Azaya 47:11 - Ika

¹¹ Eje-ihiẹn k'e kunrun i, y'a marịnkọ ọgụn y'e gi gwọpụ a; ọdakin k'e kunrun i, y'a sakọ ẹka gi ihiẹn ọwụlẹ gbarị isi i; okẹn eje-ihiẹn ị tụlẹni ẹnya a k'e kunrun i idẹnmizi.

Azaya 47:11 ပူးပေါင်းရင်းမြစ်များ

Nehemiah 4:11

Ndị iṅẹnrẹn ẹnyi hụ a sị, “Wẹ gini d'a marịndẹ ihiẹn rị e mẹni mọbụ hụn ẹnyi, ẹnyi a mayegụọ wẹ, gbu wẹ, kụsị ọrụn hụ.”

Ẹbụ-ọma 35:8

Ntikpọ ya kunrun wẹ idẹnmizi, ọnyan-ọga wẹ shitọ ya kụ wẹ nwụndọn wẹ; wẹ dan a, la iwi.

Ẹbụ-ọma 50:22

Rokwọ nị nwan ihiẹnni, ụnụ ndị rị a zọ Chuku, amamgbe m'a dọkịka ụnụ, ụnụ ahụnkọ onyẹ k'a zụọpụhanị ụnụ.

Ẹbụ-ọma 55:15

Wẹ nwụnchu! Wẹ li wẹ ebe wẹ rị ndụn! Makẹni eje-ihiẹn rị ụlọ wẹ lẹ imẹ igunrun wẹ.

Ẹbụ-ọma 73:19

Idẹnmizi, e tikpọ wẹ wẹ; idẹnmizi, ihiẹn egun e kpọnchanpụ wẹ, nke wẹ a gụ!

Itẹn 13:21

Eje-ihiẹn a chụsọn onyẹ njọ, kanị ihiẹn rị mma wụ ụgwọ-ọrụn onyẹ ezi-omumẹ.

Azaya 13:6

Kwanmanị ụya, makẹni Ụhụọhịn Osolobuẹ e d'e ru; o k'a bịa nọkẹ ntikpọ, ntikpọ Onyẹ hụ nwọn ikẹn ile.

Azaya 29:5

Kanị, ndị-iṅẹnrẹn i ahụn bu ọda k'a la iwi, a nọ wẹ kẹ uzunzun riẹnni; igunrun ndị iwe i hụ ghalẹni e mẹ omikẹn k'a nọ kẹ ẹfịfịa w'a fụpụ: Idẹnmizi, njube-ẹnya ohu,

Azaya 30:13

njọnị jẹnkọ d'e mẹ ụnụ kẹ mgbọn jẹn elu gbawanị hụn rị a ṅanpụnị, hụn e ziẹntu idẹnmizi, njụbe ẹnya ohu —

Azaya 37:36

Ya Mmọn ozi Osolobuẹ nọ jẹn ebe ndị-agha Asiria ziẹntọ, gbupụ ndị-agha nnụ-uku isẹn-kwasị-ọgụn-itenẹi (185,000). Eki e fọn, ndị alị a hụn ozun ndị hụ ile kẹ wẹ jun ụzọ ile!

Azaya 45:7

Mmẹ ke ukpẹ, kezikwọ ọhịhị; m'e ye ihiẹn rị mma, e yezikwọ nsọngbu; mmẹ wụ Osolobuẹ e mẹchanrịn wẹ ile.

Azaya 47:9

Kanị ihiẹn ẹbụbụọ ahụn k'e kunrun i — imẹ njube-ẹnya ohu, akpọhịn ohu — ụmụ a nwụnnahịn ị, di a nwụnnahịn ị! Wẹ k'e rukpumẹ i ọhụnma-ọhụnma; kẹ y'a gwọlẹ ọgụn ru, kẹ y'e buhanlẹ nshi.

Azaya 48:8

Y'a nụtuni ihiẹn, y'a ghọtatuni ihiẹn; onwọntuni ogẹn ntịn ị gi rị oghe. Amarịnghọ m kẹ i mẹhan onyẹ ghẹrẹ-ghẹrẹ-ghẹrẹ; onyẹ nnupụ-isi kẹ wẹ a kpọ ị kete wẹ mụlẹ i.

Azaya 57:1

Ndị ezi-omumẹ hụ a nwụn, onwọnni onyẹ e ron'ẹ; wẹ hụ e weri ndị gi obi wẹ ile e fe Osolobuẹ, onwọnni onyẹ a ghọtanị nị w'e weri ndị ezi-omumẹ makẹ eje-ihiẹn gha e kunrun wẹ;

Jerimaya 51:29

Elu ụwa jẹnkọ d'e mẹhunmẹ, a fịkọ, makẹni Osolobuẹ k'e mẹrịrị ihiẹn ọ mamanị Babilọnụ — ntikpọ hụ ọ sị o k'e tikpọ alị Babilọnụ, nkewụnị ịhịan ebikọzị a.

Jerimaya 51:43

Obodo ndị rịn'a k'a gba okpokoro, họnrinsọnmẹ alị ọkpọ-nkụn lẹ atụ; alị ịhịan bilẹni alị wẹ ghalẹni a gha.

Jerimaya 51:8

Kanị Babilọnụ jẹnkọ nwan d'a dan idẹnmizi, wahị. Goo n'ẹ! Wẹhẹ ni n'ẹ ọgụn; ikẹnkwọ ọ dịnhịn!

Ẹkwan 1:21

A nụgụọ wẹ udẹn m rị a sụn, kanị onwọnni onyẹ a hụhụnị m. Ndị-iṅẹnrẹn m ile a nụgụọ nsọngbu m rị imẹ ẹ; wẹ hụ e gi ihiẹn i mẹ m a ghọghọ. Mẹ ụhụọhịn ahụn i ku oku ẹ bịa kẹni wẹ nwẹn rị kẹ mmẹ.

Izikẹlụ 7:26

Ọdakin k'a gha a bịanị wẹ ọbịbịa-ọbịbịa; wẹ k'a nụsọnmẹ oku nsọngbu. Wẹ k'a chọ uche Osolobuẹ mmaka ẹka onyẹ-amụma; ndị nchụn-ẹjan asakọ ẹka kuzi Iwu Osolobuẹ; ndị-ichẹn asakọ ẹka dụn ọdụn.

Matiu 18:34

Di-nwọnn'ẹ nọ gi olulu w'ẹ ye wẹ nị w'e mẹshi ẹ ikẹn ụlọ-ngan d'e ru n'ọ kụchanrịn ụgwọ hụ ile o gi.

Luku 12:59

M rị a gwa ị ezioku, i k'a tọ ebahụn d'e ru nị y'a hanchanrịn ihiẹn ile wẹ be i d'e rudẹ ịkọbọ ka ntịn.”

Luku 17:27

Ịhịan ile hụ e ri, a ra, a lụ di lẹ nwunyẹ d'e ru ụhụọhịn ahụn Nụa banye imẹ ụgbọ-mirin ahụn pụ-ichẹn, okẹn mirin hụ nọ bịa, gbupụchanrịn wẹ ile.

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!

Rẹvẹleshọnụ 3:3

Nyanhan nwan ihiẹn wẹ kuzi i lẹ ihiẹn i nụ; mẹ ẹ, bihutọ ẹka. Omẹni y'e tẹnhinni, m k'a bịa d'e kunrun i idẹnmizi kẹ ohin, y'a marịnkọ ogẹn m'e gi banhan!