Azaya 41:8 - Ika

⁸ “Kanị, Izrẹlụ hụn wụ odibo m, ebọn Jekọpụ hụn m họrị, ẹbozo Ebraham ọwụ m,

Azaya 41:8 ပူးပေါင်းရင်းမြစ်များ

Ihiẹn Mẹni Nke Ibuzọ 16:13

Mẹn'ẹ, ụmụ odibo ẹ Izrẹlụ; mẹn'ẹ, ụmụ Jekọpụ ndị ọ họrị.

Ihiẹn Mẹni Nke Ẹbụọ 20:7

“Euu, Chuku ẹnyi, ẹlẹ ịyụ chụpụ ndịnị te bi alịnị makẹ ndị nke i wụ Izrẹlụ, ị nọ we alịnị ye Izrẹlụ, ụmụ ọwụ ị wụ Ebraham, nị wẹ weri jẹnrin ejẹn?

Ẹbụ-ọma 105:6

ụnụ ụmụ Ebraham odibo ẹ, ụmụ Jekọpụ, onyẹ ahụn ọ họrị.

Ẹbụ-ọma 135:4

Makẹni Osolobuẹ a họrịgụọ Jekọpụ n'ọ wụrụ nke ẹ; ọ họrịgụọ Izrẹlụ n'ọ wụrụ ihiẹn ẹ pụ-ichẹn.

Ẹbụ-ọma 136:21

we alị wẹ ye odibo ẹ weri; ihiẹn-ọsụsụọ a rị jẹnrin ejẹn.

Ẹbụ-ọma 136:22

O we ẹ ye odibo ẹ wụ Izrẹlụ weri; ihiẹn-ọsụsụọ a rị jẹnrin ejẹn.

Ẹbụ-ọma 33:12

Ngọzi wụ nke alị ahụn Osolobuẹ wụ Chuku wẹ, ndị ahụn ọ họrị nị wẹ wụrụ nke ẹ!

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 29:22

Ufiri ẹ kẹ Osolobuẹ, hụn gbapụha Ebraham, gi nwan rị a sị ikpụlọ Jekọpụ, “Ifẹnrẹn emẹkọzị ebọn Jekọpụ; ekpumẹkọ wẹ ihun yeni ifẹnrẹn.

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 42:19

Onyẹ wụ ẹnya-mpịn karị odibo m? Onyẹ wụ ntịn-okin nọkẹ onyẹ-ozi m? Onyẹ wụ ẹnya-mpịn nọkẹ onyẹni lachanrịn enwẹn ẹ tọnị m? Onyẹ wụ ẹnya-mpịn nọkẹ odibo Osolobuẹ?

Azaya 43:1

Ka lee nwan ihiẹn Osolobuẹ ku — Osolobuẹ hụn ke ịyụ wụ Jekọpụ, Osolobuẹ hụn kpụ ịyụ wụ Izrẹlụ: “Atụlẹ egun, a gbarịgụọ m'ị; a kpọgụọ m'ị ẹfan, họrị ị; nke m kẹ ị wụ.

Azaya 43:10

Osolobuẹ sị, “Ụnụ wụ ọshẹri m, odibo m hụn m họrị n'ọ marịn m, kweri oku m, ghọtazịkwọ nị mmẹ rọ. Onwọnni mmọn buni m ụzọ, onwọnzikwọnị hụn k'a nọkin ẹnya m.

Azaya 43:5

Atụlẹ egun, mmẹ lẹ yụ wị; m k'a gha ẹbamịn ọwụwa-ẹnyanwụn welụa ụmụ ị, m k'a ghazị ẹbamịn ọdịdan-ẹnyanwụn welụa ụnụ.

Azaya 44:21

Nyanhan nị ihiẹn ndịnị, ebọn Jekọpụ, makẹni ịyụ wụ Izrẹlụ wụ odibo m; mmẹ ke i; odibo m kẹ ị wụ. Azọkọ m'ị, Izrẹlụ.

