Azaya 43:5 - Ika

⁵ Atụlẹ egun, mmẹ lẹ yụ wị; m k'a gha ẹbamịn ọwụwa-ẹnyanwụn welụa ụmụ ị, m k'a ghazị ẹbamịn ọdịdan-ẹnyanwụn welụa ụnụ.

Azaya 43:5 ပူးပေါင်းရင်းမြစ်များ

Ẹbụ-ọma 106:47

Osolobuẹ Chuku ẹnyi, dodo zụọpụha ẹnyi dodo wepụha ẹnyi alị ndị gisọnmẹni ẹnyi, kẹni ẹnyi kpanmịn ẹfan nsọ ị, a ja ị mma, e gi ẹ a dụ ẹka obi.

Ẹbụ-ọma 107:3

ndị hụn ọ gha alị ndị-ọzọ wekinhẹn: kẹ ibe ọwụwa ẹnyanwụn kẹ ibe ọdịdan ẹnyanwụn kẹ alị ndị rị ẹbamịn-ugu kẹ ndị rị ibẹka Ohimin!

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 41:8

“Kanị, Izrẹlụ hụn wụ odibo m, ebọn Jekọpụ hụn m họrị, ẹbozo Ebraham ọwụ m,

Azaya 41:9

mmẹ gha njẹndemẹ ụwa weri i; nkọ kachanrịn e te kẹ m gha kpọ ị; mmẹ sị, ‘Odibo m k'ị wụ’; a họrịgụọ m'ị, ajụnị m'ị tọ.

Azaya 43:1

Ka lee nwan ihiẹn Osolobuẹ ku — Osolobuẹ hụn ke ịyụ wụ Jekọpụ, Osolobuẹ hụn kpụ ịyụ wụ Izrẹlụ: “Atụlẹ egun, a gbarịgụọ m'ị; a kpọgụọ m'ị ẹfan, họrị ị; nke m kẹ ị wụ.

Azaya 43:2

Ị ghakọnị imẹ mirin, m k'a nọyeni i; ị ghakọnị imẹ iyi, erukpumekọ wẹ i; ị ghakọnị imẹ ọkụn, ọkụn erẹnkọ ị — y'a dụnkọ ọkụn,

Azaya 44:2

Lee ihiẹn Osolobuẹ ku — Osolobuẹ hụn ken'i, hụn mẹmẹ i imẹ ẹfọ nnẹ i, hụn jẹnkọ d'e yen'i ẹka — ọ sị, “Odibo m Jekọpụ, atụlẹ egun. Jẹshurunu hụn m họrị, atụlẹ egun.

Azaya 49:12

Lee ẹ, ndị nke m k'a ghasọnmẹ ebe teni kinhẹn: ụfọdụ k'a gha ẹbamịn-ugu kinhẹn, ụfọdụ a gha ẹbamịn ọdịdan-ẹnyanwụn, ụfọdụ a ghaha ẹgbẹrẹ Aswanị rị alị Ijiptu.

Azaya 49:18

Weshi ẹnya elu, lehunmẹ: mmụ ị a gbakikomẹgụọ, wẹ lala d'e kunrun i.” Osolobuẹ sị, “Ma isi m, i k'e yiri wẹ ile kẹ ihiẹn-mma, nọkẹ ihiẹn nwagbọọ rị a gba ẹkụkwọ gi kọn ekikẹn.

Azaya 54:3

makẹni, i jẹnkọ d'a bashi ẹka-nni, bashi ẹka-ekpẹn; ụmụ ị k'e mẹrisọnmẹ ndị alị ọzọ weri obodo ndị wẹ gbatọsọnmẹ biri.

Azaya 54:7

M jụ ị hụ ẹkẹrẹ ogẹn, kanị m jẹnkọ d'e gi okẹn omikẹn wekinhẹn i.

Azaya 61:9

Wẹ k'a nụ ẹfan ẹbozo wẹ imẹ alị ndị ọzọ; ẹfan ụmụ wẹ k'a kpọgbarị imẹ alị ichẹn-ichẹn. Ndị ile hụnnị wẹ k'a marịn nị wẹ wụ ndị Osolobuẹ gọzi.

