Azaya 42:1 - Ika

¹ Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 42:1 ပူးပေါင်းရင်းမြစ်များ

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ẹbụ-ọma 72:4

Eze ya kinni ndị ụya rị e ri ọnụ wẹ; ya gbapụha ụmụ ndị ẹka wẹ rulẹni, gweriẹn onyẹ rị a bịangbuni.

Ẹbụ-ọma 89:4

‘M k'e mẹ ụmụ ị gbọrị jẹnrin ejẹn; m k'e mẹ ukpo-eze i rị jẹnrin ejẹn.’ ” Sẹla

Azaya 2:4

O k'a hannị alị lẹ alị eṅẹn, e dọnzini ndị alị bu ọda oku. Wẹ k'e gi ọpịa-agha wẹ mẹmẹrin omumọ wẹ gi a dụkpọ alị, gi obo wẹ mẹmẹrin ọpịa wẹ gi e befọn osisi. Alị alụsọnkọzị ibe ẹ agha, ọzụnzụn ndị-agha arịkọzị.

Azaya 32:16

Ogẹn hụ, ezioku e weri ọnọdị d'e rudẹ imẹ atụ, ezi-omumẹ e weri ọnọdị d'e rudẹ imẹ alị ugbo rị mma.

Azaya 41:8

“Kanị, Izrẹlụ hụn wụ odibo m, ebọn Jekọpụ hụn m họrị, ẹbozo Ebraham ọwụ m,

Azaya 41:9

mmẹ gha njẹndemẹ ụwa weri i; nkọ kachanrịn e te kẹ m gha kpọ ị; mmẹ sị, ‘Odibo m k'ị wụ’; a họrịgụọ m'ị, ajụnị m'ị tọ.

Azaya 42:2

O mẹkọ onyẹ-ndọndọ mọbụ onyẹ-oro, anụkọ wẹ olu ẹ ọgbara-ogbe.

Azaya 43:10

Osolobuẹ sị, “Ụnụ wụ ọshẹri m, odibo m hụn m họrị n'ọ marịn m, kweri oku m, ghọtazịkwọ nị mmẹ rọ. Onwọnni mmọn buni m ụzọ, onwọnzikwọnị hụn k'a nọkin ẹnya m.

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Azaya 52:13

Osolobuẹ sị, lee ẹ, ihiẹn jẹnkọ d'a ghanị odibo m; o k'e nwọn ọghọ, wụrụ onyẹ rị mkpa; o k'a wụ onyẹ rị mkpa ọda-ọda

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Azaya 59:21

“Mmẹ nwẹn, ọnwan wụ nkwa m kwe wẹ: gha ogẹnni jẹnmẹ, Mmọn m hụn m buche imẹ ndụn ụnụ aghakọ imẹ ụnụ pụ; oku m hụn m buche ọnụ ụnụ aghakọ ụnụ ọnụ pụ, ọ ghakọ ọnụ ụmụ ụnụ pụ, ọ ghakọ ọnụ ụmụ-ụmụ ụnụ pụ, jẹnrin-ejẹn. Ya kẹ Osolobuẹ ku.”

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Azaya 63:1

Onyẹ wụ onyẹni gha Bozra rị alị Ẹdọm pụla? Onyẹ pụla ihiẹnni ẹwuru ẹ rị e nwun kẹ ihiẹn ẹdeke huye? Onyẹ wụ onyẹni kẹn ekikẹn ndị-nze, jẹnla ndụn-ndụn?! “Mmẹ Osolobuẹ rọ! M gi ẹ e ku nị a tụgụọnị m ụnụ ụya; mmẹ hụn a zụọpụhanị!”

Hagaị 2:23

O ru ogẹn hụ, e gi m yụ wụ odibo m Zerubabẹlụ nwa Shiẹtiẹlụ họnrin ọla m gi e biye ẹka, makẹni a họrịgụọ m'ị. Mmẹ wụ Osolobuẹ ihiẹn ile rị okpuru ẹ e kugụọl'a!’ ”

Zẹkaraya 3:8

Gọn nwan ntịn Joshụa, onyẹ-isi ndị nchụn-ẹjan, ịyụ lẹ ndị nchụn-ẹjan ibe i hụn a rụn okpuru i, makẹni ụnụ wụ ihiẹn-ahịma m gi a ghọsị ihiẹn jẹnkọ d'e mẹni: M sikọ d'e wẹhẹ odibo m wụ Agalaba.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Luku 3:22

Mmọn-nsọ nọ gi ẹhụ nduru hidan, bekwasị a. Olu nọ gha elu-igwee sị, “Ịyụ wụ ezi Nwa m; ihiẹn i a sụọka m.”