Azaya 45:4

Ufiri odibo m hụn wụ ebọn Jekọpụ — ufiri Izrẹlụ hụn m họrị, m rị nwan a kpọ ị ẹfan e tumẹ; m rịzịkwọ e ye i nzere — ọsụọn'a nị y'a marịn m.

Azaya 48:12

Euu Jekọpụ, gọn m ntịn! Izrẹlụ hụn m kpọ: mmẹ wụ Chuku; mmẹ wụ Ibuzọ lẹ Ikpanzụụn.

Azaya 49:3

Ọ sị m, “Odibo m kẹ ị wụ, Izrẹlụ, hụn m k'e gi ghọsị ọghọ m.”

Azaya 51:2

Leri ni nẹdi ụnụ wụ Ebraham lẹ Sẹra nnẹ mụnị ụnụ. Ogẹn m gi kpọ Ebraham, onyẹ ohu k'ọ wụ. Kanị, a gọzi m'ẹ, mẹ ẹ mụba.

Azaya 63:16

Kanị, yụ wụ nẹdi ẹnyi, ọsụọn'a Ebraham amarịn ẹnyi, ọsụọn'a Izrẹlụ sị ọ marịnzị onyẹ ẹnyi wụ — yụ wụ Osolobuẹ wụkwọ nẹdi ẹnyi; Onyẹ-mgbapụha ẹnyi wụ ẹfan ị ẹdẹi.

Jerimaya 33:24

“Y'a hụnnị kẹ ndịnị rị a sị, ‘Osolobuẹ a jụgụọ ikpụlọ ẹbụọ ọ họrị, Izrẹlụ Ẹbamịn-ugu lẹ Juda’? Wẹ rị nwan e legberi ndị nke m elegberi; w'ara kpọzịdẹ wẹ alị.

Lẹvitikọsụ 25:42

Makẹni ndị Izrẹlụ wụ idibo m, hụn m gha alị Ijiptu wepụha, agbakọ wẹ wẹ igbọn.

Malakaị 1:2

Osolobuẹ sị ndị Izrẹlụ, “A ghọsịghọlẹ m ụnụ nị ụnụ rị m ụda.” Kanị ụnụ hụ a sị, “Nanị kẹ ẹnyi dọn rị ị ụda?” Mmẹ wụ Osolobuẹ sị, “Ẹlẹ umunẹ kẹ Isọ lẹ Jekọpụ wụ? Kanị Jekọpụ rị m ụda,

Matiu 3:9

atụkwọlẹ ni enwẹn ụnụ ntụ, a sị, ‘Ebraham wụ nẹdi ẹnyi nụ!’ Makẹni, m rị a gwakwọ ụnụ, Osolobuẹ k'a saẹka gi ọmụma ndịnị ye Ebraham ụmụ.”

Ndị Galeshịa 3:19

Kị Osolobuẹ webanhannị nwan Iwu? Njọ haịn. O webanhan a n'ọ rụn d'e ru ogẹn nwa ahụn wẹ kwe nkwa hụ e gi bịa. Wẹ gha ẹka ndị mmọn-ozi tumẹ Iwu hụ, we ẹ ye ụkọ ye wẹ.

Ditrọnọmi 10:15

bụ Osolobuẹ sị ndị nẹdi ụnụ kanị k'ọ chọ, bu wẹ che obi, nke wụ nị, imẹ alị ile, ụnụ ụmụ wẹ k'ọ họrị, k'o dọn rị tannị.

Ditrọnọmi 14:2

makẹni ụnụ wụ ndị Osolobuẹ wụ Chuku ụnụ họpụha, dọn ụnụ nsọ. Imẹ alị ile rị ichẹn-ichẹn rị elu-ụwa, Osolobuẹ a họrịgụọ ụnụ nị ụnụ wụrụ ndị nke ẹ pụ-ichẹn.

Jemisi 2:23

Ya kẹ ihiẹn hụ Ẹkụkwọ-nsọ ku nọ mẹ: nị “Ebraham kweyeni Osolobuẹ, Osolobuẹ nọ gụn a yen'ẹ, kpọ a onyẹ ezi-omumẹ, kpọ a ọwụ Osolobuẹ.”