Azaya 47:10 - Ika

¹⁰ Y'e gigụọ eje-omumẹ i dọn ẹnya, a sị enwẹn i, ‘Onwọnni onyẹ a hụnnị m.’ Uche lẹ amamihiẹn i nwọn e dufiegụọ ị — ebe i nọ sị enwẹn i, ‘Mmẹ rọ, onyẹ ọzọ arịa.’

Azaya 47:10 ပူးပေါင်းရင်းမြစ်များ

Ẹbụ-ọma 10:11

Eje-ịhịan a sị enwẹn ẹ, “Ẹnya Chuku arịd'a, o bupụgụọ ihun — ara hụndẹ ihiẹn m rị e mẹ!”

Ẹbụ-ọma 52:7

“Lee dikẹn nwẹn jụ n'o gbọnkọnị Chuku, kama, o gi akụ-lẹ-ụba a dọn ẹnya, gi ẹ zekẹnmẹ e tikpọ ndị ọzọ!”

Ẹbụ-ọma 64:5

W'e kudẹ ndụn e ye ibe wẹ obi, e ku oku ọnyan wẹ k'e shini ịhịan; a sị, “Onyẹ rị a hụn ẹnyi?”

Ẹkịliziastisi 8:8

Onwọnni onyẹ a saẹka e gbọndọn ufere; onwọnni onyẹ a saẹka a wanahịn ụhụọhịn ọnwụn. Onwọnni onyẹ w'a hapụ ọnụ agha; ẹrịrazịkwọ, eje-ihiẹn azụọpụhakọ ndị e mẹn'ẹ.

Azaya 28:15

Ụnụ hụn a nyan isi, a sị, “Ẹnyi lẹ ọnwụn e kwerigbamagụọ n'o gbukọ ẹnyi, ẹnyi lẹ alị-mmọn e kwerigbamagụọ n'o nwọnni ihiẹn o k'e mẹ ẹnyi. Ogẹn okẹn nsọngbu hụ k'e gi bịa, o rukọ ẹnyi ẹhụ, makẹni ẹnyi a gbaburugụọ ntụ, makẹni ẹnyi a warịgụọ imẹ ihiẹn wụlẹni ezigbo ẹ.”

Azaya 29:15

Nsọngbu rị e che ndị a lịlịma wẹ nị wẹ zuemẹni Osolobuẹ ẹfọ, ndị hụn a nọ imẹ ishi e mẹ ihiẹn wẹ rị e mẹ, a sị, “Onyẹ k'a hụn ẹnyi? Onyẹ nwọn marịn?”

Azaya 44:20

Hụnyẹ rịhụ e ri ntụn! Uche ẹ hụn gbayịyagụnị e dufiegụọ a. Ọ sakọ ẹka zụọpụha enwẹn ẹ mọbụ sị enwẹn ẹ, “Ẹlẹ ihiẹn nwọnlẹni isi kẹ m kwọndọn ẹka-nni m ihiẹnni?”

Azaya 47:8

Gọn nwan ntịn, yụ wụ Babilọnụ, okpoho hụn e mẹsọnmẹ ihiẹn o gi a la ẹnya, ị hụ a danchanpụ makẹni ẹhụ fu i, a sị enwẹn i, ‘Mmẹ rọ, onyẹ ọzọ arịa. Di anwụnnahịnkọ m, ụmụ anwụnhịnkọ m.’

Azaya 5:21

Nsọngbu rị e che wẹ ile rị e ro nị a marịnka wẹ ihiẹn, nị e nwọnkẹ wẹ uche.

Azaya 59:4

Onwọnni onyẹ a chọ ezioku; onwọnni onyẹ e kinchanrịn ihiẹn mẹni. Ikpe wẹ rị e kin ghalẹni e ru alị kẹ wẹ gi e dọn ẹnya, a tụsọnmẹ ntụ; w'e rotọsọnmẹ eje-ihiẹn e mẹ.

Jerimaya 23:24

Nị ịhịan saẹka warị ebe zuerini amamgbe m'a hụn a? Ụnụ amarịn nị m rị ebe ile rị elu-igwee lẹ ụwa?

Jerimaya 9:23

Osolobuẹ sị, “Onyẹ marịn ihiẹn y'e gilẹ amamihiẹn ẹ nyan isi; dikẹn y'e gilẹ ikẹn o nwọn nyan isi; ọdanfịn y'e gilẹ efe ẹ nyan isi,

Izikẹlụ 8:12

Osolobuẹ nọ sị m, “Nwa-ịhịan, ị hụ a hụn ihiẹn ndị-ichẹn Izrẹlụ rị a rụn imẹ ishi? Ihiẹn onyẹ-onyẹ rị mmughẹ o setọsọnmẹ mmọn a rụn — a sị enwẹn wẹ, ‘Osolobuẹ arị a hụn ẹnyi. Osolobuẹ a gbakitọgụọ alịnị azụụn.’ ”

Izikẹlụ 9:9

Ọ nọ sị m, “Njọ ndị Izrẹlụ Ẹbamịn-ugu lẹ ndị Juda a karịgụọ ẹka ọda-ọda; ogbugbu-ogbugbu e jungụọ alịnị, eje-obibi e jun isi-alịnị wụ Jerusalẹm — makẹni wẹ rị a sị enwẹn wẹ, ‘Osolobuẹ a jụgụọ alịnị! Osolobuẹ arị a hụn ihiẹn rị e mẹni!’

Daniẹlụ 4:27

Eze-Agụ, dodo weri nwan ọdụn m k'a dụn ị: mẹbehi njọ, mẹmẹ ezi-omumẹ; la ẹfọ-njọ tọ n'i mẹmẹni ndị rị e ri ụya ẹfọma. Ikẹnkwọ y'a ghasọnmẹ ihun.”

Zẹfanaya 2:15

Ọnwan wụ obodo Ninivẹ nwẹn te rị a ṅannị, hụn nwọnlẹni ihiẹn ọ tụ egun ẹ! Ninivẹ hụn e te sị enwẹn ẹ, “Mmẹ rọ! Onwọnni onyẹ han kẹ mmẹ!” Lee k'o gba nwan okpokoro! O họnringụọ nwan ebe anụ ọfịa e bi! Onyẹ pụha ebe Ninivẹ te rị, ọ ma ọsụọ, o be ọrịọ.

Ndị Rom 1:22

Ebe wẹ rị a sị nị wẹ marịn ihiẹn, e họnrin wẹ ndị-nzuzu;

Ndị Kọrẹntị Ibuzọ 3:19

makẹni amamihiẹn ụwanị wụ nzuzu ẹnya Osolobuẹ. Ya haịn Ẹkụkwọ-nsọ gi sị, “Ọ nwụndọn ndị marịn ihiẹn lẹ ẹro wẹ.”