Azaya 43:2 - Ika

² Ị ghakọnị imẹ mirin, m k'a nọyeni i; ị ghakọnị imẹ iyi, erukpumekọ wẹ i; ị ghakọnị imẹ ọkụn, ọkụn erẹnkọ ị — y'a dụnkọ ọkụn,

Azaya 43:2 ပူးပေါင်းရင်းမြစ်များ

Jobu 5:19

Osolobuẹ k'a gbapụhadẹ i imẹ eje-ihiẹn isin — ọsụọn'a ẹsa, erukọ wẹ i ẹhụ.

Ẹbụ-ọma 23:4

Ọsụọn'a nị m ghakọ imẹ ọdanmgbugbu ẹkpa-ishi lẹ ụya, egun eje-ihiẹn atụkọ m, makẹni mmẹ lẹ yụ wị; mkpịnsịn ị lẹ ọkpọ ị a rọkọ m obi.

Ẹbụ-ọma 32:6

Ya wụ, onyẹ ọwụlẹ hụn e feshi i ikẹn ya rịọma ị ogẹn wẹ e gi s'ẹka nwọnhẹn i — ọsụọn'a nị okẹn mirin rị e hu, o rukọ a ẹhụ.

Ẹbụ-ọma 66:10

Y'e lelegụọ ẹnyi, Osolobuẹ, kẹ wẹ e lele siliva imẹ ọkụn.

Ẹbụ-ọma 66:12

y'a nịgụọ ịhịan zọ ẹnyi ụkụ isi; ẹnyi nọ gha imẹ ọkụn, gha imẹ mirin! Kanị, y'e wepụhagụọ nwan ẹnyi, bu ẹnyi che ebe ẹhụ a nọ fu ẹnyi.

Ẹbụ-ọma 91:15

O k'a kpọku m, a za m'a, m k'a nọyen'ẹ ogẹn nsọngbu; m k'a zụọpụha a, ye ẹ ọghọ.

Ọpụpụ 14:29

Kanị ndị Izrẹlụ nọ gha akpakalị ahụn pụhanị fetu ohimin ahụn, mirin e turu wẹ ẹka-nni lẹ ẹka-ekpẹn nọkẹ ẹhụ-ụlọ.

Ọpụpụ 3:12

Chuku nọ za sị, “M jẹnkọ d'a nọyen'i. Ihiẹn sikọ d'a ghọsị ị nị mmẹ zi i wụ ọnwan: ị ghagụ Ijiptu wepụha wẹ, ụnụ k'a nọ uguni fe m.”

Azaya 29:6

Osolobuẹ ihiẹn ile rị okpuru ẹ k'e mẹ wẹ ihiẹn, zihẹni wẹ akpara, alị-ọmahihie lẹ okẹn ụzụn, zihẹni wẹ eje-ufere lẹ ẹbi lẹ ọkụn rị a dụnnị.

Azaya 30:27

Lee n'ẹ, Osolobuẹ gi ẹfan a gha ebe teni lala, o gi eje-olulu rị a dụn kẹ ọkụn lala lẹ ẹnwụnrụn lọtọnị; ọnụma jun ẹ ụgb'ọnụ, ọkụn a dụnnị rị a ire.

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 43:5

Atụlẹ egun, mmẹ lẹ yụ wị; m k'a gha ẹbamịn ọwụwa-ẹnyanwụn welụa ụmụ ị, m k'a ghazị ẹbamịn ọdịdan-ẹnyanwụn welụa ụnụ.

Jerimaya 42:11

Atụzịlẹ ni egun eze Babilọnụ ụnụ rị a tụ. Atụlẹ ni egun ẹ. Makẹni, m jẹnkọ d'a nọyeni ụnụ, zụọpụha ụnụ ẹka a. Mmẹ wụ Osolobuẹ e kugụọ a.

Jerimaya 46:28

“Mmẹ wụ Osolobuẹ rị a sị yụ wụ odibo m Jekọpụ atụlẹ egun. Ọsụọn'a m tikpọchanrịn ndị alị ichẹn-ichẹn m feyịya ụnụ ye, etikpọchanrịnkọ m ụnụ. M k'e ye i hụ afụnfụn nị ụnụ marịn ihiẹn, kanị afụnfụn furuni sụọ; agbachanrịnkọ m ụnụ nkịtịn.”

Daniẹlụ 3:23

wẹ ẹtịtọ lẹ enwẹn wẹ lẹ ihiẹn wẹ gi kẹnkẹnmẹ wẹ nọ danye imẹ okẹn ọkụn ahụn rị e nwunni.

Hagaị 1:13

Ya kẹ Hagaị wụ onyẹ-ozi Osolobuẹ nọ sị wẹ nị Osolobuẹ sị wẹ nwan, “M hụ ụnụ azụụn. Mmẹ wụ Osolobuẹ ku ẹ!”

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Matiu 1:23

“Lee ẹ, okpoho kelẹni marịn okẹnnyẹ jẹnkọ d'a tụ imẹ, mụ okẹnnyẹ; wẹ k'a kpọ nwa hụ ‘Imanuẹlụ’, ya wụ, ‘Osolobuẹ rị imẹ igunrun ẹnyi.’ ”

Timoti Nke Ẹbụọ 4:17

Kanị Di-nwọnni-ẹnyi nọyeni m anọyeni; ọ nọ ye m ikẹn, kẹni m hụn ụzọ ziru oziọma alị, zi ẹ nị ndị alị ndị ọzọ ile wụlẹni ndị Ju nụ a. Ọ zụọpụha m ọnụ ẹwọrọ ahụn.

Timoti Nke Ẹbụọ 4:22

Di-nwọnni-ẹnyi ya nọyeni mmọn ị. Ẹfọma Osolobuẹ ya rịnị ụnụ.

Hibru 11:29

Okukwe kẹ ndị Izrẹlụ gi ghafe Ohimin ufie nọkẹ sị wẹ ghakọ akpakalị; ndị Ijiptu te chọ nị wẹ ghafe, wẹ nọ ragbu enwẹn wẹ.

Joshụa 1:5

Onwọnni onyẹ sikọ d'a s'ẹka che i ọgụn y'e we nwụn. Kẹ m dọn nọyeni Mozizi kẹ m k'a dọn nọyeni i; alatọkọ m'ị, ajụtọkọ m'ị.

Joshụa 1:9

Agwagụọnị m'ị? Kakẹnmẹ; rikin obi; atụkwọlẹ egun; anịlẹ ndụn gụ ị, makẹni Osolobuẹ wụ Chuku i k'a nọyen'i ebe ọwụlẹ i jẹnkọ.”