Azaya 41:2 - Ika

² Chuku sị, “Onyẹ kpọli onyẹ hụn gha ẹbamịn ọwụwa-ẹnyanwụn lala? Onyẹ kpọ a ọkpụkpọnị furuni d'a rụnn'a ọrụn? Ọ hụ e we ndị alị ichẹn-ichẹn e che ẹ ẹka e mẹri, e bu ndị-nze e che okpuru ẹ. Ya nwẹn hụ e gi ọpịa a e gbu wẹ a la iwi lekẹ uzunzun, e gi ụta e gbupụ wẹ kẹ ẹfịfịa-ọkpọnkụn ufere bukọ.

Azaya 41:2 ပူးပေါင်းရင်းမြစ်များ

Jẹnẹsisi 11:31

O mẹgụ, Tẹra nọ weri Ebram nwa a lẹ nwa-nwa a wụ Lọtụ lẹ Saraị nwunyẹ nwa a, nwunyẹ Ebram nwa a, wẹ nọ gha obodo Uru hụn rị alị ndị Kal'di wụ Babilọnụ pụ, kẹni wẹ kwashi alị Kenaanị. Kanị, e ru wẹ alị w'a kpọ Haranị, wẹ nọ biri ebahụn.

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Samuẹlụ Nke Ẹbụọ 22:43

E gweriẹn m wẹ kẹ uzunzun rị alị; a sụ m wẹ, a zọ m wẹ ụkụ kẹ w'a zọ ịkpọtọ rị ogbe.

Ndị-nze Nke Ẹbụọ 13:7

Onwọnzini ihiẹn họdụnị imẹ ndị-agha Jeho-ahazị karị mmadụ iri kwasị ọgụnnaị gi ẹshin a lụ agha, ụgbọ-ẹshin iri lẹ mmadụ nnụ-uku iri (10,000) gi ụkụ e jẹn agha, makẹni eze Aram e gbuchanrịngụọ ndị-agha Izrẹlụ Ẹbamịn ugu, zọkpụkpọ wẹ nọkẹ ẹjan rị alị.

Ihiẹn Mẹni Nke Ẹbụọ 36:23

“Ọnwan wụ ihiẹn Saịrọsị eze Pẹshịa ku: Ọ sị, ‘Osolobuẹ, Chuku rị elu-igwee, e yegụọ m alị-eze ile rị ụwa. O tumẹgụọ m nị m tụnn'a Ụlọ-nsọ imẹ Jerusalẹm hụn rị Juda. Onyẹ nke ẹ ọwụlẹ hụn rị imẹ ụnụ, Osolobuẹ wụ Chuku ẹ ya nọyen'ẹ; ya lashi nwan ebẹhụ.’ ”

Ẹzra 1:2

“Ọnwan wụ ihiẹn Saịrọsị eze Pẹshịa ku: Ọ sị, ‘Osolobuẹ, Chuku rị elu-igwee, e yegụọ m alị-eze ile rị ụwa; o tumẹgụọ m nị m tụnn'a Ụlọ-nsọ imẹ Jerusalẹm hụn rị Juda.

Azaya 40:24

O ke kẹrẹni wẹ hụ kụn wẹ, o ke kẹrẹni wẹ hụ ghaye wẹ, o ke kẹrẹni wẹ hụ gba akwanran ọ fụ wẹ ufere, e shinwụn wẹ, okẹn ufere e bupụ wẹ lekẹ ẹfịfịa-ọkpọnkụn.

Azaya 41:25

A kpọligụọ m onyẹ ohu rị ẹbamịn-ugu; ọ lala, onyẹ ohu hụn rị ẹbamịn ọwụwa-ẹnyanwụn — hụn a kpọku ẹfan m. Ọ zọ ndị-ọkịkị ụkụ nọkẹ sị wẹ wụ ụrụa, nọkẹ ọkpụ-ite rị a zọ ụrụa o gi a kpụ ite.

