Azaya 41:14 - Ika

¹⁴ Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 41:14 ပူးပေါင်းရင်းမြစ်များ

Jobu 19:25

A marịnghọ m nị Onyẹ Agbapụhanị m rị ndụn, n'o k'e wuzo elu-ụwa ogẹn ikpanzụụn;

Jobu 25:6

kị wụzị ịhịan, hụn wụhụ ọhọrị — onyẹ ịhịan mụ, hụn wụhụ ndidọn.”

Ẹbụ-ọma 19:14

Oku-ọnụ m lẹ iroro m wẹ wụrụ hụn y'a nabanhan, Osolobuẹ, Ọmụma m lẹ Onyẹ a gbapụhanị m!

Ẹbụ-ọma 22:6

Kanị m wụhụ ndidọn, ẹlẹzidẹ ịhịan — ịhịan hụ a kpari m, ndị alị hụ e lelịa m!

Ẹbụ-ọma 46:5

Chuku rị imẹ obodo ahụn, onwọnni ihiẹn k'e mẹn'ẹ; Chuku k'a zọ ụzọ d'e yen'ẹ ẹka.

Ẹbụ-ọma 78:35

A nyanhan wẹ nị Chuku wụ ọmụma hụn e che wẹ nche, nị Onyẹ Ahụn Kachanrịnnị wụ onyẹ hụn a gbapụhanị wẹ.

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Azaya 37:4

O nwọn ikẹn mẹni Osolobuẹ wụ Chuku i a nụgụọ oku-ọnụ onyẹ-isi agha Asiria — onyẹ hụn eze Asiria zi d'a kpari Chuku hụn rị ndụn. Ikẹnkwọ Osolobuẹ wụ Chuku i a jụgbọ a yeni ihiẹn Osolobuẹ nụ ọnụ a. Dodo, mẹni ẹnyi ndị họdụ alịnị ekpere!’ ”

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 43:14

Lee ihiẹn Osolobuẹ ku — Osolobuẹ Onyẹ-mgbapụha ụnụ, Onyẹ-nsọ Izrẹlụ: “M k'e gi ufiri ụnụ zi ndị-agha jẹn Babilọnụ, mẹ ndị Babilọnụ gi ụgbọ-mirin ndị ahụn wẹ gi a nyan isi gbapụ.

Azaya 43:3

makẹni mmẹ wụ Osolobuẹ, hụn wụ Chuku ụnụ, Onyẹ-nsọ Izrẹlụ, Onyẹ Azụọpụhanị ụnụ; mmẹ gi Ijiptu gbarị isi ụnụ, gizikwọ Ẹtiopịa lẹ Sẹba gbarị ụnụ.

Azaya 44:22

E finchanpụgụọ m mmẹfie ụnụ ile rịkẹ igwere gitọnị, zapụ njọ ụnụ lekẹ igirigi ụtụntụn. Kinhẹn ni nwan d'e kunrun m, n'a gbarịgụọ m ụnụ.

Azaya 44:24

Lee ihiẹn Osolobuẹ ku — ihiẹn Onyẹ hụn gbapụhan'ị ku, Onyẹ hụn mẹmẹ i imẹ ẹfọ-nnẹ i: ọ sị: “Mmẹ wụ Osolobuẹ hụn ke ihiẹn ile; mmẹ sụọ setịnpụ igwere; gi ẹka m gbama ụwa kẹ ẹkwa.

Azaya 44:6

Lee ihiẹn Osolobuẹ ku — Eze Izrẹlụ, Onyẹ-mgbapụha Izrẹlụ, Onyẹ ihiẹn ile rị okpuru ẹ, ọ sị: “Mmẹ wụ Ibuzọ, mmẹ wụ Ikpanzụụn. Chuku arịa — wezụka m.

Azaya 47:4

Onyẹ-mgbapụha ẹnyi hụn ẹfan a wụ Osolobuẹ ihiẹn ile rị okpuru ẹ, ịya wụ Onyẹ-nsọ Izrẹlụ.

Azaya 48:17

Lee ihiẹn Osolobuẹ ku — ihiẹn Onyẹ-mgbapụha ị, Onyẹ-nsọ Izrẹlụ, ku: ‘Mmẹ wụ Osolobuẹ, Chuku ụnụ, hụn a kuzi ụnụ kẹ n'ọ rịnị ụnụ mma; hụn a ghọsị ụnụ ụzọ ụnụ k'a gha.

Azaya 49:26

M k'e mẹ ndị rị e mẹjan'ị ri uru ẹhụ wẹ lẹ enwẹn wẹ; wẹ k'a ra ẹdeke enwẹn wẹ, ọ tụ wẹ kẹ manya. Ogẹn ahụn, ịhịan ile rị ụwa k'a marịn nị mmẹ hụn wụ Osolobuẹ wụ Onyẹ-nzụọpụha ị, Onyẹ-mgbapụha ị, Dikẹn ebọn Jekọpụ.”

Azaya 49:7

Lee ihiẹn Osolobuẹ ku, Osolobuẹ, Onyẹ-mgbapụha lẹ Onyẹ-nsọ Izrẹlụ: ọ rị a gwa onyẹ hụn alịnị ile legberi, jụ, onyẹ hụn wụ igbọn ndị-nze: ọ sị, “Ndị-nze k'a hụn ị, lihin'i ọtọ; ndị-ọkịkị k'a hụn ị, kụn'ị isi alị, makẹni Osolobuẹ hụn furu wẹ gi e dọn ẹnya k'e mẹ ẹ, Onyẹ-nsọ Izrẹlụ hụn họrịn'ị k'e mẹ ẹ.”

