Azaya 41:9 - Ika

⁹ mmẹ gha njẹndemẹ ụwa weri i; nkọ kachanrịn e te kẹ m gha kpọ ị; mmẹ sị, ‘Odibo m k'ị wụ’; a họrịgụọ m'ị, ajụnị m'ị tọ.

Azaya 41:9 ပူးပေါင်းရင်းမြစ်များ

Ẹbụ-ọma 135:4

Makẹni Osolobuẹ a họrịgụọ Jekọpụ n'ọ wụrụ nke ẹ; ọ họrịgụọ Izrẹlụ n'ọ wụrụ ihiẹn ẹ pụ-ichẹn.

Ẹbụ-ọma 94:14

Makẹni Osolobuẹ alatọkọ ndị nke ẹ; ọ gbakitọkọ ihiẹn ẹ azụụn.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 41:2

Chuku sị, “Onyẹ kpọli onyẹ hụn gha ẹbamịn ọwụwa-ẹnyanwụn lala? Onyẹ kpọ a ọkpụkpọnị furuni d'a rụnn'a ọrụn? Ọ hụ e we ndị alị ichẹn-ichẹn e che ẹ ẹka e mẹri, e bu ndị-nze e che okpuru ẹ. Ya nwẹn hụ e gi ọpịa a e gbu wẹ a la iwi lekẹ uzunzun, e gi ụta e gbupụ wẹ kẹ ẹfịfịa-ọkpọnkụn ufere bukọ.

Azaya 41:8

“Kanị, Izrẹlụ hụn wụ odibo m, ebọn Jekọpụ hụn m họrị, ẹbozo Ebraham ọwụ m,

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 44:1

Ka gọn nwan ntịn, yụ wụ odibo m Jekọpụ, Izrẹlụ, hụn m họrị!

Azaya 45:4

Ufiri odibo m hụn wụ ebọn Jekọpụ — ufiri Izrẹlụ hụn m họrị, m rị nwan a kpọ ị ẹfan e tumẹ; m rịzịkwọ e ye i nzere — ọsụọn'a nị y'a marịn m.

Malakaị 1:2

Osolobuẹ sị ndị Izrẹlụ, “A ghọsịghọlẹ m ụnụ nị ụnụ rị m ụda.” Kanị ụnụ hụ a sị, “Nanị kẹ ẹnyi dọn rị ị ụda?” Mmẹ wụ Osolobuẹ sị, “Ẹlẹ umunẹ kẹ Isọ lẹ Jekọpụ wụ? Kanị Jekọpụ rị m ụda,

Luku 13:29

“Ịhịan jẹnkọ d'a gha ẹbamịn ẹnọ rị ụwa bịa d'e ri oriri imẹ Alị-eze Osolobuẹ.

Ditrọnọmi 14:2

makẹni ụnụ wụ ndị Osolobuẹ wụ Chuku ụnụ họpụha, dọn ụnụ nsọ. Imẹ alị ile rị ichẹn-ichẹn rị elu-ụwa, Osolobuẹ a họrịgụọ ụnụ nị ụnụ wụrụ ndị nke ẹ pụ-ichẹn.

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.

Samuẹlụ Nke Ibuzọ 12:22

Makẹ ufiri okẹn ẹfan Osolobuẹ, Osolobuẹ ajụtọkọ ụnụ wụ ndị nke ẹ, makẹni ọ sụọghọ a ebe ọ nọ gi ụnụ họnrin ndị nke ẹ.