Azaya 41:3

Ọ chụsọnmẹ wẹ, onwọnni ihiẹn e mẹn'ẹ — ọsụọn'a nị ụzọ ọ ghatulẹni k'ọ nọ a chụ wẹ.

Azaya 42:6

ọ sị, “Mmẹ wụ Osolobuẹ kpọ ị ọkpụkpọnị furuni; m k'e kwọndọn i ẹka. M k'e dọnmẹ i, gi i họnrin onyẹ hụn mmẹ lẹ ndịnị gha ẹka a e mẹgbama, mẹ i wụrụzịkwọ ukpẹ ndị alị ọzọ

Azaya 45:1

Ọnwan kẹ mmẹ wụ Osolobuẹ rị a gwa onyẹ hụn m tumẹ, Saịrọsị, onyẹ hụn m kwọndọn ẹka-nni — n'o mẹrisọnmẹ alị ichẹn-ichẹn, kị wẹ, n'ọ gbụpụsọnmẹ ndị-nze ẹwuru-agha wẹ gi e che ẹhụ lẹni m gụnpụsọnmẹn'ẹ ọnụmụzọ, nke wụnị onwọnni ọnụ-mgbọn k'a gụnrụnn'a. M rị a sị a,

Azaya 45:13

Mmẹ kpọli Saịrọsị — makẹni m'e mẹ ihiẹn furuni; m k'e mẹ ihiẹn ile o buche ẹka ghan'a. O k'a tụndọnzi obodo m wụ Jerusalẹm, mẹ wẹ hatu ndị nke m wẹ nwụnshi alị ndị ọzọ. Ẹlẹ nị wẹ kụ a ụgwọ mọbụ ye ẹ ihiẹn. Ya kẹ Osolobuẹ ku.’ ”

Azaya 46:11

M'a gha ẹbamịn ọwụwa-ẹnyanwụn a kpọha nnụnụ e ri anụ; m'a gha alị hụn tegbu enwẹn ẹ a kpọha okẹnnyẹ hụn k'e mẹ ihiẹn m bu obi. Ihiẹn hụn m ku, m k'e mẹzurịrị a, ihiẹn hụn m romẹ, m k'e mẹrịrị a.

Azaya 48:15

Mmẹ ku ẹ, mmẹ lẹ enwẹn m; ẹghẹẹ, a kpọgụọ m'a; m k'e wẹhẹ ẹ; ọrụn a k'a gha.

Ẹkwan 1:15

Osolobuẹ a lagụọ ndị odogun-agha m tọ; o zigụọ ndị-agha d'a pịpịa ikorọbịa m ile. Osolobuẹ a zọpịpịagụọ Nwagbọọ wụ Juda kẹ w'e mẹ ebe wẹ nọ a zọ vaịnị.

Hibru 7:1

Mẹkizẹdẹkịnị ẹnyi rị e ku wụ eze alị Salẹm; ọ wụzịkwọ onyẹ nchụn-ẹjan Osolobuẹ, Chuku Kachanrịnnị. O kunrun Ebraham kẹ Ebraham kinla ogẹn Ebraham gi mẹrigụ ndị-nze hụ imẹ agha, ọ nọ gọzi Ebraham.

Rẹvẹleshọnụ 16:12

Mmọn-ozi nke isin e hu ihiẹn rị afẹrẹ a ye iyi uku Yufretisi, mirin ẹ nọ tahị, họnrin ụzọ ndị-nze rị ibẹka ọwụwa-ẹnyanwụn k'a ghaha.

Rẹvẹleshọnụ 7:2

Ya m nọ hụn mmọn-ozi ọzọ k'ọ gha azụụn anwụn nọ a wa pụla, shikọ elu; o gi ihiẹn Osolobuẹ rị ndụn gi e ye ahịma. Ọ nọ gi okẹn olu gwa mmọn-ozi ẹnọ hụ wẹ ye ikẹn wiwi ụwa lẹ ohimin oku,