Azaya 42:13 - Ika

¹³ Osolobuẹ k'a pụha kẹ odogun-agha, o k'a kpasu enwẹn ẹ kẹ onyẹ-agha; o k'e weshi olu elu yi oro-agha, o k'e mẹri ndị-iṅẹnrẹn ẹ.

Azaya 42:13 ပူးပေါင်းရင်းမြစ်များ

Ẹbụ-ọma 118:16

Ẹka-nni Osolobuẹ e mẹkẹ okẹn-ihiẹn! Ẹka-nni Osolobuẹ a kpaka ikẹn!!”

Ẹbụ-ọma 78:65

Chuku nọ nwan felihi lekẹ onyẹ te rị ụran, lekẹ odogun-agha manya te gbuye ụran.

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 31:4

Kanị, nke Osolobuẹ, ọ sị m, “Ẹwọrọ mọbụ nwa-ẹwọrọ gbu anụ, o ri ẹ, e dẹn; ọsụọn'a nị wẹ zidẹ igunrun ndị e du anụ d'a maye ẹ, onwọnni oro wẹ yi e mẹhunmẹn'ẹ; onwọnni ụzụn wẹ zụn o gi e dọn — o risọnmẹ ihiẹn ọ rị e ri. Ẹrịra kẹ Osolobuẹ k'a dọn lụnị ugu Zayọnụ ọgụn, o lekọ ẹnya azụụn.

Azaya 37:32

Ẹghẹẹ, ịhịan k'a họdụ imẹ Jerusalẹm, igunrun k'a wanahịn imẹ ndị rị ugu Zayọnụ. Osolobuẹ ihiẹn ile rị okpuru ẹ k'e gi adụdụ a mẹ ihiẹnni.

Azaya 63:15

Dodo, gha nwan elu-igwee lee ẹnya, gha okẹn ukpo-eze i ahụn rị nsọ lee ẹnya alị!! Ọrịrịmma ẹnyi ara dụzịdẹ ị ra? Ebe ikẹn i rị nwan? Y'a ra gizi ẹfọma lẹ omikẹn sọn ẹnyi.

Azaya 66:14

Ogẹn ụnụ e gi hụn ihiẹnni, ẹfọ k'a sụọ ụnụ ụsụọ, ụnụ a tụlụa kẹ irurue pupụhazị alị. Osolobuẹ k'a ghọsị ndị idibo ẹ ikẹn ẹ, ghọsị ndị-iṅẹnrẹn ẹ olulu ẹ.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Jerimaya 25:30

“Gi nwan okuni ile buni wẹ amụma — sị wẹ: Osolobuẹ jẹnkọ d'a gha imẹ-elu dẹn rịkẹ ẹwọrọ; olu ẹ jẹnkọ d'a gha ebẹhụ rị nsọ o bi han rịkẹ akpara; o k'e yini alị a eje-oro. O k'e yi oro nọkẹ ndị rị a zọ vaịnị; o k'e yini ndị bi elu ụwa oro.

Hosia 11:10

Omẹgụ, wẹ k'e kinhẹn: wẹ k'a gbasọn Osolobuẹ, ogẹn m'e gi dẹn kẹ ẹwọrọ. M dẹnhụ kẹ ẹwọrọ, ụmụ m rị ẹbamịn ọdịdan-ẹnyanwụn e gi ẹhụ ọmụma-nni buruhẹ m.

Juwẹlụ 3:16

Olu Osolobuẹ k'a gha Ugu Zayọnụ hanpụha kẹ olu ẹwọrọ rị e dẹnni; olu ẹ k'a gha Jerusalẹm hanpụha kẹ akpara (akpabọ). Elu-igwee lẹ ụwa k'e mẹhunmẹ. Kanị Osolobuẹ lẹ enwẹn ẹ k'e che ndị nke ẹ nche, ebe ndị Izrẹlụ a gbaban.

Emọsụ 1:2

Emọsụ sị, “Osolobuẹ gha Zayọnụ e bigbọ! Ọ gha Jerusalẹm a ban mban! Irurue jun ebe ile wẹ n'a zụn anụ hụ a kpọpụ nkụn; ẹfịfịa jun elu ugu Kamẹlụ hụ a kpọ nkụn!”

Nahum 1:2

Chuku ẹnya a fụ lẹ hụn e mẹgwarịnị kẹ Osolobuẹ wụ; Osolobuẹ e mẹgwarị emẹgwarị, e bu olulu ọda-ọda; Osolobuẹ e mẹgwarị ndị iṅẹnrẹn ẹ, ọ tọ e buni ndị-iṅẹnrẹn ẹ olulu.

Zẹfanaya 1:18

Egho wẹ lẹ ihiẹn ile wẹ nwọn azụọpụhakọ wẹ ogẹn hụ Osolobuẹ k'e gi ghọsị iwe-lẹ-ọnụma a. O k'e gi iwe-lẹ-ọnụma bu elu-ụwa ile ri kẹ ọkụn dọn e bu ihiẹn e ri.”

Zẹfanaya 3:8

Gbacherikwọ nị m nwan! Ya kẹ Osolobuẹ ku; cheri ni ụhụọhịn m k'a kpa ikẹn kwarị ihiẹn m gbu. E kugụọ m'a nị m k'e wegbama alị ichẹn-ichẹn, nị m k'a kpọgbama alị-eze ichẹn-ichẹn, kẹni m mẹ wẹ ihiẹn kẹ olulu han m obi kẹni m gi okẹn iwe-lẹ-ọnụma m mẹ wẹ ihiẹn, makẹni m k'e gi ẹnya rị a fụnị m hu ọnụma m kpu wẹ ile ri nọkẹ ọkụn.