Azaya 47:13 - Ika

¹³ Okẹn ndụnmọdụn hụ ile nwọnlẹni isi wẹ ye ụnụ a gụgụọ ụnụ ndụn! Ndị gi kokisẹ a gbanị ụnụ ẹfa wẹ pụha nwan d'e yeni ụnụ ẹka — ndị ahụn e lee okokisẹ wẹ bumẹni ụnụ amụma ifọn-ifọn, wẹ zụọpụha nwan ụnụ imẹ eje-ihiẹn lalanị nị ụnụ!

Azaya 47:13 ပူးပေါင်းရင်းမြစ်များ

Azaya 44:25

Mmẹ haịn ndị-amụma ntụ gi e ku ọzọ, ọzọ e mẹ, e mẹ ndị a hụn-ụzọ a nọ kẹ ndị ẹwobi; mmẹ haịn o gi arụnahịn ndị marịn ihiẹn, ihiẹn wẹ marịn e họnrin ihiẹn nwọnlẹni isi.

Azaya 47:15

Ẹrịra kẹ ụnụ k'a dọn fa makẹ ndị ụnụ gi dọn ẹnya — ndị ahụn ụnụ lẹ wẹ gba a rụn, e mẹgbama oku ẹfa gha alị lala. Onyẹ-onyẹ imẹ wẹ k'a kpahu, kpashi ebe ọ kpakọ; onwọnni onyẹ k'a sa ẹka zụọpụha ụnụ.”

Azaya 47:9

Kanị ihiẹn ẹbụbụọ ahụn k'e kunrun i — imẹ njube-ẹnya ohu, akpọhịn ohu — ụmụ a nwụnnahịn ị, di a nwụnnahịn ị! Wẹ k'e rukpumẹ i ọhụnma-ọhụnma; kẹ y'a gwọlẹ ọgụn ru, kẹ y'e buhanlẹ nshi.

Azaya 57:10

Ijẹnni i rị e jẹn e te rọgụọ ị ẹhụ, kanị y'e kwerini sị, ‘Ihiẹn nwọnlẹni isi rọ.’ Ị hụ a hụn ihiẹn ị gi a kasị enwẹn i obi, ya haịn i gilẹni sọhị.

Azaya 8:19

Wẹ sị ụnụ d'e kunrun ndị a gba ẹfa lẹ ndị a ma ozun lẹ ndị wẹ lẹ ndị-mmọn gba e mẹkọ, ndị a ka nwịnrịn-nwịnrịn, o furuni nị ndị alị jẹn d'a jụ Chuku wẹ ọnụ? Kị wẹ rị a jụnị ndị nwụnnị oku ndị rị ndụn?

Jerimaya 51:58

“Osolobuẹ ihiẹn ile rị okpuru ẹ sị, ‘Wẹ k'a kụtuchanrịn mgbọn Babilọnụ hụ nwọngbu enwẹn ẹ ulu, dụn ọnụ-mgbọn ẹ ahụn jẹngbu enwẹn ẹ elu ọkụn; alị ile rị a rụngbuhụ enwẹn wẹ mmaka, alị ile rịhụ a rụntọnị ọkụn.’ ”

Jerimaya 51:64

I mẹgụ a, sị, ‘Ẹnịna kẹ Babilọnụ k'a dọn zụnban alị, ọ pụhakọzị, yeni otikpọ m jẹnkọ d'e tikpọ a. Ẹhụ jẹnkọ d'a rọ wẹ.’ ” Ebeni kẹ ihiẹn Jerimaya ku ru.

Izikẹlụ 24:12

“ ‘Kanị e mẹ wẹ elu, mẹ alị, onwọnni hụn ghanị; nchara ekweni pụ, ọkụn asadẹni ẹka wepụ a.

Daniẹlụ 5:30

Uhinhin ahụn daị kẹ wẹ gbu Bẹlụshaza eze ndị Babilọnụ.

Habakọkụ 2:13

Osolobuẹ ihiẹn ile rị okpuru ẹ ekugụọn'a, nị alị lụgbugụ enwẹn wẹ, ihiẹn wẹ rụn a la ọkụn? O kugụọn'a nị wẹ rụngbugụ enwẹn wẹ, ihiẹn wẹ rụn sikọ d'a la iwi?