaya 30:14

ọ dangungwọnchanrịn kẹ ebe ite-ụrụa nọ kụkpọchanrịn, nke wụnị ahụnkọdẹ wẹ ibe ẹ ọwụlẹ hụn ru hụn wẹ e gidẹ bi ọkụn mọbụ hụn wẹ e gi kwọrị mirin.”

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Azaya 40:24

O ke kẹrẹni wẹ hụ kụn wẹ, o ke kẹrẹni wẹ hụ ghaye wẹ, o ke kẹrẹni wẹ hụ gba akwanran ọ fụ wẹ ufere, e shinwụn wẹ, okẹn ufere e bupụ wẹ lekẹ ẹfịfịa-ọkpọnkụn.

Azaya 41:2

Chuku sị, “Onyẹ kpọli onyẹ hụn gha ẹbamịn ọwụwa-ẹnyanwụn lala? Onyẹ kpọ a ọkpụkpọnị furuni d'a rụnn'a ọrụn? Ọ hụ e we ndị alị ichẹn-ichẹn e che ẹ ẹka e mẹri, e bu ndị-nze e che okpuru ẹ. Ya nwẹn hụ e gi ọpịa a e gbu wẹ a la iwi lekẹ uzunzun, e gi ụta e gbupụ wẹ kẹ ẹfịfịa-ọkpọnkụn ufere bukọ.

Azaya 44:16

Ẹghẹẹ, o gi azụụn ohu họnrin nkụn o gi ẹ shi ihiẹn-oriri, o gi ẹ hụnma anụ, ri, rijun ẹfọ. O gizi ẹ a nyan ọkụn, a sị, “Ẹhẹn, ẹhụ e kpọn m ọkụn! Ọkụnnị arịka mma.”

Azaya 5:24

Ufiri ẹ, kẹ ọkụn dọn e ripụ irurue-ọkpọnkụn lẹzi kẹ ẹfịfịa-ọkpọnkụn rị ọkụn dọn a nyụnlụa, ẹrịra kẹ mkpọgụn wẹ k'a dọn rehi, ufere e bupụ obobo wẹ nọkẹ ntụn; makẹni a jụgụọ wẹ Iwu Osolobuẹ, Onyẹ ahụn kachanrịnnị, legberi oku Osolobuẹ Onyẹ-nsọ Izrẹlụ.

Jerimaya 51:30

“O ru ogẹn ahụn, ndị odogun-agha Babilọnụ k'a lụbehi agha, aghakọ wẹ ebe w'a warị pụha. Ndụn k'a gụchanrịn wẹ; wẹ k'a nọ kẹ ikpoho. Ndị lalanị k'a mụ ọkụn ye ụlọ wẹ ile, tigipụ ihiẹn ile wẹ gi kpọkin ọnụ-mgbọn wẹ.

Jerimaya 51:32

E chekingụọ wẹ ebe ile w'a gha e fetu iyi, mụ ọkụn ye ẹfịfịa-mirin ile w'a hụarị imẹ ẹ, egun a tụgbu ndị agha Babilọnụ.

Jerimaya 51:58

“Osolobuẹ ihiẹn ile rị okpuru ẹ sị, ‘Wẹ k'a kụtuchanrịn mgbọn Babilọnụ hụ nwọngbu enwẹn ẹ ulu, dụn ọnụ-mgbọn ẹ ahụn jẹngbu enwẹn ẹ elu ọkụn; alị ile rị a rụngbuhụ enwẹn wẹ mmaka, alị ile rịhụ a rụntọnị ọkụn.’ ”

Izikẹlụ 15:7

“M k'e bunụmanị wẹ; ọsụọn'a nị a wanahịngụọ wẹ ọkụn, ọkụn jẹnkọ d'e bu wẹ ri — ogẹn hụ, ụnụ a marịn nị mmẹ wụ Osolobuẹ.

Juwẹlụ 2:5

Wẹ zụnla kẹ ụgbọ-ẹshin agha, fetula ugu ndịnị; a han kpata-kpata kẹ ẹfịfịa-ọkpọnkụn ọkụn rị a dụn, wẹ nọ kẹ okẹn igunrun agha jẹnkọ d'a lụma agha.

Obadaya 1:18

Ikpụlọ Jekọpụ jẹnkọ wụ ọkụn; ẹghẹẹ, Ikpụlọ Josẹfụ k'a wụ ọkụn rị enwunni, ikpụlọ Isọ wụ Ẹdọm a wụrụ ẹfịfịa ọkpọ-nkụn; wẹ k'a dụnpụ ụmụ Isọ, onwọnni onyẹ k'a họdụ ikpụlọ Isọ.” Osolobuẹ e kuọl'a.

Nahum 1:10

Ndị iṅẹnrẹn ẹ k'a nọ kẹ ogun kụtọnị, a danhunmẹ kẹ ndị manya rị a tụ; ọkụn sikọ d'e rẹnpụ wẹ nọkẹ ẹfịfịa ọkpọ-nkụn.

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Matiu 10:28

Atụlẹ ni egun ndị hụn sikọ d'a saẹka gbu ẹhụ bụ asa wẹ ẹka gbu umẹ-ndụn; ka tụ nị egun onyẹ hụ k'a saẹka tikpọ kẹ umẹ-ndụn kẹ ẹhụ imẹ ọkụn-mmọn.

Matiu 16:26

Elee erere k'ọ ban nị ịhịan e nwọnchanrịngụ ụwa ile, umẹ-ndụn a a nahịn a? Kị ịhịan sikọ d'e gi gbarị umẹ-ndụn a?

Rẹvẹleshọnụ 18:21

Ya mmọn-ozi ohu kin akwanran ọda-ọda nọ buru ọmụma han kẹ ọlọ, tụ a ye imẹ ohimin, sị, “Ẹnịna kẹ wẹ k'a dọn gi ikẹn fịan obodo uku hụ wụ Babilọnụ alị; ahụnkọzị w'a!