Azaya 43:3 - Ika

³ makẹni mmẹ wụ Osolobuẹ, hụn wụ Chuku ụnụ, Onyẹ-nsọ Izrẹlụ, Onyẹ Azụọpụhanị ụnụ; mmẹ gi Ijiptu gbarị isi ụnụ, gizikwọ Ẹtiopịa lẹ Sẹba gbarị ụnụ.

Azaya 43:3 ပူးပေါင်းရင်းမြစ်များ

Jẹnẹsisi 10:7

Ụmụ Kushi wụ Sẹba lẹ Havila lẹ Sabta lẹ Raama lẹ Sab'tẹka. Ụmụ Raama wụ Shẹba lẹ Dedanị.

Ẹbụ-ọma 72:10

Ndị-nze alị Tashishi lẹ alị ndị rị mkpẹnrẹn ohimin wẹ tụhan'a ụtụ; ndị-nze alị Shẹba lẹ Sẹba wẹ wẹhẹzikwọn'a oyiye.

Ọpụpụ 10:7

Ịhaịmẹ Fẹro nọ sị a, “Elee mgbe kẹ okẹnnyẹni e mẹbehi ẹnyi uke olu? Hatu nwan ndị Izrẹlụ nị wẹ lama, kẹni wẹ fe Osolobuẹ wụ Chuku wẹ. Y'e ke hụn a nị Ijiptu a lagụọ iwi?”

Ọpụpụ 20:2

“Mmẹ wụ Osolobuẹ, Chuku ụnụ, hụn wepụha ụnụ imẹ alị Ijiptu, alị ụnụ nọ wụ igbọn.

Itẹn 11:8

Ọzụọpụha kẹ w'a zụọpụha onyẹ ezi-omumẹ imẹ nsọngbu, kanị ọdanye kẹ eje-ịhịan a danye ẹ.

Itẹn 21:18

Isi ndị eje-omumẹ kẹ wẹ gi a gbarị nke ndị ezi-omumẹ; nke ndị kụrụlẹni ọtọ kẹ wẹ gi a gbarị nke ndị kụrụ ọtọ.

Azaya 19:20

O k'a wụrụ ahịma lẹ ihiẹn a shịanị Osolobuẹ ihiẹn ile rị okpuru ẹ ẹri imẹ alị Ijiptu; wẹ kwanghọsị Osolobuẹ makẹ ndị rị a bịangbuni wẹ, o zijẹnni wẹ onyẹ-nzụọpụha hụn k'a lụnị wẹ ọgụn, ọ zụọpụha wẹ.

Azaya 20:3

Ya kẹ Osolobuẹ nọ sị, “Kẹ odibo m wụ Azaya dọn gi ụkụ mmaka e jẹnhunmẹ, ya lẹ ọtọ — ọrọgbọ ahụa ẹtọ, gi ghọsị ihiẹn k'e mẹ Ijiptu lẹ Ẹtiopịa,

Azaya 30:11

Pụ nị ụzọ, ye ni efe, egizilẹ ni oku Onyẹ-nsọ Izrẹlụ ye ẹnyi nsọngbu.”

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 42:8

Mmẹ wụ Osolobuẹ; ya wụ ẹfan m! Ewekọ m ọghọ runi m ye onyẹ ọzọ mọbụ we ịja-mma runi m ye mmọn wẹ kọma.

Azaya 43:11

Mmẹ wụ Osolobuẹ, mmẹ lẹ enwẹn m, wezụka m, onyẹ-nzụọpụha ọzọ arịa.

Azaya 45:14

“Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 45:15

Ezioku-ezioku, Chuku hụn e zuemẹ enwẹn ẹ k'ị wụ, Chuku Izrẹlụ, hụn a zụọpụhanị!

Azaya 45:21

Gwalele ni m nwan ihiẹn k'e mẹ ihun, ku n'ẹ nwan! Wẹ tụgbama iroro kin ihiẹn wẹ k'e kin! Onyẹ kutọ oku ihiẹn ndịnị rị e mẹ kikẹnni? Onyẹ ku oku wẹ mbụ-mbụ — karị mmẹ wụ Osolobuẹ? Onwọnzikwọnị Chuku ọzọ rịnị wezụka m — Chuku hụn rị ọchan, hụn a zụọpụhanị; ọzọ arịa wezụka mmẹ.

