Azaya 45:3 - Ika

³ M k'e ye i akụ-lẹ-ụba rịdẹ imẹ ishi, akụ-lẹ-ụba rịsọnmẹ ebe zuerini, y'e gi ẹ marịn nị mmẹ wụ Osolobuẹ, Chuku ndị Izrẹlụ, onyẹ hụn kpọ ị ẹfan tumẹ i.

Azaya 45:3 ပူးပေါင်းရင်းမြစ်များ

Ihiẹn Mẹni Nke Ẹbụọ 6:17

Euu, Osolobuẹ, Chuku Izrẹlụ, nị nwan oku-ọnụ ị hụn ị gi kwe odibo i wụ Defidi nkwa mẹzu.

Ẹzra 1:2

“Ọnwan wụ ihiẹn Saịrọsị eze Pẹshịa ku: Ọ sị, ‘Osolobuẹ, Chuku rị elu-igwee, e yegụọ m alị-eze ile rị ụwa; o tumẹgụọ m nị m tụnn'a Ụlọ-nsọ imẹ Jerusalẹm hụn rị Juda.

Ọpụpụ 33:12

Mozizi nọ sị Osolobuẹ, “O teghọtan ị gwama m, ‘Duru ndịnị,’ bụ y'e ke gwa m onyẹ ị hanyeni m. Y'e kugụọ, sị, ‘Ẹfan ị rị m obi, ihiẹn i sụọ m.’

Ọpụpụ 33:17

Osolobuẹ nọ sị Mozizi, “M k'e mẹ ihiẹn ahụn ị rịọkwasị m, makẹni ihiẹn i sụọ m lẹni ẹfan ị rị m obi.”

Azaya 41:23

Gwa nị ẹnyi nwan ihiẹn jẹnkọ d'e mẹ ihun kẹni ẹnyi marịn nị ụnụ wụ mmọn nke-esi. Mẹ ni nwan ihiẹn ọwụlẹ k'a tụ ẹnyi ẹnya — ọsụọn'a mma, ọsụọn'a njọ — kẹni ndụn gụ ẹnyi, kẹni egun tụ ẹnyi.

Azaya 43:1

Ka lee nwan ihiẹn Osolobuẹ ku — Osolobuẹ hụn ke ịyụ wụ Jekọpụ, Osolobuẹ hụn kpụ ịyụ wụ Izrẹlụ: “Atụlẹ egun, a gbarịgụọ m'ị; a kpọgụọ m'ị ẹfan, họrị ị; nke m kẹ ị wụ.

Azaya 48:15

Mmẹ ku ẹ, mmẹ lẹ enwẹn m; ẹghẹẹ, a kpọgụọ m'a; m k'e wẹhẹ ẹ; ọrụn a k'a gha.

Azaya 49:1

Gọn ni m ntịn, alị ndị teni rị ohimin; nụ nị ihiẹnni, alị ile teni: M rị imẹ ẹfọ kẹ Osolobuẹ kpọ m; m rị ẹfọ nnẹ m k'ọ kpọma ẹfan m.

Jerimaya 41:8

Kanị, madụ iri imẹ wẹ nọ sị Ishmẹlụ, “Egbulẹ ẹnyi, dodo! Ẹnyi e nwọnghọ ọka-witi lẹ ọka-bali lẹ ofugbọn-olivu lẹ mirin-ẹnwụn ẹnyi zuemẹ ọfịa kẹ ẹnyi lala.” Ya ọ nọ la wẹ tọ; o gbuzini wẹ cheni ibe wẹ.

Jerimaya 50:26

Gha nị alị hụ teni bịa d'a maye ẹ ọgụn. Gbukpọchanrịn nị ebe wẹ e dọnmẹ ihiẹn w'e ri; kpọnkikomẹ ni Babilọnụ kẹ ikpọn-ọka! Tikpọchanrịn n'a! Egbuhọdụkwọlẹ ni onyẹ ọwụlẹ!

Jerimaya 50:37

“Ọpịa-agha ya bunụmanị ẹshin lẹ ụgbọ-ẹshin Babilọnụ; ya d'e gbu itumunyẹ ile rị ndị-agha a! Obi k'e dẹnhin wẹ kẹ ikpoho. Ọpịa-agha ya weri akụ-lẹ-ụba Babilọnụ! Wẹ sikọ d'e kpọnrin wẹ ile.

Jerimaya 51:13

Ịyụ wụ Babilọnụ, hụn rị ebe iyi bu ọda rị; hụn nwọn akụ-lẹ-ụba ọda-ọda, ogẹn i a gụgụọ; ogẹn w'e gi tikpọ ị e rugụọ.

Jerimaya 51:53

Ọsụọn'a nị Babilọnụ shi imẹ igwere, mẹdẹ ebẹhụ zegbu enwẹn ọ rị jẹncheni elu, m k'e zihẹn'ẹ ndị k'e tikpọn'a. Mmẹ wụ Osolobuẹ ku ẹ.