Azaya 41:17 - Ika

¹⁷ Ndị igbẹnnyẹ lẹ ndị elu rị a fụ hụ a chọ mirin wẹ k'a ra, kanị w'a ra hụn; ẹkpịrị hụ a kpọ wẹ nkụn yeni ẹgụn-mirin. Kanị mmẹ wụ Osolobuẹ jẹnkọ d'a za wẹ oku — mmẹ wụ Chuku ndị Izrẹlụ alatọkọ wẹ.

Azaya 41:17 ပူးပေါင်းရင်းမြစ်များ

Jẹnẹsisi 28:15

Lee ẹnya, mmẹ lẹ yụ wị! M k'e chemẹ i ebe ọwụlẹ i k'e jẹn; m k'e wekinhẹnzi i alịnị. Onwọnni ogẹn m'e gi la ị tọ d'e ru n'e mẹzuchanrịn m ihiẹn m kwe i nkwa a.”

Ndị-nze Nke Ibuzọ 17:8

Ya kẹ Osolobuẹ nọ sị Ẹlaịja,

Ihiẹn Mẹni Nke Ẹbụọ 6:17

Euu, Osolobuẹ, Chuku Izrẹlụ, nị nwan oku-ọnụ ị hụn ị gi kwe odibo i wụ Defidi nkwa mẹzu.

Ẹbụ-ọma 22:15

Ndụn a gụgụọ m kẹ ite-ụrụa kpọgụ nkụn, ire a nyanrịn m okpo! Y'e bugụọ m che imẹ ẹjan kẹ ndị nwụnnị.

Ẹbụ-ọma 34:6

Ogbẹnnyẹni a hịghọ, Osolobuẹ nọ za a; ọ zụọpụha a imẹ nsọngbu ẹ ile.

Ẹbụ-ọma 37:25

E mẹghọ m nwata, m wụ nwan ẹgẹdi, m'e ke hụn ebe Osolobuẹ nọ la ndị ezi-omumẹ tọ mọbụ nị ụmụ wẹ rịọma ihiẹn-oriri.

Ẹbụ-ọma 42:2

Ẹgụn Chuku rị a gụn m kẹ mirin, ẹgụn Chuku hụn rị ndụn rị a gụn m! Elee mgbe m'e gi jẹn ihun ẹ d'e fe ẹ?

Ẹbụ-ọma 50:15

kpọku m ogẹn nsọngbu, m k'a zụọpụha ị, y'a ja m mma.

Ẹbụ-ọma 74:21

Anịlẹ ụya ri ndị wẹ rị a zọ ụkụ isi, ka mẹni ndị wẹ rị a bịangbu lẹ ndị mkpa gi, ihiẹn wẹ e gi ja ị mma.

Ẹbụ-ọma 94:14

Makẹni Osolobuẹ alatọkọ ndị nke ẹ; ọ gbakitọkọ ihiẹn ẹ azụụn.

Ọpụpụ 17:3

Kanị, ẹgụn mirin hụkwọ a gụn ndị hụ; wẹ nọ dusọnmẹ Mozizi e kpe, a sị, “Kịnị haịn i gi gha alị Ijiptu wepụha ẹnyi n'i gi ẹgụn mirin gbupụ ẹnyi lẹ ụmụ ẹnyi lẹ anụ ẹnyi?”

Ọpụpụ 17:6

M k'e wuzo ebẹhụ, ihun ụnụ ile, ẹhụ ọmụma ahụn rị Horẹbụ. Fịan ọmụma ahụn ọkpọ hụ; mirin k'a gha imẹ ẹ pụha nị wẹ ra.” Ya Mozizi nọ nọ idẹnya ndị-ichẹn Izrẹlụ mẹ ẹrịra.

Azaya 30:19

Ụnụ ndị Zayọnụ, ndị bi Jerusalẹm, ụnụ akwankọzị ẹkwan. O jẹnkọ d'e mẹni ụnụ omikẹn ọda-ọda ụnụ kwanghọsị a! Hụn o gihụ nụ ẹkwan ụnụ, o k'a za ụnụ.

Azaya 42:16

M k'e du ndị ẹnya-ishi — dughadẹ wẹ ụzọ wẹ marịnlẹni, m k'e we wẹ gha ozue wẹ marịnlẹni. M k'e mẹ ishi họnrin ukpẹ ebe wẹ ghakọ, mẹ ebe mẹ mkpọke-mkpọke riẹnni wẹ. M k'e mẹ ihiẹn ndịnị; agbakịtọkọ m ndị nke m azụụn.

Azaya 43:20

Anụ-ọfịa e yedẹ m ọghọ — kẹ nkitẹ-ọfịa wụ jakalụ kẹ ozuzu-uku, makẹni m'e mẹ mirin a rị imẹ alị ọkpọ-nkụn, e mẹ iyi a pụhasọnmẹ alị te kpọchanrịn nkụn, hụn m gi e ye ndị nke m mirin, ndị m họrị,

Azaya 44:3

M jẹnkọ d'e hu mirin ye akpakalị ẹgụn mirin rị a gụn, mẹ iyi rịsọnmẹ alị mirin te rịlẹni; m k'e hu mmọn m kpu ụmụ ị, hu ngọzi m kpu ẹbozo i.

