Azaya 40:7 - Ika

⁷ Irurue e shinwụn eshinwụn, obobo a danpụ yeni uzun Osolobuẹ kunkpu wẹ. Eziẹ, ịhịan wụhụ irurue mmaka.

Azaya 40:7 ပူးပေါင်းရင်းမြစ်များ

Jobu 14:2

Ọ pụha kẹ obobo, o shinwụn; ọ tọhụ ẹkẹrẹ kẹ onyinyọn, ọ ra tọ.

Jobu 4:9

Chuku kunhụ uzun kpu wẹ, a la wẹ iwi; o gi olulu ẹ mẹ wẹ ihiẹn, nke wẹ a gụ.

Jobu 41:21

Uzun o kunpụha e mẹ ikeke-ọkụn e nwunrun ọkụn; ọkụn a ghazịdẹ a ọnụ a pụha.

Ẹbụ-ọma 102:4

Kaka akpụ ndụn ohu arịzị m obi, obi nọ m nwan kẹ ẹfịfịa shinwụnnị; ẹfọ a kpakingụọdẹ m.

Ẹbụ-ọma 103:15

Ndụn ịhịan nọhụ kẹ ẹfịfịa; o suehụ kẹ obobo ọfịa:

Ẹbụ-ọma 103:16

ufere fe ẹ hụ, ọ la, amarịnkọdẹ wẹ n'o te rị ebẹhụ!

Ẹbụ-ọma 90:5

Y'e huru ịhịan nọkẹ mirin; w'a ghafehụ kẹ ụran e fọnpụ ịhịan ẹnya, wẹ nọhụ kẹ ẹfịfịa e suepụhahụ ụtụntụn:

Ẹbụ-ọma 90:6

ụtụntụn, o mẹ oyiyi, mẹ mọkọmọkọ; ẹnyasị, o shinwụn, kpọpụ nkụn.

Azaya 11:4

O k'e kinni ndị rị e ri ụya ọnụ; o k'a hannị ndị igbẹnnyẹ ụwanị ezigbo eṅẹn, ye wẹ ihiẹn runi wẹ. Mkpịnsịn rị a ọnụ k'o k'e gi gbu ụwanị; umẹrẹn rị a ụgb'ọnụ k'o k'e gi gbupụ ndị eje-omumẹ.

Azaya 37:27

Ndụn arịzị ndị obodo ndị ahụn, uhue hụ e hue wẹ, ifẹnrẹn hụ e mẹgbu wẹ. Alịlọhịgụọ wẹ kẹ ihiẹn-akụnkụn rị ugbo, lekẹ ihiẹn pupụha nke ọhụn, nọkẹ irurue rị e pu elu ụlọ hụn anwụn a magbukẹnrin o gini d'e sue.

Azaya 40:24

O ke kẹrẹni wẹ hụ kụn wẹ, o ke kẹrẹni wẹ hụ ghaye wẹ, o ke kẹrẹni wẹ hụ gba akwanran ọ fụ wẹ ufere, e shinwụn wẹ, okẹn ufere e bupụ wẹ lekẹ ẹfịfịa-ọkpọnkụn.

Azaya 51:12

“Mmẹ, mmẹ lẹ enwẹn, mmẹ a rọkọ ị obi. Onyẹ k'ị wụdẹ nwan i gi a tụ egun ịhịan mmaka ịhịan mmaka hụn a nwụnhụ kẹ ẹfịfịa?

Hagaị 1:9

Ụnụ hụ a tụ ẹnya ihiẹn-ugbo hini, kanị ẹkẹrẹ kẹ ụnụ a hụn; ụnụ wẹlụad'a ụlọ, a fụ m'a tuhu. Kị haịn? Makẹni ụlọ m nọkwọ mkpọkọ-mkpọkọ, kanị, ụnụ ile hụ a hụhụ a tụnrụnkẹnrin ụlọ ma mma. Ya kẹ Osolobuẹ ihiẹn ile rị okpuru ẹ ku.

Jemisi 1:10

ọdanfịn kwerini Kraịstị ya ghọghọma ni e wetugụọ w'a alị. Makẹni, ndị-ịdanfịn jẹnkọ d'a nwụnhụn kẹ obobo ọfịa:

Jemisi 1:11

anwụn wahụ, kẹnrẹn, ẹfịfịa rị ọfịa e shinwụn, obobo ẹ a danpụ, mma a a gụ! Ẹrịra kẹ ndị-ịdanfịn a nwụnhụn ebe wẹ rị e bi elu wẹ.