Azaya 41:18 - Ika

¹⁸ M k'e mẹ iyi jun elu ugu ọkpọ-nkụn, mẹ isi-mirin jun ọdanmgbugbu ichẹn-ichẹn; E mẹ m ọgọdọ-mirin jun imẹ atụ, mẹ isi-mirin jun alị ọkpọ-nkụn.

Azaya 41:18 ပူးပေါင်းရင်းမြစ်များ

Ẹbụ-ọma 104:10

Y'e mẹ mirin a wapụha imẹ ọdanmgbugbu, e họnrinsọnmẹ iyi rị e hugha ẹgbata ugu.

Ẹbụ-ọma 105:41

Ọ gbawa ọmụma, mirin e hupụha, mirin e huru imẹ alị ọkpọ-nkụn.

Ẹbụ-ọma 107:35

Kanị, o mẹzikwọ atụ e họnrin ọgbọ-mirin, e mẹ alị-ọkpọnkụn a wụrụ isi-mirin,

Ẹbụ-ọma 126:4

Osolobuẹ dodo, mẹ nwan n'ọ rịzịnị ẹnyi mma nọkẹ kẹ mirin dọn e junzi iyi tahịgụnị imẹ alị ọkpọ-nkụn Nẹgẹvụ:

Ẹbụ-ọma 46:4

O nwọn iyi hụn mirin ẹ e mẹ wẹ a ghọghọ imẹ obodo Chuku, imẹ Ebẹhụ rị nsọ Onyẹ Kachanrịnnị bi.

Azaya 12:3

Ụnụ k'a rị a ghọghọ a dọrị nzụọpụha nọkẹ mirin imẹ ọmị nzụọpụha.

Azaya 30:25

Ogẹn hụ Osolobuẹ k'e gbu ndị ahụn, ogẹn hụ ụlọ nche uku ndị ahụn w'a gbaban k'e gi rị a dan, mirin k'a rị e huni ụnụ elu ugu ile jẹn elu lẹ elu òke ile jẹn elu.

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 33:21

makẹni Osolobuẹ k'e gi ọghọ a nọdị ebẹhụ, wụrụ Dikẹn ẹnyi, wụrụnị ẹnyi iyi uku lẹ iyi nta; ụgbọ-amaran ndị-iṅẹnrẹn asakọ ẹka a banhan a, okẹn ụgbọ wẹ hi-ogbe a ghakọ a.

Azaya 35:1

Kẹ atụ kẹ alị ọkpọ-nkụn jẹnkọ d'a ghọghọ ogẹn hụ! Ẹghẹẹ, alị ọkpọ-nkụn jẹnkọ d'a ghọghọ, ihiẹn e pujun ẹ nọkẹ kẹ ẹfịfịa wụ krokusu dọn e pujun udu-mirin!

Azaya 44:3

M jẹnkọ d'e hu mirin ye akpakalị ẹgụn mirin rị a gụn, mẹ iyi rịsọnmẹ alị mirin te rịlẹni; m k'e hu mmọn m kpu ụmụ ị, hu ngọzi m kpu ẹbozo i.

Azaya 48:21

Ẹgụn-mirin agụnị wẹ ogẹn ahụn o gi we wẹ gha alị ọkpọ-nkụn; o mẹ mirin gha ọmụma hụ hupụhanị wẹ; o tiwa ọmụma hụ, mirin nọ hupụha.”

Azaya 58:11

Osolobuẹ k'e du i ogẹn ile; e ye i ihiẹn rị ị mkpa ọsụọn'a nị ị rị alị kpọchanrịn nkụn; o k'e mẹ ọkpụkpụ ị ze ọhụnma-ọhụnma. Ị k'a rị kẹ ugbo-nta w'a gba mirin ọhụnma, rị kẹ isi-mirin hụn mirin ẹ ghalẹni a gụ.

Azaya 65:13

Di-nwọnni-ẹnyi wụ Osolobuẹ sị nwan, “Lee n'ẹ, idibo m k'e rijun ẹfọ, kanị ụnụ k'a nọ ẹgụn! Lee n'ẹ, idibo m k'a rajun ẹfọ, kanị ẹkpịrị k'a kpọ ụnụ nkụn! Lee n'ẹ, idibo m k'a ghọghọ, kanị ifẹnrẹn k'e mẹgbu ụnụ!

Juwẹlụ 3:18

O ru ogẹn ahụn, ugu ndịnị k'e ye manya vaịnị ọda-ọda; elu-òke ndịnị e ye mirin-ẹran efin ọda-ọda mirin k'e jun iyi ile rị alị Juda; Isi-mirin k'a rị Ụlọ Osolobuẹ hụn mirin ẹ k'a gha e hupụha, a gba Ọdanmgbugbu Shitim mirin.

Zẹkaraya 14:8

O ru ogẹn ahụn, mirin e ye ndụn k'a gha Jerusalẹm e hupụha: azụụn ohu k'a rị e hushi Ohimin rị ẹbamịn ọwụwa-ẹnyanwụn, azụụn ohu e hushi Ohimin rị ẹbamịn ọdịdan-ẹnyanwụn. O hubehikọ, kẹ ọhọhị kẹ udu-mirin.

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 7:17

Makẹni Nwa-ebulu ahụn rị etintinnaị ebẹhụ ukpo hụ rị k'a wụrụ onyẹ-ndu wẹ: o k'e du wẹ shi isi-mirin mirin e ye ndụn. Chuku jẹnkọ d'e finchanpụ wẹ ẹnya-mirin ile.”

Ndị Han Eṅẹn 15:19

Ya Osolobuẹ nọ kpupụ alị ebẹhụ mgbugbu shịanị rị imẹ Lehi, mirin nọ gha a hupụha. Samsịn a ragụ, ndụn nọ ban a, ọ tụlụa. Ya wẹ nọ kpọ mirin ahụn, Ẹn-Hakore hụn wụ “Mirin Onyẹ-hụ-yi-oro.” Ọ hụkwọ nwan Lehi d'e ru tannị.