Azaya 49:26

M k'e mẹ ndị rị e mẹjan'ị ri uru ẹhụ wẹ lẹ enwẹn wẹ; wẹ k'a ra ẹdeke enwẹn wẹ, ọ tụ wẹ kẹ manya. Ogẹn ahụn, ịhịan ile rị ụwa k'a marịn nị mmẹ hụn wụ Osolobuẹ wụ Onyẹ-nzụọpụha ị, Onyẹ-mgbapụha ị, Dikẹn ebọn Jekọpụ.”

Azaya 60:16

Alị-eze ichẹn-ichẹn k'e mẹdẹ ụnụ kẹ ụmụ wẹ rị e ye ẹran; ndị-nze k'e mẹni ụnụ kẹ ụmụ rị a ra ẹran, ụnụ e gi ẹ marịn nị mmẹ, Osolobuẹ, wụ Onyẹ hụn a zụọpụhanị ụnụ, Onyẹ mgbapụha ụnụ, Dikẹn ebọn Jekọpụ.

Azaya 63:8

O te sị, “Eziẹ, ndị nke m kẹ wẹ wụ, ụmụ m hụn jẹnkọlẹni d'e mẹ m ẹro.” Ya k'ọ nọ wụrụ Onyẹ-nzụọpụha wẹ.

Jerimaya 14:8

Euu, Onyẹ hụn Izrẹlụ rị e lee ẹnya! Onyẹ hụ a zụọpụhan'a ogẹn nsọngbu, k'ị gbanị nkịtịn nọkẹ onyẹ-ọbịa, e mẹ kẹ onyẹ-ijẹn banhanhụ d'a ranhịn nị eki fọn?

Jerimaya 16:21

Osolobuẹ nọ sị, “M jẹnkọ nwan d'a ghọsị wẹ — m jẹnkọ d'a ghọsị wẹ ikẹn m. Ogẹn ahụn, a marịn wẹ nị mmẹ wụ Osolobuẹ.”

Izikẹlụ 39:7

M k'e gi ẹ mẹ ndị nke m wụ Izrẹlụ marịn nị ẹfan m rị nsọ. Anịkọzị m ịhịan legberi ẹfan-nsọ m. Alị ndị ọzọ k'e gi ẹ marịn nị mmẹ, Osolobuẹ, wụ Onyẹ-nsọ Izrẹlụ.

Hosia 13:4

Osolobuẹ sị, “Kanị mmẹ wụ Osolobuẹ, Chuku ụnụ ghakwọrị ogẹn ụnụ rị alị Ijiptu; ụnụ enwọn Chuku ọzọ wezụka m; mmẹ sụọ wụ onyẹ-nzụọpụha ụnụ.

Lẹvitikọsụ 11:44

Mmẹ wụ Osolobuẹ hụn wụ Chuku ụnụ; dọnmẹ ni nwan enwẹn ụnụ ichẹn, a rị nị nsọ, makẹni m rị nsọ. Egikwọlẹ ni ihiẹn ọwụlẹ a rịhunmẹ alị mẹrụ enwẹn ụnụ.

Emọsụ 9:7

Ọ sị: Ẹnya m, kị rịdẹ nwan ichẹn imẹ ụnụ ndị Izrẹlụ lẹ ndị Ẹtiopịa? Mmẹ gha alị Ijiptu wepụha ndị Izrẹlụ, ẹlẹ ịya? Kanị mmẹ ghazị alị Kaftọ wepụha ndị Filistia; mmẹ ghazị alị Kiri wepụha ndị Aram.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Judu 1:25

Onyẹ ahụn ịya sụọ wụ Chuku, Onyẹ nzụọpụha ẹnyi, ọjịja-mma ya rịn'a ghahanị Jizọs Kraịstị Di-nwọnni-ẹnyi — ọjịja-mma lẹ ikpẹn lẹ ikẹn lẹ ọkịkị ya rịn'a: k'ọ rịn'a nị ogẹn d'e bidọn, ya rịn'a kikẹnni, rịn'a jẹnrin ejẹn! Isẹẹ.