Azaya 41:10 - Ika

¹⁰ Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 41:10 ပူးပေါင်းရင်းမြစ်များ

Jẹnẹsisi 15:1

Ihiẹn ndịnị e mẹgụ, Ebram nọ hụn ọhụn ebe Osolobuẹ nọ sị a, “Ebram, atụlẹ egun; mmẹ wụ akpaịn ị hụn e che i nche; m k'a kụ ị ụgwọ higbu enwẹn ẹ ogbe.”

Jẹnẹsisi 26:24

Uhinhin ahụn daị, Osolobuẹ nọ bịa d'e kunrun ẹ, sị a, “Mmẹ wụ Chuku Ebraham nẹdi i; atụlẹ egun, nị mmẹ lẹ yụ wị; m jẹnkọ d'a gọzi i, mẹ ụmụ ị barahị — m jẹnkọ d'e mẹ ihiẹn ndịnị makẹ ufiri odibo m wụ Ebraham.”

Jẹnẹsisi 31:5

Ọ nị sị wẹ, “A hụngụọ m'a nị nẹdi ụnụ arịzị e mẹ m k'o mẹ m mbụ, kanị Chuku hụn nẹdi m e fe nọyeni m anọyeni.

Jẹnẹsisi 49:24

Kanị ụta ya nwẹn gi ẹka amahihieni, echẹn kẹ ẹka a zekwọ, makẹni ẹka Dikẹn hụ Jekọpụ gi dọn ẹnya kwọndọn ẹ; makẹni Onyẹ ahụn e du ẹnyi kẹ atụnrụn kwọndọn ẹ, Onyẹ hụn wụ Ọmụma Izrẹlụ;

Samuẹlụ Nke Ẹbụọ 22:19

M rị imẹ nsọngbu kẹ wẹ maye m, kanị Osolobuẹ nọ yeni m ẹka.

Ihiẹn Mẹni Nke Ibuzọ 12:18

Ya kẹ Mmọn (Chuku) nọ nu Amasaị hụn a kị Ndị Odogun-agha Iri kwasị ọgụn Ahụn, ọ nọ sị: “Defidi, nke i kẹ ẹnyi wụ! Nwa Jese, ẹnyi lẹ ịyụ wị! Ihun-ihun kẹ w'a gha a hụn ị; ihun-ihun kẹ w'a gha a hụn ndị e yeni i ẹka; makẹni Chuku i k'e yen'i ẹka.” Ya Defidi nọ nabanhan wẹ, gi wẹ họnrinsọnmẹ ndị a kịn'a itu ichẹn-ichẹn e jẹnn'ẹ ọgụn.

Ihiẹn Mẹni Nke Ẹbụọ 20:17

Ẹlẹ ụnụ jẹnkọ d'a lụ aghanị. Werisọnmẹ ni hụ ọnọdị agha, ụnụ e turu nị ụnụ hụn mgbapụha Osolobuẹ jẹnkọ d'a gbapụha ụnụ, ndị Juda lẹ Jerusalẹm. Atụlẹ ni egun; anịlẹ ni ndụn gụ ụnụ. Eki, ụnụ e jẹn d'a lụsọn wẹ agha, Osolobuẹ k'a nọyeni ụnụ.’ ”

Ihiẹn Mẹni Nke Ẹbụọ 32:8

Ikẹn ịhịan mmaka sụọ k'o gi lala, kanị ẹnyi lẹ Osolobuẹ wụ Chuku ẹnyi hụn jẹnkọ d'e yeni ẹnyi ẹka, lụnị ẹnyi ọgụn, wị.” Ndị hụ nọ gi oku Hezikaya gwa wẹ kasị enwẹn wẹ obi.

Ẹbụ-ọma 144:11

Tọpụ m, zụọpụha m ẹka ndị alị ọzọ, ndị oku-ọnụ wẹ wụ ntụ-ntụ, hụn a tụ ntụ a kịshini Osolobuẹ ẹka elu.

Ẹbụ-ọma 144:8

ndị oku-ọnụ wẹ wụ ntụ-ntụ, hụn a tụ ntụ a kịshini Osolobuẹ ẹka elu.

Ẹbụ-ọma 145:14

Osolobuẹ e yeni ndị rị a dannị ẹka; o weli ndị rị imẹ nsọngbu.

Ẹbụ-ọma 147:12

Jerusalẹm, ja Osolobuẹ mma! Zayọnụ, ja Chuku i mma!

Ẹbụ-ọma 18:36

Y'e mẹ ụzọ a shịapụnị m m ghakọnị, amamgbe m'e kpori, dan.

Ẹbụ-ọma 27:1

Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?

Ẹbụ-ọma 29:11

Osolobuẹ e ye ndị nke ẹ ikẹn; Osolobuẹ e ye ndị nke ẹ udọn.

Ẹbụ-ọma 33:12

Ngọzi wụ nke alị ahụn Osolobuẹ wụ Chuku wẹ, ndị ahụn ọ họrị nị wẹ wụrụ nke ẹ!

