Azaya 47:1 - Ika

¹ Osolobuẹ sị, “Hidan n'ị nọdị akpakalị, Nwagbọọ wụ obodo Babilọnụ; nọdị akpakalị nị ukpo-eze arịzịa, ịyụ, nwagbọọ ndị Babilọnụ. Akpọkọzị wẹ i onyẹ-alụlụa mọbụ onyẹ w'a pụpọma.

Azaya 47:1 ပူးပေါင်းရင်းမြစ်များ

Jobu 2:13

Wẹ nọ sọn ẹ nọdị akpakalị ọrọgbọ akpọhịn ẹsa lẹ uhinhin ẹsa. Onwọnni onyẹ gwa a ihiẹn ọwụlẹ, makẹni a hụngụọ wẹ okẹn afụnfụn ọ rị imẹ ẹ.

Jobu 2:8

Ya Jobu nọ gwọrị imẹ ikpọn-ntụn nke onyẹ ihiẹn mẹ, gi mpekele ite a kọ ẹhụ a.

Ẹbụ-ọma 137:8

Ịyụ nwẹn wụ Babilọnụ, hụn wẹ k'e tikpọ! Ngọzi ya rịnị onyẹ jẹnkọ d'e mẹgwarị ị ihiẹn i mẹ ẹnyi.

Ẹbụ-ọma 18:27

Y'a zụọpụha ndị e welụa enwẹn wẹ alị, kanị y'e wetu ndị weshi enwẹn wẹ elu.

Ẹbụ-ọma 89:44

Y'e wepụgụọ ọghọ-eze ẹ o gi e gbuke, tụ ukpo-eze ẹ ye alị.

Azaya 13:1

Ihiẹnni kẹ Osolobuẹ ghọsị Azaya nwa Emọzụ banyeni Babilọnụ.

Azaya 13:13

M sikọ nwan d'e mẹhunmẹ elu-igwere, ụwa nkẹ e zinzinru alị yeni ọnụma Osolobuẹ ihiẹn ile rị okpuru ẹ, ụhụọhịn ahụn olulu ẹ k'a dụn kẹ ọkụn.

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 21:1

Ọnwan wụ ihiẹn Chuku ku banyeni Alị ọkpọ-nkụn ahụn nọkunmẹ Ohimin: Kẹ okẹn ufere dọn a gha ẹbamịn ndịdan-mirin wụ Nẹgẹvụ a fehẹ, ẹrịra kẹ wẹ gha nwan alị-ọkpọnkụn lala d'a maye i, Babilọnụ; wẹ gha eje-alị w'a tụ egun ẹ lala.

Azaya 23:12

Ọ sị, “Ẹhụ atụkọzị ị nwan, nwagbọọ wụ alị Sidọnụ, hụn wẹ rị nwan a bịangbu! Lihi, n'i fetu shi Saịprọsụ — kanị ẹhụ efukọzịkwọ ị ebahụn.”

Azaya 26:5

O wetu ndị nọdị ebe jẹn elu alị, o bu obodo nwọn okẹn-ọghọ a gbama alị, ọ kụkpọchanrịn a ru alị; ọ tụ a ye imẹ ẹjan.

Azaya 3:26

Obodo Zayọnụ k'a gha a kwan, a kwan ụya; o k'a gwọrị alị lekẹ okpoho di lẹ ụmụ nwụnnahịn.

Azaya 37:22

Ọnwan wụ ihiẹn mmẹ wụ Osolobuẹ ku banyen'ẹ: Eze Asiria, Nwagbọọ wụ Zayọnụ rị a mụ ị ẹmụ, e legberi i; nwa-okpoho wụ Jerusalẹm e rugbudẹ i imi ebe ị gbapụkọ.

Azaya 52:2

Jerusalẹm, zinzinpụ ẹjan rị ị ẹhụ. Lihi ọtọ, n'ị nọdị elu ukpo-eze. Zayọnụ hụn rị ẹgbụn, tọpụ ẹgbụn ahụn rị ị olu!

Jerimaya 13:18

“Osolobuẹ sị m, Sị eze rị a kịnị lẹ nnẹ ẹ, ‘Hidan nị ukpo-eze ụnụ, makẹni okpu-eze ụnụ ma mma jẹnkọ d'a gha ụnụ isi danpụ.’

Jerimaya 46:11

Ọ sụọkwọ ị jẹnmẹ Gilẹdị d'a chọrị ọgụn, ịyụ Ijiptu hụn kelẹni hụn ihiẹn, y'a dịnhịnkọ.

Jerimaya 48:18

“Ụnụ enwọnkọzị ọghọ hụ ụnụ te nwọn, shi ni akpak'alị d'a nọdị, ụnụ ndị bi Dibọnụ rị Mụabụ — makẹni onyẹ hụn k'e tikpọ Mụabụ k'e ru azụụn nke ụnụ imẹ Mụabụ. O jẹnkọ d'e tikpọchanrịn ebe ile ụnụ a gbaban.

