Azaya 45:6 - Ika

⁶ kẹni ụwa ile marịn m, kẹ ndị rị ẹbamịn ọwụwa-ẹnyanwụn kẹ ndị rị ọdịdan-ẹnyanwụn; a marịn wẹ nị onyẹ ọzọ arịa wezụka m. Mmẹ sụọ wụ Osolobuẹ, ọzọ arịa.

Azaya 45:6 ပူးပေါင်းရင်းမြစ်များ

Ẹbụ-ọma 46:10

Ọ sị, “Kụsị nị! Gi n'ẹ dọn nị mmẹ wụ Chuku! Alị ile sikọ d'a gbaye m; Elu-ụwa ile k'a gbaye m!”

Ẹbụ-ọma 83:18

Mẹ wẹ marịn nị ịyụ sụọ, hụn ẹfan a wụ Osolobuẹ, wụ Onyẹ hụn Kachanrịnnị imẹ ụwa ile.

Azaya 11:9

Ịrụ-ẹhụ lẹ ntikpọ arịkọzị elu ugu nsọ m ile — makẹni ịmarịn-Osolobuẹ k'e jun elu-ụwa ile kẹ mirin dọn jun ohimin.

Azaya 37:20

Osolobuẹ wụ Chuku ẹnyi, dodo zụọpụha nwan ẹnyi ẹka a — kẹni alị-eze ile rị elu-ụwa gi ẹ marịn nị ịyụ sụọ wụ Chuku nke esi, ịyụ hụn wụ Osolobuẹ.

Azaya 43:10

Osolobuẹ sị, “Ụnụ wụ ọshẹri m, odibo m hụn m họrị n'ọ marịn m, kweri oku m, ghọtazịkwọ nị mmẹ rọ. Onwọnni mmọn buni m ụzọ, onwọnzikwọnị hụn k'a nọkin ẹnya m.

Azaya 44:6

Lee ihiẹn Osolobuẹ ku — Eze Izrẹlụ, Onyẹ-mgbapụha Izrẹlụ, Onyẹ ihiẹn ile rị okpuru ẹ, ọ sị: “Mmẹ wụ Ibuzọ, mmẹ wụ Ikpanzụụn. Chuku arịa — wezụka m.

Azaya 45:5

Mmẹ sụọ wụ Osolobuẹ — Osolobuẹ ọzọ arịa. Chuku ọzọ arịa wezụka mmẹ. M k'e ye i ikẹn — ọsụọn'a nị y'a marịn m —

Azaya 47:8

Gọn nwan ntịn, yụ wụ Babilọnụ, okpoho hụn e mẹsọnmẹ ihiẹn o gi a la ẹnya, ị hụ a danchanpụ makẹni ẹhụ fu i, a sị enwẹn i, ‘Mmẹ rọ, onyẹ ọzọ arịa. Di anwụnnahịnkọ m, ụmụ anwụnhịnkọ m.’

Azaya 49:26

M k'e mẹ ndị rị e mẹjan'ị ri uru ẹhụ wẹ lẹ enwẹn wẹ; wẹ k'a ra ẹdeke enwẹn wẹ, ọ tụ wẹ kẹ manya. Ogẹn ahụn, ịhịan ile rị ụwa k'a marịn nị mmẹ hụn wụ Osolobuẹ wụ Onyẹ-nzụọpụha ị, Onyẹ-mgbapụha ị, Dikẹn ebọn Jekọpụ.”

Azaya 59:19

Ịhịan ile a gbaye Osolobuẹ — kẹ ndị rị ẹbamịn ọdịdan-ẹnyanwụn ịhịan ile e ye ẹ ọghọ — kẹ ndị rị ẹbamịn ọwụwa-ẹnyanwụn, makẹni Osolobuẹ k'a bịa nọkẹ okẹn iyi rị e huni, okẹn iyi hụn ufere Osolobuẹ buhẹ.

Izikẹlụ 38:23

M k'a ghọsị ikẹn m hi ogbe, ghọsị nị m rị nsọ, ghọsị onyẹ m wụ idẹnya alị bu ọda. Ogẹn ahụn, a marịn wẹ nị mmẹ wụ Osolobuẹ.’

Izikẹlụ 39:21

“M k'a ghọsị ọghọ m imẹ alị ndị ọzọ; alị ile k'a hụn afụnfụn m ye wẹ lẹ ihiẹn ẹka m mẹ wẹ.

Juwẹlụ 2:27

Ogẹn ahụn kẹ ụnụ e gi marịn nị m rị imẹ Izrẹlụ lẹni mmẹ Osolobuẹ sụọ wụ Chuku ụnụ — onyẹ ọzọ arịa. Onwọnzini ogẹn ụya e gi ri ndị nke m.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.