Azaya 42:6 - Ika

⁶ ọ sị, “Mmẹ wụ Osolobuẹ kpọ ị ọkpụkpọnị furuni; m k'e kwọndọn i ẹka. M k'e dọnmẹ i, gi i họnrin onyẹ hụn mmẹ lẹ ndịnị gha ẹka a e mẹgbama, mẹ i wụrụzịkwọ ukpẹ ndị alị ọzọ

Azaya 42:6 ပူးပေါင်းရင်းမြစ်များ

Azaya 26:3

Udọn zu oke kẹ y'e ye onyẹ hụn kwọnkẹnmẹ okukwe, makẹni o gi i dọn ẹnya.

Azaya 27:3

Mmẹ wụ Osolobuẹ wụ onyẹ e lepụ a ẹnya; m'a gba a mirin ogẹn ile. M'e che ẹ nche uhinhin lẹ efinaị amamgbe w'e mẹ ẹ ihiẹn ọwụlẹ.

Azaya 32:1

Lee ni ẹnya, eze hụn k'e gi ezi-omumẹ kị lala alala, ịya lẹ ndị-isi hụn k'e gi ezioku kị.

Azaya 41:13

Makẹni mmẹ wụ Osolobuẹ, Chuku i, hụn e kwọndọn i ẹka-nni, a sị ị atụlẹ egun; m jẹnkọ d'e yeni i ẹka.

Azaya 41:2

Chuku sị, “Onyẹ kpọli onyẹ hụn gha ẹbamịn ọwụwa-ẹnyanwụn lala? Onyẹ kpọ a ọkpụkpọnị furuni d'a rụnn'a ọrụn? Ọ hụ e we ndị alị ichẹn-ichẹn e che ẹ ẹka e mẹri, e bu ndị-nze e che okpuru ẹ. Ya nwẹn hụ e gi ọpịa a e gbu wẹ a la iwi lekẹ uzunzun, e gi ụta e gbupụ wẹ kẹ ẹfịfịa-ọkpọnkụn ufere bukọ.

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 43:1

Ka lee nwan ihiẹn Osolobuẹ ku — Osolobuẹ hụn ke ịyụ wụ Jekọpụ, Osolobuẹ hụn kpụ ịyụ wụ Izrẹlụ: “Atụlẹ egun, a gbarịgụọ m'ị; a kpọgụọ m'ị ẹfan, họrị ị; nke m kẹ ị wụ.

Azaya 45:1

Ọnwan kẹ mmẹ wụ Osolobuẹ rị a gwa onyẹ hụn m tumẹ, Saịrọsị, onyẹ hụn m kwọndọn ẹka-nni — n'o mẹrisọnmẹ alị ichẹn-ichẹn, kị wẹ, n'ọ gbụpụsọnmẹ ndị-nze ẹwuru-agha wẹ gi e che ẹhụ lẹni m gụnpụsọnmẹn'ẹ ọnụmụzọ, nke wụnị onwọnni ọnụ-mgbọn k'a gụnrụnn'a. M rị a sị a,

Azaya 45:13

Mmẹ kpọli Saịrọsị — makẹni m'e mẹ ihiẹn furuni; m k'e mẹ ihiẹn ile o buche ẹka ghan'a. O k'a tụndọnzi obodo m wụ Jerusalẹm, mẹ wẹ hatu ndị nke m wẹ nwụnshi alị ndị ọzọ. Ẹlẹ nị wẹ kụ a ụgwọ mọbụ ye ẹ ihiẹn. Ya kẹ Osolobuẹ ku.’ ”

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 49:8

Lee ihiẹn Osolobuẹ ku, “Ogẹn m k'e gi mẹ ọhụnma, m k'a za ị oku; ụhụọhịn m'e gi zụọpụha ị, m k'e yeni i ẹka. M k'e dọnmẹ i, gi i mẹzu nkwa m kwe ndị alị, kẹni i dọnzi alị, keyesọnmẹzi wẹ alị wẹ hụn te gba okpokoro

Jerimaya 12:16

Kanị omẹni a mụnarịn wẹ ndị nke m, bimẹ kẹ ndị nke m nke-esi, kunmẹ ẹfan m, a sị, ‘Ma Osolobuẹ’ rịkẹ kẹ wẹ dọn kuzi ndị nke m ikun Baalụ mbụ, a wụrụ wẹ ndị nke m, a gha wẹ ihun.

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Jọnụ 8:12

Ya kẹ Jizọsị nọ sịzị ndị ahụn o te rị a kuzi, “Mmẹ wụ ukpẹ ụwa. Onyẹ rị e sọnni m aghakọ imẹ ishi, kama, o sikọ d'e nwọn ukpẹ ahụn e ye ndụn.”

Ọrụn Ndị-ozi 13:47

Makẹni ya kẹ Di-nwọnni-ẹnyi sị ẹnyi mẹ: ọ sị, ‘E tumẹgụọ m ụnụ nị ụnụ wụrụ ukpẹ ndị alị ọzọ, kẹni ụnụ wẹhẹ nzụọpụha ebe ile rị elu ụwa.’ ”

Ọrụn Ndị-ozi 26:23

nị Kraịstị k'a tarịrị afụnfụn; n'o k'a wụrụ onyẹ ibuzọ gha ọnwụn lihi; n'o k'e wẹhẹni kẹ ndị alị ẹnyi kẹ alị ndị ọzọ ozi ukpẹ.”

Ndị Kọrẹntị Nke Ẹbụọ 1:20

Makẹni, imẹ ẹ kẹ nkwa Osolobuẹ ile nọ e mẹzuchanrịn, a wụ “ẹghẹẹ.” Ya haịn ẹnyi gi a sị, “Isẹẹ” ghahanị Jesu Kristi, e gi ẹ e ye Osolobuẹ ọghọ.

Hibru 12:24

Jizọsị kẹ ụnụ bịa d'e kunrun, onyẹ hụn e wegbama Osolobuẹ lẹ ịhịan imẹ nkwerigbama ọhụn, ya lẹ ẹdeke wẹ gi e fepụ njọ, hụn rị e ku ihiẹn ka mma karị ẹdeke Ebẹlụ sị wẹ mẹgwarị.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 7:2

Ebraham nọ kebe ihiẹn ile ọ bulụa agha ụzọ iri, we ụzọ ohu ye Mẹkizẹdẹkị. Nke ibuzọ, ẹfannị wụ Mẹkizẹdẹkị wụ “Eze Ezi-omumẹ”. Ọzọzị, Mẹkizẹdẹkịnị wụzị eze Salẹm, ya wụ “Eze Udọn.”

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Hibru 8:6

Kanị nke Jesu ka nke wẹ mma, ebe o mẹ ni ya nwẹn rị a rụn ọrụn idọnzi ẹgbata imẹ nkwerigbama ka nke wẹ mma, nkwerigbama Osolobuẹ kwesọnmẹ nkwa ka mma tumẹ.

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.