Jerimaya 50:1

Ọnwan wụ ihiẹn Osolobuẹ gwa Jerimaya onyẹ-amụma banyeni Babilọnụ isi-alị ndị Kal'di lẹzi banyeni alị ndị Kal'di ile.

Jerimaya 50:42

Wẹ bu ụta lẹ obo; ẹfọ jọ wẹ, w'a ra mẹ omikẹn. Ụzụn wẹ nọ kẹ nke ohimin ẹbi rị a kpọ wẹ nyinlanị ẹshin wẹ; wẹ dọnye wẹ kẹ ndị shikọ ọgbọ-agha, wẹ lala d'a lụsọn yụ wụ Babilọnụ agha!

Jerimaya 51:1

Osolobuẹ sị, “Lee ẹ, m zila ufere e tikpọnị d'e tikpọ alị Babilọnụ, n'o tikpọ ndị bi alị ndị iṅẹnrẹn m hụ.

Jerimaya 51:33

“Makẹni Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Nwagbọọ wụ Babilọnụ jẹnkọ d'a nọ kẹ alị wẹ nọ a kụkpọ ọka, hụn wẹ rị a kwademẹ; ọ họdụ ẹkẹrẹ, e betu wẹ ọka kụkpọ.’

Jerimaya 51:51

“ ‘Ifẹnrẹn e mẹgbu ẹnyi ndị Izrẹlụ makẹni a mụgbugụọ wẹ ẹnyi ẹmụ; ụya e rigụọ ẹnyi, makẹni itumunyẹ a banyegụọ ebe rị nsọ rịsọnmẹ imẹ Ụlọ Osolobuẹ.’

Ẹkwan 2:10

Ndị-ichẹn rị imẹ Nwagbọọ wụ obodo Zayọnụ gwọrị nwan alị, gbachanrịn nkịtịn; a bụọgụọ wẹ uzunzun ye isi, yirisọnmẹ ẹkwa-achọ nke ndị ihiẹn mẹ. Ịgbagba Jerusalẹm rị nwan e bu ihun a kọma alị.

Ẹkwan 2:21

Kẹ ụmụ-ẹka kẹ ndị ẹgẹdi e fiẹnrinsọnmẹ imẹ uzunzun rị ụzọ; kẹ ikorọbịa m kẹ ịgbagba m, e gigụọ wẹ ọpịa-agha gbu wẹ. Y'e gbugụọ wẹ ụhụọhịn ahụn ị ghọsị olulu i; y'a jagbu wẹ — y'e mẹni omikẹn.

Ẹkwan 4:5

Ndị te e ri ezigbo ihiẹn-oriri rị nwan ogbe a rịọ ụrịọ. Ndị te e yi ezigbo ẹkwa ṅanrannị, dinẹ nwan ikpọn-ntụn.

Izikẹlụ 26:16

Ogẹn ahụn, ndị-nze alị ile rị ohimin a gha ukpo wẹ hidan, gbụ ẹkwa-nze wẹ lẹ ẹwuru rị mma wẹ ye ụsụọ, egun a wụrụ ẹkwa wẹ, akpakalị e họnrin ukpo wẹ, a mama wẹ piripiri, ihiẹn hụn mẹn'i a gụ wẹ ndụn.

Izikẹlụ 28:17

Ị hụ a pache makẹni i ma mma-ẹhụ, ị nọ wiwi amamihiẹn i ebe ị rị e mẹ oku ọghọ ị. Ya m nọ tụ ị ye alị; bu i tọ kẹni ndị-nze a gba ị ile.

Jona 3:6

Makẹni, ogẹn eze Ninivẹ gi nụ ihiẹnni, ọ gha ukpo-eze ẹ lihi ọtọ, yipụ ẹwuru-nze, yiri ẹkwa-achọ, dịnọ ikpọn ntụn.

Hagaị 2:22

M k'e wepụ ndị-nze alị-eze ichẹn-ichẹn ukpo, e tikpọ m ihiẹn ile alị-eze ichẹn-ichẹn gi a kpa ikẹn; m k'e titu ụgbọ-anyịnyan lẹ ndị rị a nyannị wẹ; ẹshin lẹ ndị rị e nyinni wẹ k'a dan, makẹni ndị rị e nyinni wẹ k'e gi ọpịa-agha gbu ibe wẹ.

Zẹkaraya 2:7

Lihi ni! Gbashi ni Jerusalẹm, ụnụ ndị bi nwan obodo Babilọnụ.

Rẹvẹleshọnụ 18:7

Ye ẹ afụnfụn lẹ ẹkwan han kẹ ọghọ o ye enwẹn ẹ lẹ obibi mmẹ-nwọn-enwẹn-m o bi. “Ebe o mẹni ọ sị enwẹn ẹ, ‘Mmẹ wụ eze; di anwụnnahịnnị m; ihiẹn-ẹkwan emẹkọ m!’