Azaya 41:15 - Ika

¹⁵ Lee ẹ, m jẹnkọ d'e gi i họnrin ihiẹn wẹ gi a kụkpọ ọka — nke ọhụn tụ nkọ hụn nwọn eze bu ọda. Ị k'a kụkpọ ugu ichẹn-ichẹn kẹ ọka, gweriẹn wẹ, mẹ òke ichẹn-ichẹn jẹn elu wụrụsọnmẹ ẹfịfịa-ọka.

Azaya 41:15 ပူးပေါင်းရင်းမြစ်များ

Jobu 41:30

Ihiẹn a tụ nkọ kẹ mpekele ite jun ẹ okpuru ẹfọ; nrịrị a nọhụ kẹ ugbẹnrẹn ihiẹn wẹ gi a rụn ẹfịfịa e vinye alị.

Ẹbụ-ọma 18:42

E gweriẹn m wẹ, e họnrin wẹ uzunzun ufere bukọ; e hupụ m wẹ kẹ ẹpẹtẹ.

Azaya 17:13

Ọsụọkwọn'a ndị alị ichẹn-ichẹn rị a zụn ụzụn kẹ okẹn-mirin rị e huni, Osolobuẹ k'a jụgbọ wẹ hụ a gbate wẹ, nọkẹ ẹfịfịa ọkpọ-nkụn ufere bukọ elu òke, nọkẹ ukun-ẹfịfịa ufere bukọ.

Azaya 21:10

Euu, ọka m wẹ kụkpụkpọ, ndị nke m hụnjungụ ẹnya ebe wẹ nọ kụkpọ wẹ! Ihiẹn m rị a gwa ụnụ wụ ihiẹn m nụ ọnụ Osolobuẹ ihiẹn ile rị okpuru ẹ, ọnụ Chuku Izrẹlụ.

Azaya 28:27

W'a ra gi ẹgbe wẹ gi a kụkpọ ọka-witi ti ogirigbọn mọbụ gi ụgbọ-anyịnyan pịn osẹn; mkpịnsịn mẹ mgbara kẹ wẹ gi a fịan ogirigbọn; onyẹ e gi ukpokpo a fịan osẹn?

Azaya 29:5

Kanị, ndị-iṅẹnrẹn i ahụn bu ọda k'a la iwi, a nọ wẹ kẹ uzunzun riẹnni; igunrun ndị iwe i hụ ghalẹni e mẹ omikẹn k'a nọ kẹ ẹfịfịa w'a fụpụ: Idẹnmizi, njube-ẹnya ohu,

Azaya 42:15

M k'e bu ugu lẹ òke la iwi, mẹ ihiẹn ile rị e sue elu wẹ shinwụnchanrịn; m k'e mẹ iyi tahị, akpakalị a pụhasọnmẹ ẹ, mẹ ọgọdọ-mirin tahị.

Azaya 64:1

K'o furu y'a dọwapụ igwere, hidan — nkẹ ugu ile e mẹhunmẹ ihun i,

Jerimaya 51:20

Ịyụ wụ ẹgbe m gi a lụ agha lẹ ihiẹn-ọgụn m: Ịyụ kẹ m gi a kụkpọ alị ichẹn-ichẹn; ịyụ kẹ m gi e tikpọ alị-eze ichẹn-ichẹn;

Jerimaya 51:33

“Makẹni Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Nwagbọọ wụ Babilọnụ jẹnkọ d'a nọ kẹ alị wẹ nọ a kụkpọ ọka, hụn wẹ rị a kwademẹ; ọ họdụ ẹkẹrẹ, e betu wẹ ọka kụkpọ.’

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Izikẹlụ 33:28

M k'e mẹ alị Izrẹlụ gba okpokoro, mẹ ẹ la iwi, ikẹn ẹ ahụn o gi a họnrọn a gụ; ugu ndị rị Izrẹlụ k'a gba okpokoro makẹni onwọnzini onyẹ k'a ghazị elu wẹ.

Daniẹlụ 2:35

Wẹ ile, kẹ igwe-mmaka kẹ ụrụa kẹ igwe-bronzu kẹ siliva kẹ goru nọ kụkpọpụ, nọchanrịn kẹ ẹfịfịa-ọka rị alị ebe wẹ nọ a kụkpọ ọka imẹ ọhọhị; ya kẹ ufere nọ fepụ wẹ, kaka akpụ-ohu ahọdụnị. Kanị ọmụma nwẹn ti ihiẹn ahụn wẹ kpụ nọ họnrin ẹregede ugu, shịagbarị ụwa ile.

Maịka 4:13

Osolobuẹ sị, “Lihi nwan Zayọnụ, n'ị kụkpọma wẹ kẹ ọka: m k'e ye i mpịn igwe, ye i akpụkụ igwe-bronzu. Ị k'a kụkpọchanrịn alị ichẹn-ichẹn; we eje akụ-lẹ-ụba wẹ kwanị Osolobuẹ, we ihiẹn ile wẹ nwọn kwanị Onyẹ hụ nwọn ụwa ile.”

Maịka 5:8

Ẹghẹẹ, ebọn Jekọpụ hụn k'a họdụnị, hụn k'a rị imẹ igunrun alị ndị ọzọ bu ọda, k'a rị kẹ ẹwọrọ hụn rị imẹ anụmanụ ndị ọzọ rị ẹgboko; Wẹ k'a rị kẹ nwa-ẹwọrọ rị imẹ igunrun atụnrụn, ọ ghakọnị imẹ igunrun atụnrụn, ọ hụ a zọgbu wẹ, a dọrinrin wẹ, onwọnni onyẹ a saẹka a zụọpụha wẹ ẹka a.

Habakọkụ 3:12

Ị nọ gi iwe zọ ụwa ụkụ, gi olulu zọkpụkpọ alị ichẹn-ichẹn.

Zẹkaraya 4:7

“Ihiẹn ọwụlẹ ị wụ, uguni jẹngbu enwẹn elu, i k'e ziẹnkpọ ihun Zerubabẹlụ, họnrin alị aradan. Zerubabẹlụ gha a tụngụ ụlọnị, ịhịan ile k'a rị e yi, ‘Ẹfọma rọ; ẹfọma rọ!!’ ”

Joshụa 17:18

werizi ni alị-ugunị. Ọ sụọn'a nị o mẹ ẹgboko-ẹgboko, sụnchanpụ n'a werichanrịn, d'e ru ebe o ru; ọ sụọn'a ndị Kenaanị rịn'a ze eze, nwọn ụgbọ-ẹshin igwe, ụnụ k'a s'ẹka chụpụ wẹ.”

Ndị Han Eṅẹn 6:16

Osolobuẹ nọ sị a, “M sikọ d'a nọyen'i; i sikọ d'e gbuchanrịn ndị Midianị ile.”