Ẹbụ-ọma 37:17

makẹni wẹ k'a napụ ndị-njọ ikẹn, kanị Osolobuẹ k'e dọnmẹ ndị ezi-omumẹ.

Ẹbụ-ọma 37:24

ọ sụọn'a nị ọ kpọgburu akpọgburu, ọ dankọ, makẹni Osolobuẹ e gi ẹka a a ghọdọn ẹ.

Ẹbụ-ọma 41:12

Kama, ị hụ e mẹ m e turu makẹni m kụrụ ọtọ; y'e bugụọ m che ihun i jẹnrin ejẹn.

Ẹbụ-ọma 46:11

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche! Sẹla

Ẹbụ-ọma 46:7

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche. Sẹla

Ẹbụ-ọma 63:8

Azụụn ị kẹ m'e zueri; ẹka-nni i e kwọndọn m.

Ẹbụ-ọma 65:5

Chuku hụn a zụọpụhanị ẹnyi! Y'a rụnsọnmẹ ihiẹn bu ọda a tụ ẹnya i gi a ghọsị ẹnyi n'ị hụ a; ịyụ kẹ elu-ụwa ile rị e lee ẹnya, kẹ ndị rị nfetu ohimin tegbu enwẹn ẹ.

Ẹbụ-ọma 99:4

Eze hụn wụ Dikẹn, onyẹ ezioku a sụọ ụsụọ, y'e yegụọ ezigbo eṅẹn ọnọdị a; y'e mẹgụọ ihiẹn furuni lẹ ihiẹn rị mma imẹ ebọn Jekọpụ.

Ọpụpụ 14:13

Mozizi nọ za wẹ, sị, “Atụlẹ ni egun! Turu ni; ụnụ jẹnkọ d'a hụn nzụọpụha Osolobuẹ jẹnkọ d'a zụọpụha ụnụ tannị. Nke ndị Ijiptuni ụnụ rị a hụn tannị, ụnụ ahụnkọzị wẹ.

Ọpụpụ 20:20

Mozizi nọ sị wẹ, “Atụlẹ ni egun. Osolobuẹ bịa d'e lele ọnụ, kẹni egun Osolobuẹ tụma ụnụ, mẹ ọnụ gbanị njọ ọsọ.”

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 35:4

Sị nị ndị obi wẹ zelẹni, “Kwọnkẹnmẹ ni enwẹn ụnụ, atụlẹ ni egun, Chuku ụnụ lala — ọ lala d'e mẹgwarịnị ụnụ, ọ lala d'e mẹgwarị wẹ kẹ Chuku; ọ lala d'a zụọpụha ụnụ.”

Azaya 37:6

Azaya nọ sị wẹ, “D'a gwa nị di-nwọnni ụnụ nị Osolobuẹ sị: ‘Atụlẹ egun ihiẹn ndị ị nụ, ihiẹn hụ idibo eze Asiria gi kpari m.

Azaya 43:5

Atụlẹ egun, mmẹ lẹ yụ wị; m k'a gha ẹbamịn ọwụwa-ẹnyanwụn welụa ụmụ ị, m k'a ghazị ẹbamịn ọdịdan-ẹnyanwụn welụa ụnụ.

Azaya 44:2

Lee ihiẹn Osolobuẹ ku — Osolobuẹ hụn ken'i, hụn mẹmẹ i imẹ ẹfọ nnẹ i, hụn jẹnkọ d'e yen'i ẹka — ọ sị, “Odibo m Jekọpụ, atụlẹ egun. Jẹshurunu hụn m họrị, atụlẹ egun.

Azaya 49:8

Lee ihiẹn Osolobuẹ ku, “Ogẹn m k'e gi mẹ ọhụnma, m k'a za ị oku; ụhụọhịn m'e gi zụọpụha ị, m k'e yeni i ẹka. M k'e dọnmẹ i, gi i mẹzu nkwa m kwe ndị alị, kẹni i dọnzi alị, keyesọnmẹzi wẹ alị wẹ hụn te gba okpokoro

Azaya 50:9

Di-nwọnni-ẹnyi wụ Osolobuẹ wụ onyẹ e yeni m ẹka, onyẹ k'a hangbu m nwan eṅẹn? Wẹ jẹnkọ d'a fahị kẹ ẹkwa; ẹkịka k'e ripụ wẹ.

Azaya 52:7

Ụkụ ndịnị fetula ugu arịka mma-o! Ụkụ ndị ahụn wela ozi rị mma! Ndị bịa d'e ku ni ihiẹn a rịgụọ mma, ndị wẹhẹ ozi rị mma, ndị rị a hị nị nzụọpụha a bịagụọ, ndị rị a sị ndị Zayọnụ, “Chuku ụnụ wụ eze!”

Azaya 60:19

Ụnụ egikọzị ẹnyanwụn legha ụzọ ogẹn efinaị; mọbụ gi ifọn legha ụzọ imẹ uhinhin. Mba. Osolobuẹ lẹ enwẹn ẹ k'a wụrụnị ụnụ ukpẹ jẹnrin-ejẹn; Chuku ụnụ k'a wụ ọghọ ụnụ.

