Azaya 41:19 - Ika

¹⁹ M k'e mẹ atụ họnrin ẹgboko mẹ okẹn-osisi sida lẹ akashịa lẹ mẹtụlụ lẹ olivu suemẹ ebẹhụ; mẹ osisi-paịnị jun alị ọkpọ-nkụn, ya lẹ osisi fẹ lẹ saịprẹsị,

Azaya 41:19 ပူးပေါင်းရင်းမြစ်များ

Azaya 27:6

O ru ihun, ebọn Jekọpụ jẹnkọ d'a gba mkpọgụn; Izrẹlụ jẹnkọ d'a kpụkpụma, mị obobo, mị mkpụrụ jun ụwa ile.

Azaya 32:15

O k'a rị ẹrịra d'e ru mgbe Osolobuẹ gha elu-igwee hukpu ẹnyi Mmọn a, alị ọkpọ-nkụn e họnrin alị e mẹ ihiẹn ọhụnma, alị e mẹ ihiẹn ọhụnma e mẹkẹnmẹ, nọchanrịn kẹ ẹgboko.

Azaya 35:1

Kẹ atụ kẹ alị ọkpọ-nkụn jẹnkọ d'a ghọghọ ogẹn hụ! Ẹghẹẹ, alị ọkpọ-nkụn jẹnkọ d'a ghọghọ, ihiẹn e pujun ẹ nọkẹ kẹ ẹfịfịa wụ krokusu dọn e pujun udu-mirin!

Azaya 43:19

Lee n'ẹ, m rị e mẹ ihiẹn ọhụn! O mẹmẹgụọdẹ nwan! Ụnụ a rị a hụn a? M rị a kwaye ụzọ imẹ atụ, e mẹ iyi a pụhasọnmẹ imẹ alị ọkpọ-nkụn.

Azaya 51:3

Osolobuẹ k'a rọkọrịrị Zayọnụ obi, mẹ omikẹn dọnzi ebe ile rịn'a wiwini. O k'e mẹ alị a te kpọgụ nkụn mẹmẹ ihiẹn ọhụnma nọkẹ Idẹni; o k'e mẹ alị a te wiwini n'ọ nọ kẹ ugbo-nta Osolobuẹ. Ịghọghọ lẹ obi-ụsụọ k'a rị alị a, Ịkpanmịn Osolobuẹ lẹ ịbụ-ẹbụ.

Azaya 55:13

Osisi-ọma wụ saịprẹsị jẹnkọ d'a nọkin ẹnya ogun; ezigbo mẹtụlụ e suemẹ ẹlẹzi mkpọ-alị. Osolobuẹ k'e gi ẹ nwọnri ẹfan, ọ wụrụ ahịma itẹbitẹ, hụn jẹnkọ d'a rịsọnmẹ jẹnrin ejẹn.

Azaya 60:13

Ọghọ alị Lẹbanọnụ k'a wụrụ nke ụnụ — osisi ẹ ile wụ paịnị lẹ osisi fẹ lẹ Saịprẹsị, kẹni ụnụ gi ẹ chọ Ụlọ-nsọ m mma. M k'e mẹ ebẹhụ m'a tụkwasị ụkụ n'o nwọn ọghọ.

Azaya 60:21

Ndị nke ụnụ ile k'a wụchanrịn ndị ezi-omumẹ; wẹ k'e nwọnrin alịnị jẹnrin-ejẹn. A wụrụ wẹ ihiẹn m gi ẹka m kụn, ọrụn ẹka m — hụn k'e wẹhẹni m ọghọ.

Azaya 61:11

Ẹghẹẹ, kẹ ẹjan dọn e mẹ ihiẹn e pu, kẹ alị-ugbo dọn e mẹ mkpụrụ wẹ kụn imẹ ẹ e sue, ẹrịra kẹ Di-nwọnni-ẹnyi wụ Osolobuẹ jẹnkọ d'e mẹ ihiẹn o k'e mẹ, alị ile a hụn ezi-omumẹ ẹ, gi ẹ ja a mma.

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Izikẹlụ 47:12

“Ụdị osisi ọwụlẹ a mị mkpụrụ w'e ri k'a rị e sue mkpẹnrẹn iyini azụụnnị lẹ azụụnnị. Agbụkọ wẹ ẹhụhụọ, mkpụrụ agụkọ elu wẹ. Ifọn ile kẹ w'e gi a mị mkpụrụ, makẹni mirin wẹ rị a ra gha Ụnọ-NSỌ e hupụha. Mkpụrụ wẹ k'a wụ ihiẹn-oriri, ẹhụhụọ wẹ a wụrụ ọgụn.”

Hosia 14:8

“Ụnụ ndị Ifrem Izrẹlụ Ẹbamịn ugu, kị ụnụ gidẹ mmọn e mẹ? Mmẹ wụ onyẹ hụn a za ụnụ ekpere, e lepụ ụnụ ẹnya — ẹlẹ mmọn ndị ahụn. M rịhụ kẹ saịprẹsị ghalẹni a gbụ ẹkụkwọ, mmẹ kẹ wẹ gha a mị mkpụrụ.”

Zẹkaraya 1:8

“M hụn ọhụn imẹ uhinhin, hụn okẹnnyẹ ohu rị elu ẹshin ododo hụn wuzo alị osisi mẹtụlụ rị imẹ ọdanmgbugbu. Ẹshin ododo ọzọ lẹ ẹshin ụda lẹ ẹshin ọchan rị okẹnnyẹ hụ azụụn.