Azaya 48:21

Ẹgụn-mirin agụnị wẹ ogẹn ahụn o gi we wẹ gha alị ọkpọ-nkụn; o mẹ mirin gha ọmụma hụ hupụhanị wẹ; o tiwa ọmụma hụ, mirin nọ hupụha.”

Azaya 49:10

Ẹgụn agụnkọ wẹ, ẹkpịrị akpọkọ wẹ nkụn, uwowo alị ọkpọ-nkụn emẹkọ wẹ, anwụn amakọ wẹ. Osolobuẹ hụn k'e mẹni wẹ omikẹn k'e du wẹ, du wẹ ghasọnmẹ ebe isi-mirin rị.

Azaya 55:1

Bịa nị, ụnụ ile ẹgụn mirin rị a gụn, bịa nị ebe mirin rị; kẹ onyẹ ọwụlẹ gilẹni egho, bịa nị d'e ṅọnrin ihiẹn-oriri ri! Bịa d'e ṅọnrin manya lẹ mirin-ẹran ọfẹ, onwọnni ihiẹn ụnụ k'a kụ!

Azaya 58:11

Osolobuẹ k'e du i ogẹn ile; e ye i ihiẹn rị ị mkpa ọsụọn'a nị ị rị alị kpọchanrịn nkụn; o k'e mẹ ọkpụkpụ ị ze ọhụnma-ọhụnma. Ị k'a rị kẹ ugbo-nta w'a gba mirin ọhụnma, rị kẹ isi-mirin hụn mirin ẹ ghalẹni a gụ.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Azaya 62:12

Wẹ k'a kpọ wẹ “Ndị-nsọ, ndị Osolobuẹ gbapụha;” wẹ k'a kpọ yụ nwẹn wụ obodo Zayọnụ, “Obodo w'a chọ achọ, obodo wẹ Latọlẹni.”

Azaya 65:13

Di-nwọnni-ẹnyi wụ Osolobuẹ sị nwan, “Lee n'ẹ, idibo m k'e rijun ẹfọ, kanị ụnụ k'a nọ ẹgụn! Lee n'ẹ, idibo m k'a rajun ẹfọ, kanị ẹkpịrị k'a kpọ ụnụ nkụn! Lee n'ẹ, idibo m k'a ghọghọ, kanị ifẹnrẹn k'e mẹgbu ụnụ!

Azaya 65:24

Wẹ gini d'a kpọku m, a za m wẹ; wẹ gini d'a rịọgụ, a nụgụọ m ekpere wẹ.

Azaya 66:2

Ẹlẹ ẹka m mẹmẹ wẹ, haịn wẹ gi rị?” Ya kẹ Osolobuẹ ku. Onyẹni kẹ m'a kpọ ịhịan: onyẹ hụn e welụa enwẹn ẹ alị njọ a e gbu mgbu obi, hụn a nụ oku m, e mẹhunmẹ.

Jerimaya 31:25

M k'e mẹ ndụn banzị ndị ndụn gụ, mẹ obi ruchanrịn ndị rị a kwannị alị.”

Ẹkwan 4:4

Ire hụ a nyantọ ụmụẹka okpo yeni ẹgụn-mirin; ụmụ-ndu hụ a rịọ ihiẹn-oriri, kanị onwọnni onyẹ e yeni wẹ.

Izikẹlụ 47:8

Ọ nọ sị m, “Mirinni hushikọ ẹbamịn ọwụwa-ẹnyanwụn. O ru, ọ kpọtu shi Ọdanmgbugbu Araba. O k'a gha ebahụn huye Ohimin Nwụnnị; o sikọ d'e mẹ mirin ohimin hụ rị mma.

Matiu 5:3

“Ngọzi wụ nke ndị la enwẹn wẹ tọnị Osolobuẹ nọkẹ igbẹnnyẹ, makẹni Alị-eze elu-igwee wụ nke wẹ!

Matiu 5:6

Ngọzi wụ nke ndị ọ rị a gụn nị ihiẹn rị kẹ Osolobuẹ dọn chọ, a gụn wẹ kẹ ihiẹn-oriri lẹ ihiẹn-ọrịra; ẹfọ jẹnkọ d'e jun wẹ.

Luku 16:24

Ya ọ nọ yi, ‘Nẹdi ẹnyi Ebraham! Mẹ omikẹn m zi Lazarọsụ n'o gi ọnụnụ mkpịnsịn-ẹka a deri mirin tanye m ire kẹni ire jụụ m oyi, makẹni m rị a ta okẹn afụnfụn imẹ ọkụnnị!’

Ndị Kọrẹntị Nke Ẹbụọ 12:9

Kanị Di-nwọnni-ẹnyi nọ sị m, “Eyemẹka m sụọ k'ị chọ, makẹni ebe ndụn nọlẹni rị kẹ ikẹn m nọ a pụhachanrịn ifọn.” M'a nyan nwan isi, a ghọghọ, nị ndụn arị m, kẹni ikẹn Kraịstị hụn ụzọ rịsọnmẹ imẹ m.

Rẹvẹleshọnụ 21:6

Ya ọ nọ sị m, “O mẹgụọ! Mmẹ wụ Ibuzọ lẹ Ikpanzụụn, Mbidọn lẹ Ọgụgụ. Onyẹ ọwụlẹ ẹgụn-mirin rị a gụn, m k'a gha isi-mirin e ye ndụn ye ẹ mirin ọfẹ.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.