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Luku 4:19

d'a ma ọkwa nị ahụa hụ e ruọlẹ hụn Di-nwọnni-ẹnyi e gi mẹni ndị nke ẹ ọhụnma.”

Luku 9:35

Olu nọ gha imẹ orukpu hụ sị, “Ọnwan wụ Nwa m, Onyẹ hụn m họrị, gọnn'ẹ ntịn!”

Jọnụ 16:32

Ogẹn lala — o rugụọdẹ nwan, hụn ụnụ e gi gbayịya, onyẹ-onyẹ e shi iwe ẹ, la mmẹ sụọ tọ. Kanị, ẹlẹ mmẹ sụọ rị, Nẹdi m nọyeni m anọyeni.

Jọnụ 3:34

Makẹni onyẹ Osolobuẹ zihẹ rọ, o ku oku Osolobuẹ, ufiri nị Osolobuẹ eyen'ẹ Mmọn-nsọ yehọdụ.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Ọrụn Ndị-ozi 10:38

kẹ Jizọsị onyẹ Nazarẹtị hụn Osolobuẹ tumẹ, gi Mmọn-nsọ lẹ ikẹn gbajun, dọn jẹnhunmẹ, e mẹ ihiẹn rị mma, a zụọ ndị ile Ekwensụ rị e kpokpo, makẹni Osolobuẹ nọyen'ẹ.

Ọrụn Ndị-ozi 11:18

A nụgụ wẹ ihiẹnni, onwọnzini ihiẹn wẹ ku; a ja wẹ Osolobuẹ mma, sị, “Ya wụ nị Osolobuẹ e yegụọzị nwan ndị wụlẹni ndị Ju oghere rogharị, nwọnrin ndụn!”

Ọrụn Ndị-ozi 28:28

Marịn nị nwan n'e zigụọ wẹ ndị alị ọzọ ozi nzụọpụhanị gha ẹka Osolobuẹ bịa: nị wẹ gọnghọ ntịn!”

Ọrụn Ndị-ozi 9:15

Kanị Di-nwọnni-ẹnyi nọ sị a, “Jẹnmẹ, makẹni okẹnnyẹni kẹ m họrị n'ọ wụrụ ihiẹn-ọrụn m hụn k'e we ẹfan m jẹnni alị ndị ọzọ lẹ ndị-nze lẹ ndị Izrẹlụ;

Ndị Ẹfẹsọsụ 1:4

Nị Osolobuẹ d'e kedẹ ụwa, ọ họtọgụọlẹ ẹnyi imẹ Kraịstị makẹni o nwọn ihiẹn-ọsụsụọ ẹnyi, nị ẹnyi jẹnkọ d'a wụrụn'a ndị rị nsọ, nwọnlẹni nkọrịanị.

Ndị Ẹfẹsọsụ 1:6

Osolobuẹ mẹ ẹ kẹni wẹ ja Osolobuẹ mma o gi mẹni ẹnyi okẹn ẹfọmanị ghahanị ezi Nwa a!

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Ndị Filipi 2:7

Kama, ọ nọ bu ihiẹn ọ wụ che ụsụọ, wụrụ odibo, a mụ w'a ịhịan; hụnnị ọ wụ ịhịan,

Ndị Kolosị 1:13

Ọ zụọpụhagụọ ẹnyi okpuru ishi, bu ẹnyi che Alị-eze ezi Nwa a,

Pita Ibuzọ 2:4

Ụnụ a bịagụọ nwan d'e kunrun ẹ: ọmụma ahụn rị ndụn, hụn ịhịan jụ; kanị ẹnya Osolobuẹ, ọmụma ọ họrị hụn rị okẹn mkpa k'ọ wụ.

Pita Ibuzọ 2:6

Makẹni, Ẹkụkwọ-nsọ e kugụ a, sị, “Lee n'ẹ, m rị e butọ ọmụma imẹ obodo Zayọnụ, ọmụma gin'ẹ; ọmụma m họrị ahọrị, hụn rịgbu enwẹn ẹ mkpa. Ifẹnrẹn emẹkọ onyẹ kwerinin'ẹ.”