Azaya 45:14 - Ika

¹⁴ “Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 45:14 ပူးပေါင်းရင်းမြစ်များ

Jẹnẹsisi 27:29

Ndị alị ichẹn-ichẹn wẹ wụrụ idibo i, alị ichẹn-ichẹn wẹ kụn'ị isi alị; umunẹ i wẹ rị okpuru i — ẹghẹẹ, ụmụ ile nnẹ i mụ wẹ kụn'ị isi alị. Ọbụbụ-ọnụ ya rịnị onyẹ ọwụlẹ hụn k'a bụ ị ọnụ; ngọzi ya rịnị onyẹ ọwụlẹ hụn k'a gọzin'i.”

Samuẹlụ Nke Ẹbụọ 21:20

Imẹ agha ọzọ, hụn wẹ nọ Gatị lụ, o nwọn okẹnnyẹ ohu pụ ẹka, hụn nwọn mkpịnsịn-ẹka isin-isin lẹ mkpịnsịn-ụkụ isin-isin — ya wụ, mkpịnsịn ụkụ lẹ mkpịnsịn-ẹka a ile rị ẹnọ-kwasị-ọgụn. Agbọ adụn-aran ahụn wụ Rafa k'ọ wụzị.

Ẹsta 8:17

Imẹ Ẹgbẹrẹ ọwụlẹ lẹ obodo ọwụlẹ, ebe ọwụlẹ iwu eze ru, ndị Ju rịn'a hụ a ghọghọ, ẹfọ hụ a sụọ wẹ ụsụọ, wẹ hụ e ri oriri, e mẹ mmẹmmẹ. Ndị bu ọda wụ ndị alị ọzọ nọ họnrin ndị Ju, makẹni egun ndị Ju rị a tụ wẹ.

Jobu 1:15

ndị Sabia nọ zụnbanhan, kpọnrin wẹ, gi ọpịa gbu idibo i — mmẹ sụọ wanahịn d'a gwa ị.”

Jobu 11:19

I k'e dinẹ alị, onwọnni onyẹ k'e rọn i egun, ndị bu ọda k'a rị a rịọ ị ihiẹn.

Ẹbụ-ọma 149:6

Wẹ bu ẹbụ wẹ gi a ja Osolobuẹ mma che ọnụ, bu ọpịa-agha ọnụ-ẹbụọ che ẹka;

Ẹbụ-ọma 149:8

kpọma ndị-nze wẹ ẹgan, kpọma ndị-isi wẹ ẹgan-igwe,

Ọpụpụ 11:8

Ịhaịmẹ i ndịnị ile jẹnkọ d'a bịa d'e kunrun mmẹ wụ Mozizi, gbu osekpu, sị ‘Jẹnmẹ nwan, ịyụ lẹ ndị sọnkọn'ị.’ O mẹgụ ẹrịra, a pụ m nwan alịnị.” Ya kẹ Mozizi nọ gi okẹn olulu pụ ebẹhụ eze wụ Fẹro rị.

Azaya 10:33

Lee ẹ, Onyẹ-nwọnni-ẹnyi, Osolobuẹ ihiẹn ile rị okpuru ẹ, k'e gi okẹn ikẹn kwapụ ndị ile wụ okẹn agalaba; o k'e gbutu ndị wụ okẹn-osisi, o wetu ndị wụ osisi-ka-osisi alị.

Azaya 18:1

Nsọngbu k'a rịnị ị, alị ahụn wẹ gi nku rị e feni a zụn ụzụn marịn, hụn rị isi Iyi Naịlị imẹ alị Ẹtiopịa,

Azaya 18:7

O ru ogẹn ahụn, ndị ahụn e wẹhẹmẹni Osolobuẹ ihiẹn ile rị okpuru ẹ ihiẹn, ndị hụ sue usue, nwọnkẹlẹni ẹṅẹnrẹn ẹhụ; ndị ahụn w'a tụ egun wẹ — kẹ ẹhụ-nsue kẹ ebe teni; ndị zegbu enwẹn wẹ hụn a zọgbusọnmẹ ndị ọzọ; ndị hụn iyi kebesọnmẹ alị wẹ. Ugu Zayọnụ, ebẹhụ ẹfan Osolobuẹ ihiẹn ile rị okpuru ẹ rị kẹ wẹ k'e wẹhẹ oyiye ndị hụ.

Azaya 19:21

Ẹrịra kẹ Osolobuẹ k'a dọn mẹ ndị Ijiptu marịn a ọhụnma; ogẹn ahụn ndị Ijiptu k'e kweri nị ịya wụ Osolobuẹ nke-esi. Wẹ k'e gi ẹjan ichẹn-ichẹn lẹ oyiye ọka fe ẹ; wẹ k'a gha e kwe Osolobuẹ nkwa, e mẹzu wẹ.

Azaya 19:22

Osolobuẹ k'a tụ Ijiptu eje-emu e gbuni; o k'a tụ wẹ ya, zụọ wẹ — makẹni, ọ tụgụ wẹ ya, wẹ k'e buruhẹ Osolobuẹ, ọ za wẹ, zụọ wẹ.