Azaya 8:10

Zu ni umẹ agha ụnụ k'e zu, kanị o k'a kpayịya; tụ nị iroro ile ụnụ k'a tụ, kanị ọ bụnkọ. Makẹni, Osolobuẹ nọyeni ẹnyi anọyeni.

Jerimaya 23:7

“Mmẹ wụ Osolobuẹ rị nwan e ku ẹ nị ogẹn lala, asịkọzị wẹ, ‘Ma Osolobuẹ hụn gha alị Ijiptu wepụha ndị Izrẹlụ.’

Jerimaya 23:8

Wẹ k'a gha a sị, ‘Ma Osolobuẹ hụn gha alị rị ẹbamịn-ugu lẹ alị ile o te chụshi ndị Izrẹlụ wekinhẹn wẹ alị wẹ.’ Makẹni, ogẹn ahụn wẹ k'e birizi alịnị hụn wụ nke wẹ.”

Jerimaya 29:14

M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.

Jerimaya 3:18

O ru ogẹn ahụn, ikpụlọ Juda k'a bannị ikpụlọ Izrẹlụ. Wẹ ile k'a wị gha alị rị ẹbamịn-ugu lụaha alịnị m ye ndị nẹdi ụnụ kanị weri nị ya wụ ukuu wẹ.

Jerimaya 42:11

Atụzịlẹ ni egun eze Babilọnụ ụnụ rị a tụ. Atụlẹ ni egun ẹ. Makẹni, m jẹnkọ d'a nọyeni ụnụ, zụọpụha ụnụ ẹka a. Mmẹ wụ Osolobuẹ e kugụọ a.

Jerimaya 51:46

amamgbe obi a nahịn ụnụ, egun a tụma ụnụ yeni nsọngbu rị a kpọ imẹ alị hụ; makẹni wẹ k'a nụsọnmẹ ozi ahụa-ahụa; ozi ogbugbu-ogbugbu hụn k'a rị alị hụ, ozi ndị-ọkịkị rị a lụsọn ndị-ọkịkị.

Juwẹlụ 3:7

Kanị, m jẹnkọ nwan d'a kpọli wẹ, mẹ wẹ gha ebe ile ụnụ rejẹn wẹ pụ; m k'e mẹ ụnụ nwẹn gi isi buru ihiẹn ụnụ mẹ.

Maịka 2:12

“Omẹgụ, m sikọ d'e wegbamazịrịrị ụnụ, ụmụ Jekọpụ; m jẹnkọ d'e wegbamazị ndị k'a hụn isi. M k'e wegbama wẹ ile, a nọ wẹ kẹ atụnrụn rị ebe wụ nke wẹ, nọkẹ igunrun atụnrụn rịchanrịn ebe wẹ nọ a kpa nni hụn wụ nke wẹ; ụzụn k'e jun alịnị yeni ndị bu ọda rịn'a.”

Zẹkaraya 8:7

Osolobuẹ ihiẹn ile rị okpuru ẹ sị: “M sikọ nwan d'a zụọpụha ndị nke m, kẹ ndị rị alị ibe anwụn n'a wa kẹ ndị rị ibe ọ n'a dan,

Luku 13:29

“Ịhịan jẹnkọ d'a gha ẹbamịn ẹnọ rị ụwa bịa d'e ri oriri imẹ Alị-eze Osolobuẹ.

Jọnụ 10:16

M nwọn atụnrụn ndị ọzọ rịlẹni igunrunni. M jẹnkọ d'e wẹhẹzi wẹ; wẹ k'e gọn m ntịn. Wẹ ile a wụrụ igunrun ohu lẹ onyẹ-ndu ohu.

Ditrọnọmi 30:3

Osolobuẹ wụ Chuku ụnụ sikọ d'e mẹ ndị gini ụnụ hatu ụnụ, mẹ omikẹn ụnụ, gha alị ndị ọzọ ile ọ kpụnshi ụnụ welụa ụnụ.