Azaya 54:5

Makẹni Chuku hụn ken'i, ịya wụ di i — ẹfan a wụ Osolobuẹ ihiẹn ile rị okpuru ẹ; ẹghẹẹ, Onyẹ-nsọ alị Izrẹlụ wụ onyẹ a gbapụhan'ị; Chuku ụwa ile kẹ wẹ a kpọ a.

Azaya 54:8

Okẹn ọnụma hụn kpọ kẹ ẹbi kẹ m gi bupụ ị ihun ẹkẹrẹ, kanị okẹn ẹfọma hụn k'a rịsọnmẹni kẹ m k'e gi mẹn'i omikẹn. Ịya kẹ Osolobuẹ Onyẹ a gbapụhan'ị ku.

Azaya 59:20

Onyẹ-mgbapụha k'a bịa obodo Zayọnụ, d'a zụọpụha ndị ebọn Jekọpụ k'e rogharịnị. Ya kẹ Osolobuẹ ku.

Azaya 60:16

Alị-eze ichẹn-ichẹn k'e mẹdẹ ụnụ kẹ ụmụ wẹ rị e ye ẹran; ndị-nze k'e mẹni ụnụ kẹ ụmụ rị a ra ẹran, ụnụ e gi ẹ marịn nị mmẹ, Osolobuẹ, wụ Onyẹ hụn a zụọpụhanị ụnụ, Onyẹ mgbapụha ụnụ, Dikẹn ebọn Jekọpụ.

Azaya 63:16

Kanị, yụ wụ nẹdi ẹnyi, ọsụọn'a Ebraham amarịn ẹnyi, ọsụọn'a Izrẹlụ sị ọ marịnzị onyẹ ẹnyi wụ — yụ wụ Osolobuẹ wụkwọ nẹdi ẹnyi; Onyẹ-mgbapụha ẹnyi wụ ẹfan ị ẹdẹi.

Jerimaya 46:27

“Odibo m, Jekọpụ, atụkwọlẹ egun; Izrẹlụ, anịkwọlẹ ndụn gụ ị. M jẹnkọ d'a gha alị ahụn tegbu enwẹn ẹ ị rị zụọpụha ị, m k'a gbapụha ẹbozo i imẹ alị hụ wẹ kpụnjẹn wẹ. Jekọpụ jẹnkọ d'e bizi udọn lẹ ndọnkwa, onwọnzini onyẹ k'e rọn ẹ egun.

Jerimaya 50:34

Kanị onyẹ a gbapụhanị wẹ ze e ze; Osolobuẹ ihiẹn ile rị okpuru ẹ wụ ẹfan a. O k'e kinni wẹ ọnụ wẹ ru isi ẹ, kẹn'o ye alị wẹ udọn, bu nsọngbu tọnị ndị bi Babilọnụ. “Osolobuẹ sị:

Ẹkwan 3:57

Y'a nọzụnhanghọ kẹ m kpọ ị, ị nọ sị, “Atụlẹ egun.”

Daniẹlụ 10:12

Ya ọ nọ kumẹ, sị, “Atụlẹ egun, Daniẹlụ. Kete ụhụọhịn ahụn i bu obi che ihiẹnni n'ị ghọta, bu enwẹn i che alị ihun Chuku, Chuku a nụgụọ ihiẹn i ku, ya kẹ m bịanị nwan.

Hosia 11:9

Ẹlẹ m k'e mẹchanrịn kẹ olulu rị m obi han. Etikpọchanrịnkọ m Ifrem — makẹni, Osolobuẹ kẹ m wụ, ẹlẹ m ịhịan. Mmẹ wụ Onyẹ Ahụn Rị Nsọ hụn rị imẹ igunrun ụnụ — egichanrịnkọ m olulu rị m obi sọn ụnụ.

Matiu 7:14

Kanị, ọnụ-mgbọn wẹ gha a banye ndụn mẹ warara ọda-ọda, w'a fagha ụzọ a a fagha; ndị a hụnn'a ebuni ọda.

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Ndị Rom 9:27

Nke ndị Izrẹlụ, Azaya gi wẹ yi oro, sị, “Ọsụọn'a nị ndị Izrẹlụ bu ọda kẹ ẹjan rị mkpẹnrẹn ohimin, ndị Osolobuẹ k'a zụọpụha imẹ wẹ ebukọ ọda;

Ndị Galeshịa 3:13

Kraịstị gbapụha ẹnyi imẹ abụmọnụ rị imẹ Iwu ghahanị igi ufiri ẹnyi wụrụ onyẹ wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ wẹ hogbu elu osisi a wụrụọlẹ onyẹ wẹ bụ ọnụ.”

Ditrọnọmi 7:7

Ẹlẹkwọ ni ụnụ ka ndị ọzọ ọda haịn Osolobuẹ gi we ụnụ che ẹhụ, họrị ụnụ — ụnụ te kachanrịnkwọ ntịn imẹ alị ile.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Joshụa 17:18

werizi ni alị-ugunị. Ọ sụọn'a nị o mẹ ẹgboko-ẹgboko, sụnchanpụ n'a werichanrịn, d'e ru ebe o ru; ọ sụọn'a ndị Kenaanị rịn'a ze eze, nwọn ụgbọ-ẹshin igwe, ụnụ k'a s'ẹka chụpụ wẹ.”

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.