Azaya 23:18

Kanị, erere-afịa a lẹ ụgwọ-ọrụn a ile k'a wụrụ ihiẹn wẹ gi kwachanrịnnị Osolobuẹ; edọnmẹkọ w'a — kama o k'a wụrụ nke ndị e bi ihun Osolobuẹ, e gi wẹ ẹ e rijun ẹfọ, e yi ẹkwa rị mma.

Azaya 43:3

makẹni mmẹ wụ Osolobuẹ, hụn wụ Chuku ụnụ, Onyẹ-nsọ Izrẹlụ, Onyẹ Azụọpụhanị ụnụ; mmẹ gi Ijiptu gbarị isi ụnụ, gizikwọ Ẹtiopịa lẹ Sẹba gbarị ụnụ.

Azaya 44:8

Amalẹ ni piripiri, ndị nke m; atụlẹ ni egun. Agwatọgụọnị m ụnụ kete-kete nị ihiẹn ndịnị jẹnkọ d'e mẹ? Ụnụ wụ ọshẹri m! Gwa nị m nwan kẹ o nwọn Chuku rịnị wezụka m! Mba! Ọmụma ọzọ arịa — amarịn m ọzọ!”

Azaya 45:24

Wẹ k'a gha a sị, ‘Osolobuẹ sụọ e mẹ ihiẹn furuni, ikẹn wụzịkwọ nke ẹ.’ Wẹ ile hụn bun'ẹ olulu k'a bịa d'a rịọ a, ifẹnrẹn e mẹgbu wẹ.

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Azaya 54:3

makẹni, i jẹnkọ d'a bashi ẹka-nni, bashi ẹka-ekpẹn; ụmụ ị k'e mẹrisọnmẹ ndị alị ọzọ weri obodo ndị wẹ gbatọsọnmẹ biri.

Azaya 55:5

Eziẹ, ị k'a kpọ alị ndị ị marịnlẹni oku, alị ndị marịnlẹn'i a gbahadẹ d'a za ị, makẹ ufiri Osolobuẹ, Chuku i — Onyẹ-nsọ Izrẹlụ, makẹni o yeọlẹ i ọghọ ọda-ọda.

Azaya 60:3

Ndị alị ichẹn-ichẹn k'a bịa d'e kunrun ụnụ yeni ukpẹ ụnụ; ndị-nze k'a bịa d'e kunrun ụnụ makẹni eki e fọnpụgụọnị ụnụ.

Azaya 61:9

Wẹ k'a nụ ẹfan ẹbozo wẹ imẹ alị ndị ọzọ; ẹfan ụmụ wẹ k'a kpọgbarị imẹ alị ichẹn-ichẹn. Ndị ile hụnnị wẹ k'a marịn nị wẹ wụ ndị Osolobuẹ gọzi.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Izikẹlụ 23:42

“Igunrun ẹfọ rị a sụọ ụsụọ e jun imẹ ẹ, a zụn ụzụn, igunrun ikẹnnyẹ lẹ ndị manya wẹ gha atụ kpọnhẹn; ikẹnnyẹ ndịnị nọ yimẹ wẹ ihiẹn-ẹka, e kpumẹ wẹ wẹ okpu ma mma.

Izikẹlụ 31:3

Ka nyanhankwọ Asiria, hụn te wụ okẹn-osisi sida ẹgboko Lẹbanọnụ; ọ wa agalaba ndị magbu enwẹn wẹ mma, nkewụnị ẹgboko nwẹn hụdẹ igungun ẹ; ọ pụ ẹka ọhụnma-ọhụnma, suenahịn osisi ile.

Juwẹlụ 3:8

M k'e re ụmụ ụnụ ikẹnnyẹ lẹ ikpoho ye ndị Juda, ndị Juda e re wẹ ye ndị alị Sabia tegbu enwẹn ẹ. Mmẹ wụ Osolobuẹ e kuọl'a.

Ọgụngụn 13:32

Wẹ nọ ku egun ijẹn d'e weri alị ahụn wẹ lele ye igunrun ndị Izrẹlụ ẹnya, a sị, “Alị ahụn ẹnyi jẹn d'e lele wụ alị hụn e ripụ ndị bin'ẹ. Ndị ile ẹnyi hụn ebahụn wụ adụn-aran adụn-aran.

Ndị Kọrẹntị Ibuzọ 14:25

ihiẹn rị a obi a pụha ifọn. Ọ kụnị Osolobuẹ isi alị, ye Osolobuẹ ọghọ, sị, “Ezioku-ezioku, Osolobuẹ rị imẹ igunrun ụnụ!”

Ndị Tẹsalonika Ibuzọ 1:9

Makẹni, wẹ hụ e ku oku ẹnyi — kẹ ụnụ dọn nabanhan ẹnyi ọhụnma-ọhụnma lẹzi kẹ ụnụ dọn febehi mmọn, femẹ ezigbo Osolobuẹ rị ndụn,

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.