Ẹkwan 3:57

Y'a nọzụnhanghọ kẹ m kpọ ị, ị nọ sị, “Atụlẹ egun.”

Daniẹlụ 10:12

Ya ọ nọ kumẹ, sị, “Atụlẹ egun, Daniẹlụ. Kete ụhụọhịn ahụn i bu obi che ihiẹnni n'ị ghọta, bu enwẹn i che alị ihun Chuku, Chuku a nụgụọ ihiẹn i ku, ya kẹ m bịanị nwan.

Daniẹlụ 6:16

Ya eze nọ zi wẹ, wẹ nọ wẹhẹ Daniẹlụ, tụ a ye imẹ olu ẹwọrọ. Eze sị Daniẹlụ, “Chuku i, hụn y'e fe ogẹn ile ya dodo gbapụha ị!”

Hosia 1:9

Osolobuẹ nọ sị Hosia, “Gụn a ‘Lo-Ami’ hụn wụ ‘Ẹlẹ wẹ ndị nke m.’ Makẹni, ndị Izrẹlụ ẹlẹ nke m, mmẹ nwẹn ẹlẹ nke wẹ.

Hagaị 1:13

Ya kẹ Hagaị wụ onyẹ-ozi Osolobuẹ nọ sị wẹ nị Osolobuẹ sị wẹ nwan, “M hụ ụnụ azụụn. Mmẹ wụ Osolobuẹ ku ẹ!”

Hagaị 2:5

Nọkẹ kẹ m dọn kwe ụnụ nkwa ogẹn ụnụ gi gha alị Ijiptu pụha, echẹn kẹ Mmọn m rịkwọ imẹ igunrun ụnụ. A tụlẹ ni nwan egun.’

Zẹkaraya 10:12

M k'e mẹ ndị nke m wụrụ ndị hụn Osolobuẹ wụ ikẹn wẹ, e gi wẹ ẹfan m e jẹn. Ya kẹ Osolobuẹ ku.

Zẹkaraya 10:6

M k'e mẹ ndị alị Juda zekẹnmẹ; m k'a gbapụha ebọn Josẹfụ. M k'e mẹzi n'ọ rịnị wẹ mma makẹni omikẹn wẹ rị e mẹ m, a nọzị wẹ kẹ sị ajụtọnị m wẹ mbụ! O k'a rị ẹrịra makẹni mmẹ wụ Osolobuẹ wụ Chuku wẹ; m k'a za wẹ.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Luku 1:13

Mmọn-ozi hụ nọ sị a, “Zẹkaraya, atụlẹ egun! Osolobuẹ a nụgụọ ekpere i: Ẹlizabẹti nwunyẹ i jẹnkọ d'a mụn'ị okẹnnyẹ! I k'a kpọ a Jọnụ.

Luku 1:30

Mmọn-ozi hụ nọ sị a, “Meri, atụlẹ egun. Chuku e mẹgụọn'ị ọhụnma.

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Ndị Kọrẹntị Nke Ẹbụọ 12:9

Kanị Di-nwọnni-ẹnyi nọ sị m, “Eyemẹka m sụọ k'ị chọ, makẹni ebe ndụn nọlẹni rị kẹ ikẹn m nọ a pụhachanrịn ifọn.” M'a nyan nwan isi, a ghọghọ, nị ndụn arị m, kẹni ikẹn Kraịstị hụn ụzọ rịsọnmẹ imẹ m.

Ndị Ẹfẹsọsụ 3:16

M rị a rịọ a n'o gi ihiẹn ahụn ile o nwọn ye ụnụ ikẹn ụnụ e gi ze imẹ obi ụnụ ghahanị Mmọn-nsọ a.

Ditrọnọmi 20:1

Ụnụ jẹn d'a lụsọn ndị-iṅẹnrẹn ụnụ agha, nị ụnụ a hụn ẹshin lẹ ụgbọ-anyịnyan wẹ kpọnhẹn lẹ ndị-agha ka ndị-agha ụnụ ọda, atụlẹ ni egun wẹ, makẹni, Osolobuẹ wụ Chuku ụnụ hụn gha alị Ijiptu wepụha ụnụ jẹnkọ d'a nọyeni ụnụ.

Ndị Filipi 4:13

M'a saẹka e mẹ ihiẹn ile ghahanị Onyẹ hụn e ye m ikẹn.

Joshụa 1:9

Agwagụọnị m'ị? Kakẹnmẹ; rikin obi; atụkwọlẹ egun; anịlẹ ndụn gụ ị, makẹni Osolobuẹ wụ Chuku i k'a nọyen'i ebe ọwụlẹ i jẹnkọ.”

Ndị Han Eṅẹn 6:16

Osolobuẹ nọ sị a, “M sikọ d'a nọyen'i; i sikọ d'e gbuchanrịn ndị Midianị ile.”